CHAPITRE CCXXXVII

Comment messires Gautiers de Mauni fu aresté à Orliens et enfermé en la prison dou Chastellet ù Paris.

Messires Gautiers de Mauui ordonna ses besongnes et s'en vint à Liebourne, où li contes Derbi se tenoit, et li remonstra comment il voloit cevauchier parmi France et aler devant Calais veoir le roi son signeur et le prince de Galles, son fil, et les signeurs et chevaliers d'Engleterre. A tout ce's'acorda assés li contes Derbi et escripsi lettres, qui dévoient venir au roi, et les bailla à messires Gautier de Mauni, liquels s'encargea de les porter. Assés tos apriès, toutes ses besongnes furent prestes , et se départi d'Aquitanne, lui vintime, ensi que son sauf-conduit parloit, et se mist au cemin et passa. Agen et Agenenois et Limosin, et partout les chités et bonnes villes où il venoit, il monstroit son sauf-conduit pour l'honnour dou duch de Normendie. Il estoit partout délivrés et passa ensi sans nul empêcement, tant que il vint en la chité d'Orlyens. Quant il fu là venus, il se traïst à ostel et se ordonna là à demorer dou disner et dou souper, pour lui rafresquir et ses g*ens et faire refierer ses cevaus , et pour partir à lendemain. On li souffri à prendre toutes ses aises. Au matin, quant il ot oy messe , li ballieus d'Orlyens vint deviers li et mist un arest sus lui de par le roi de France. Tantos messires Gautiers de Mauni monstra son sauf-conduit et se quida délivrer par anclii, mais non peut, et dist li baillieus que il li estoit commandé que il l'emmenast à Paris. Force, ne esqusance, ne sauf-conduit, ne aultre cose ne vallu riens à messire Gautier de Mauni, et fu li baillieus

fors de li et amena à grant cevauchie de gens d'armes le dit messire Gautier tout courtoisement, et ses gens, à Paris. Euls là venu, on mist les gens et les chevaus de messire Gautier à hostel, et le chevalier, on le bouta en la prison du Chastellet, en une cambre assés honneste, et avoit de ses variés deus ou trois avecques li , qui li aministroient tout ce que à lui apertenoit.

Quant la congnissance en fu venue au duch de Normendie comment messires Gautiers de Mauni estoit pris et mis en prison, si en fu durement courouchiés, et s'en vint deviers le roi, son père, et li demanda pourquoi il l'avoit fait prendre, quant il li avoit donné, sous son séelé, sauf-conduit pour li vintime seullement, et il passoit courtoisement et païoit partout bien, ne nuls ne se plaindoit de li. Li rois de France qui haïoit mortelment le chevalier pour ses grandes vaillances, respondi à son fil et dist : « Jehan, je l'ai fait prendre voirement. Vous n'ait vés pas ens ou roiaulme de France, encores tant que je « vive, si grande puissance que pour donner, ne séeler « sauf-conduit à mes adversaires, et pour ce que vous vos « en estes avanciés, je le ferai pendre par le col. Se s'i « exemplieront li aultre. » — « Monsigneur , respondi li « dus, se vous faisiés ce faire, jamais en toute ma vie, je « ne m'armeroie pour la guerre de France à l'encontre des « Englois, ne tout chil que destourner je poroie, et en fe- « roie pendre tant de ceuls qui ce consel vous donnent. » Et se départi adonc li duc de Normendie, par grant mautalent, de la cambre dou roi son père, et se tint bien quinse jours que point n'aloit deviers le roi. Li rois disoit à le fois que il le feroit pendre, et en estoit grant nouvelle dedens Paris, et par trois ou quatre samedi, moult grant peuple s'asambloit devant le Chastellet, et couroient vois

TOM. h, 18

278 (aUtOfflQGES

et renommée : « On pendera Gautier de Mauni : alons le « veoir. »

Li gentils chevaliers estoit en prison en Chastellet et non à sa plaisance, car il sentoit le roi de France durement crueuls et hauster , et son consel desraisonnable , siques, quant telles imaginations li venoient devant, il avoit grande angousse de coer, et faisoit chanter messe dedens Chastellet tous les jours devant lui et donner tous les jours l'aumône de l'argent de sys esqus de Phelippe, et prioient les povres gens pour lui, et vosissent bien, pour la convoitise de l'argent et avoir l'aumonne, que il demorast un grant tempore en prison.

