CHAPITRE CCXXXIV
Comment li rois d'Engieterre se logea faiticement devant Calais.
Vous avés ichi desus oï recorder comment le lundi, li rois fist faire une ordenance sus le païs et donna trieuves quatre jours pour ensepvelir les mors, quant il et ses gens se départirent de Créci-en-Pontieu, apriès ce que il ot fait faire en l'église dou monastère de Montenai un moult biel service pour l'amour de son cousin le roi de Boesme, qui là i fu aportés, "et de tous les aultres hauls et grans signeurs. Li Englois cevauchièrent et s'aroutèrent et prissent le cemin de Monstruel-sus-Mer. Le dimence au soir, estoient venu en la ville de Monstruel, li contes de Savoie, et Lois son frère, etli contes de Genève, et bien cinq cens lances de Savoy ens, et n'avoient peu venir à temps à la bataille ; mais pour tant que il avoient entendu que la desconfiture estoit sus les François et que la ville de Monstruel seoit ou voiage des Englois, il se boutèrent dedens. Les Englois coururent devant Monstruel et ardirent Wauben et Estaples et Saint-Josse, et passèrent la rivière de Cance et ardirent tout le païs autour de Boulongne et ne cessèrent de ceminer, si furent venu devant Calais et le aségièrent. Quant li rois d'Engieterre et toutes ses gens furent là venus, il se boutèrent et amanagièrent l en une grande place wide, qui sciet au dehors de Calais, et commencliièrent là à faire et à carpenter maisons et logis
1 Amanagièrent, bâtirent.
petit à petit, et estaient les Englois signeur dou havène et envoioient lornavie, quant il lor plaisoit, en Engleterre, dont vivres et pourvéances lor venoient par mer ; et aussi li coureur englois coururent toute la conté de Boulogne et de Ghines, et le païs jusques à Saint-Omer et Aire et Tiéruane, ne il trouvaient qui lor alast au devant. Si fu envoyés messires Jehans de Vienne', uns chevaliers de Champagne et de Bourgogne, à estre chapitainne de Calais et s'i bouta de nuit à toute sa carge par le sabelon, et cev'auça de Wisan jusques à là. Si le requellièrent tout li homme de la ville et furent moult resjoï de sa venue, et s'i porta li dis chevaliers vaillamment et sagement. Par la voie de la marine fut la ville de Calais plus confortée et rafresquie de vivres, et s'i vinrent bouter par ce cemin meismes, messires Arnouls d'Audrehem, messires Jehans de Surie, messires Joffrois de la Mote, messire Pépins de Were, messires Gérars de Wasières, qui adonc estoit jones esquiers, et pluisseurs aultres chevaliers et esquiers qui tout i furent très-honnourablement.
Quant li rois d'Engleterre fu venus premièrement devant la ville de Calais, ensi que chils qui moult le désiroit à conquérir, il le aségea par grant manière et par bonne ordenance, et fist bastir et ordonner entre la ville et la rivière et le pont de Nieulais hostels et maisons, ouvrer et carpenter de grans mairyens et couvrir les dittes maisons qui estoient asisses et ordonnées par rues, bien et faiticement, de tois d'estrain et de genestres2 et de ce dont on
1 Jean de Vienne, fais de Philippe de Vienne, seigneur de Pagny. Il épousa Catherine de Jonvelle. Philippe de Valois lui donna trois cents livres pour sa belle défense de Calais. Il mourut à Paris le 4 août 1351. (P. Anselme, VII, p. 806.)
2 Genesire, genêt.
puet recouvrer là ou païs, ensi que il vosist là demorer dys ou douse ans ; car li intension de li estoit telle que de là il ne s'en partirait, si l'aueroit conquis par force ou par tretié. Et avoit en ceste nove ville dou roi, toutes coses nécessaires, apertenans à unhoost.
Quant messires Jehans de Vienne fu venus en Calais, et ilôt veule siège et comment les Englois est oient amasé1, ensi que pour demorer vint ou trente ans là devant au siège, et il ot fait visiter la poissance des vivres qui estoient en la ville, il en fist un jour widier et partir plus de vint-sept cens hommes, femmes et enfans, pour alégerir la ville. Qur.nt chil peuples issi hors premièrement de Calais, auquns Englois quidièrent, quant il les veirent issir, que il les venissent courir sus. Si se assamblèrent à l'encontre de euls les archiers et les fissent requler jusques ens es fossés de la ville. Là i ot entre ces Englois, auquns preudommes piteus, qui congneurent tantos que ce n'estoient pas gens pour faire nul contraire. Si fissent cesser les aultres de euls courir sus, et lor demandèrent où il aloient. Il respondirent que on les avoit bouté hors de Calais pour tant que il cargièrent trop la ville, et aloient ailleurs à l'aventure quérir lor mieuls. Ces nouvelles vinrent au roi d'Engleterre qui, meus en pité, les fist entrer en l'oost, et commanda que tout et toutes fuissent bien disné. Il le furent. Avoecques tout ce, au départir et issir del hoost, il fist à casqun grant et petit donner et délivrer un estrelin d'Engleterre, et depuis ces povres gens se départirent et s'espardirent pour avoir lor vivre et lor cavance. Par ces gens orent la congnissance li rois d'Engleterre et ses consauls, que li vivres afoiblissoient
1 Amasé, logé.
-2711 CHRONIOl ES
grandement en la ville de Calais : si n'en furent pas courouchiet.
Or retournons au duch de Normendie et au siège qui se tenoit devant Aguillon.
