CHAPITRE CCXXXVI

Comment messires Gautiers de Mauni eut un sauf-conduit du duc de Normendie pour passer parmi le roiaulme de France.

Depuis ne demora gaires de temps que li dis messires Gautiers de Mauni, qui tant grant désir avoit de venir devant Calais et de voir son signeur le roi d'Engleterre, mist en parole le chevalier et li dist : « Cambeli , je sçai « bien que vous estes moult proçains dou duch de Nor- « mendie, et je désire à aler devant Calais et veoir mon « naturel signeur le roi d'Engleterre. Se vous poés tant « faire et esploitier , sus une relaxion que je vous ferai, « qui sera telle : je meterai en souffrance vostre prise et « vous recrerai courtoisement sus vostre foi, tant que vous

« serés aies deviers le dit vostre signeur et impieterés ' , « ou nom de moi, un bon sauf-conduit, que je puisse pas- « ser et cevauchier parmi le roiaulme de France, et aler « devant Calais , moi vintisme tant seullement, et point « dormir en une ville, non plus de une nuit, se trop « grande nécessité ne le fait, et bien payer partout, et en- « tendes li sauf-conduis soit tels que je m'i puisse bonce nement aségurer, et vous retourné deviers moi, ou cas « que vous le m'aporterés, je vous ferai de vostre raençon « si bonne compagnie que vous vodrés. » Li chevaliers ot grande joie de ceste parole et respondi : « Chiers sire, « vous devés sçavoir que maligance2 verai-je volentiers, « et je m'en meterai en painne. Vous ferés un ject3 sus « quel fourme vous vodrés avoir le sauf-conduit, et nomce merés tous ceuls que vous vodrés avoir en vostre coince pagnie, et sus l'escript que vous me baillerés, je ordon- « nerai ma requeste et pryère. » Messires Gautiers respondi : « Vous dites bien. » Il fist escrire tantos une lettre qui contenoit auques la manière dou sauf-conduit, et puis le bailla au chevalier, et li dist : « Cambeli, tenés, « quant vous venés par de delà, si le faites, par un clerc « qui s'i congnoise , grosser sus la fourme et ordenance « que on a en France, et le faites faire si bien, se li dus le « vous voelt acorder, que il me puist partout sus mon ceci min valoir. » — « Certes, sire, respondi li chevaliers, « je en ferai en toutes manières bien mon acquit. » Li chevaliers se départi de Aguillon et cevauça tant par ses journées que il vint à Paris et trouva le duch de Xormendie, son signeur, qui fu moult resjoïs de sa venue, et

1 Impieterés, vous impétrerez, vous obtiendrez.

2 Ma ligance, mon seigneur lige.

» Ject, projet.

li demanda tantos comment il avoit finet. Li chevaliers li compta la fourme et matère, ensi que chi desus est contenu. Li dus tantos li acorda et li dist : « Faites le escript « dou mieuls que vous poés; nous le saiellerons. Ce nous « monte petite cose, quant ils, li vintime tant seullement, « voelt courtoisement passer parmi le roiaulme de France, « et se de vous riens n'estoit, il est bien si gentils cheva- « liers et si loiaus, que là où il m'en prieroit, je li acor- « deroie, car ce ne nous touce à nul préjudice. » Li chevaliers fu tous resjoïs de ceste response, car il en pensoit grandement mieuls valoir ensi que il fist, et fuli sauf-conduis escrips et grosses dou mieuls que on le pot, ne sceut faire à l'usage et stille de France, ne riens ni ot oublyet, qui i fesist à mettre. Li dus de Normendie le fist séeller et le bailla au chevalier, qui tantos se mist au retour, et cevauça tant par ses journées que il retourna en Aguillon. De sa venue et dou sauf-conduit que il aportoit, fu messires Gantiers de Mauni tous resjoïs, et le fist lire, et li sambla très-bons et très-bien fais, ensi que il estoit, et aussi fust-il à tout son consel. Si dist ensi au chevalier : « Cambeli , vous avés bien esploitié à ma plaisance, et « je vous tenrai vostre prommesse. Je vous quite vostre « prise et vostre foi, et poés partir toutes fois que vous « volés. » — « Sire, dist li chevaliers, grant merchis; « je n'euisse osé avoir demandé si avant. » Depuis ne séjourna li chevaliers que un jour. Il se mist au retour en France, quites et délivrés de sa prison. Considérés, je vous pri, la vaillance et bonté de messire Gautier de Mauni et la grande affection que il avoit à veoir son signeur le roi d'Engleterre, car il euist eu dou chevalier que il quitta, cinq ou sys mille florins, se il vosist, et il le laissa aler légièrement, par la manière que dit vous ay,