CHAPITRE CCXXXV
Comment messircs Phelippes de Bourgogne morut par aventure, et comment les François deffirent leur siège devant Aguillon.
Li dus Jehans de Normendie qui, toute la saison, a voit tenu son siège devant Aguillon et là dedens enclos les bons chevaliers d'Engleterre, messire Gautier de Mauni et les aultres qui si vaillamment s'i estoient tenu et porté et tenoientencores que pour assautonques nes'esbahirent, mais furent tousjours gens tous reconfortés, non que li dus de Normendie se tenist là pour cose que li castiaus de Aguillon vausist, fors que par droite herredrie ' et mérancolie, car on euist fait quatre tels castiaus que Aguillon est, pour ce que li sièges cousta au roiaulme de France, et encores i avint uns grans mescief entre les François, ensi que je vous recorderai et environ la moyenne d'aoust que li rois d'Engleterre passoit parmi le roiaulme de France. Il avint que une escarmuce se fîst devant le chastiel d'Aguillon, des chevaliers et esquiers del hoost à rencontre de eeuls de dedens qui vaillamment les requilloient, toutesfois quantes fois que il estoient requis et asalli. Àssés nouvellement estoit venus en l'oost messires Phelippes de Bourgongne, fils au duchOededeBourgongne, pour ce temps, contes d'Artois et de Boulogne, et cousins germains audit
1 Herredrie , opiniâtreté.
dueh de Normendie. Chil messires Phelippes estoit un moult jones chevaliers, ensi que là le monstra; car si trètos que li escarmuce fu commenchié, il ne volt pas estre des darrains, mais se fist armer et monta sus un coursier fort et rade durement et de grant haste pour plus tos venir à l'escarmuce. Li dis messires Phelippes prist une adrèce parmi les camps et broça coursier des espérons, liquels estoit grans et fors, et qui se esquilla au cours et emporta li chevalier, tout maugré lui, siques, en traversant et sallaut un fosset, li coursiers tresbuça et céi et jetta li dit messire Phelippe desous lui. Onques il ne pot estre aidiés, ne sequourus, mais fu si confroissiés que onques depuis n'ot santé, et morut dedens trois jours apriès, dont li dus de Normendie fu moult courouchiet et à bonne cause.
Assés tos apriès ceste aventure et la mort dou dit messire Phelippe, vinrent les nouvelles en l'oost de la desconfiture de la bataille de Créchi, et remandoient li rois de France et la roine , lor fil, le duch de Normendie, et li enjoindoient expresséement et espécialment, toutes paroles et ensongnes misses arrière, il se partist et deffesist son siège et retournast en France pour aidier à deffendre et garder son hiretage, et li segnefioient encores le grant damage que li noble dou roiaulme de France avoient pris et eu par celle bataille de Créci. Quant li dus de Normendie otleu tout au lonc ces lettres, demanda consel as contes et as barons, qui dalés lui estoient, car moult à envis se départoit pour la cause de ce que il en avoit parlé si avant. Li signeurli dissent que tout estoit réservé, puisque père et mère le mandoient. et que bien et par son honnour il se pooit départir'. Si fu adonc ordonné que, 'à
1 Le siège d'Aiguillon dura depuis la mi-avril jusqu'au 23 août 1346,
l'endemain, on se deslogeroit et retourneroient toutes gens en France, desquelles nouvelles lagrignour partie de ceuls de l'oost furent moult resjoï, car chils sièges lor avoit esté trop lontains et moult pesans.
La nuit passa. Quant ce vint au point dou jour, [on] se commença à deslogier et à trouser tentes et très et tout mettre à voiture, et se hastoit et délivroit casquns dou plus tos comme il pooit, et se missent tout au cemin environ solel levant. Li compagnon qui dedens Aguillon estoient, percliurent cel affaire que on se deslogeoit. Si en furent tout esmervilliet. Les nouvelles en vinrent à messire Gautier de Mauni, qui tousjours estoit des premiers levés et des darrains couchés. Sitos que il le sceut, il fu armés etapparilliés, et aussi furent tout li compagnon et montèrent as chevaus : « Or tos, dist-il, li François s'en vont sans dire « adieu. Il fault que il paient lor bien-allée en auqune « manière, et fault que il aient auqunes nouvelles qui lor « soient venues de France, car li rois, nostres sires, est « deçà la mer, etporoit avenir que ils et ses gens aueroient « coinbatu les François , et i poroit avoir une grande « desconfiture. Il nous en fault sçavoir, comment que ce « soit, la vérité ; car c'est tout acertes que il se deslogent « pour celle saison. » Adonc se départirent euls de la forterèce de Aguillon en grant vol enté et estoient bien trois cens, messires Gautiers de Mauni devant, et s'en vinrent férir et frapper en la queue de ces François qui s'en aloient, et trouvèrent d'aventure un chevalier de Normendie, mestre d'ostel dou duch, et de son consel, et estoit demorés derrière pour faire liaster le charroi et le sommage. Ils et tout chil qui avoecques lui estoient, furent pris, et biaucop encores d'aultres, et retournèrent messires ( iautiers de Mauni et les Englois dedens Aguillon, et i ra-
DE FR01SSART. 273
menèrent tout le butin et les prisonniers. Par ce chevalier de Normendie sceut li dis messires Gautiers de Mauni tout ce qui avenu estoit en France, et comment li rois d'Engleterre avoit pris terre en Normendie et estoit venus tout son cemin, ardant et essillant le païs, et arestés à Créchi-en-Pontieu, et là atendideus jours le roi de France et sa puissance et [l'ot] combatu et desconfi et cachiet en voyes, et i estoient mort et demoret sus la place onse chiefs de païs, quatre-vins banerès et douse cens chevaliers, et plus de trente mille hommes d'aultres gens, et apriès tout ce, il estoit aies mettre le siège devant la forte ville de Calais. De ces nouvelles fu li dis messires Gautiers de Mauni si resjoïs que il n'en vosist pas tenir cent mille frans , et dist au chevalier, liquel on nommoit messire Mouton de Cambeli : « Cambeli, des rices et bonnes nouvelles que « vous avés dites, vous en vaudrés grandement mieuls. »