Uns chevaliers de Hainnau et de Cambrésis, qui se nomma messires d'Esne, et son cousin, sitos que il sceut la prise de messire Gautier, il vint à Paris et poursievi le duch de Normendie chaudement, et bien voloit li dus que il fust poursieuvis, car ce estoit la cose dou monde qui pour ces jours li aloit plus priés dou coer, et disoit bien à ceuls qui le dit chevalier pourcaçoient : « Ne vous esbahissiés en « riens de Gautier de Mauni, car il ni a si osé en France, « réservé monsigneur mon père, qui l'ose jugier à mort, « ne mettre; et monsigneur brisera un de ces jours son « aïr, et le rauerés quite et délivré. » En ce dangier, péril et aventure fu messires Gautiers de Mauni bien sept semainnes, et aussi li dus de Normendie n'eslongeoit point Paris , mais petit hantoit l'ostel dou roi , et tant que chil qui le plus avoient apressé le chevalier, furent chil qui dissent au roi : « Sire, il vous fault brisier de ce Englois « que vous tenés en prison, car monsigneur de Normendie, « vostres fils, l'a encargiet, et au voir dire et à considérer « raison, petit puet-il faire, ne avoir en Franche, se il ne « puet donner un sauf-conduit, et se vous aueriez fait

« morir le chevalier, pour ce ne seroit pas vostre guerre « achiévée deviers les Englois , ne pour un cent de tels ; « et se i prenderoit vostre fils si grant desplaisance que « il le monstreroit de fait, et jà en veons-nous les appa- « rans. » Li rois conduit et entendi ces paroles bien parfaitement et senti assés que on li disoit vérité, et que il n'avoit que faire de nourir nulle haine deviers son hiretier, pour un chevalier. Si fist li rois mettre hors de Castellet messire Gautier de Mauni et mener par messire Bouchicau et par messire Guichart d'Angle, qui lors estoient jone chevalier, che messire Gautier de Mauni à son hostel où ses gens estoient logiet, et avoient toudis esté depuis que il fu mis en prison, au Chastiel-Festu à le Crois-en-Tiroi, et fu là laissiés des chevaliers, et sus le soir on li vint dire de par le roi que à l'endemain li rois voloit que il venist disner à l'ostel de Xéelle, où il se tenoit communément, et messires Gautiers l'acorda. Quant ce vint à l'endemain, li rois l'envoia à quérir moult honnourablement par ses chevaliers, qui l'amenèrent tout au lonc des rues de Paris et montés sus cevaus et passèrent Grant Pont et Petit Pont et venirent à Néelle dalés les Augustins, et là fu-il receus de tous les chevaliers dou roi. Et fu li asisse' adonc de la table dou roi, li arcevesques de Sens, premiers, et puis le roi, et desous, messire Jaquèmes de Bourbon et messire Gautier de Mauni. Plus n'en i ot à celle table, et là sus la fin dou disner, [on] présenta à messire Gautier de Mauni de par le roi moult rices jeuiauls d'or et d'argent, et furent mis devant lui sus la table, et qui les avoient aportés, ce fu li sire de Biaujeu et messire Carie de Montmorensi. Apriès

1 Li asisse, l'ordre dans lequel étaient assis ceux qui se trouvaient à lu table du roi.

la table', encores estoient li jeuiel sus la table. On dist à rnessire Gautier : « Sire, faites lever ces jeuiaulspar vosa très gens, car il sont vostre. » Messire Gautier respondi et dist : <* Je n'ai pas déservi à recevoir dou roi de France « si grans dons, et quant je li auerai fait service qui le « vaille, je prenderai bien ce don ou aultres. » Li rois volt sçavoir quel cose il avoit respondu. On li dist; li rois pensa sus et puis dist : « Il est frans lioms et loiaus. Or li «r demandés de par nous comment il les voelt prendre, car « nous volons que il li demeurent. » On retourna à messire Gautier de Mauni, et li fu dite la parole dou roi. Il respondi à ce, moult prudentement, et dist : « Je les pren- « derai par condition telle que je les ferai porter avoec- « ques moi devant Calais, et en parlerai au roi mon si- « gneur, et se il li plaist que je les retiengne, je les « retenrai, et aultrement non. » Ceste parole fu recordée au roi. Li rois l'en sceut bon gré et dist : « Faites-li lever « sus. Nous le volons. » Donc fîst lever sus les jeuiauls messire Gautier de Mauni, par messire Mansart d'Esne, son cousin , et valoient bien mille florins. Ce disner fait, messires Gautiers prist congiet au roi. Li rois li donna, et se départi de Néelle et fu raconvoyés de ces chevaliers dou roi à son hostel et là laissiés ; mais au souper, li dus de Normendie l'eut avoecques toutes ses gens et lor fîst trèsbonne chière et donna à casqun ou coupe ou banap d'argent, et fu raconduis à son hostel des chevaliers dou duch; et fîst li rois de France compter et payer tout ce que il avoit frayet à Paris, tant en prison comme aillouTs, là où on le pot sçavoir. Et quant, au matin, messires Gautiers de Mauni deubt monter à cheval, li dus de Normendie li en-

1 Après le dîner.

voia une haquenée amblans et un bon coursier ou pris de mille livres. Ensi se départi messires Gautiers de Mauni de Paris et cevauça depuis toute la frontière de France en ségur estât, tant que il vint devant Calais et en la ville nove dou roi ' .