CHAPITRE CCXXXVIII
Comment messires Gautiers de Mauni, étant venu devant Calais, renvoya les dons dou roi de France.
De la venue messire Gautier de Mauni furent H rois et li princes son fil et tout li signeur de l'oost moult resjoï. Assés tos apriès ce que il fu là venus, et que il ot parlé au roi de pluisseurs coses, il li remonstra par paroles moult sagement, comment, sa délivrance faite, on l'avoit honnouré à Paris, et que li rois de France li avoit, séans à table, fait présenter moult riches dons et jeuiauls; mais nuls n'en avoit retenus, fors par condition se il li plaisoit et non aultrement. Li rois d'Engleterre respondi à ce et dist : « Gautier, nous avons assés pour vous donner : rena voyés-li. Nous ne volons que vous en retenés nuls. » Sus ceste parole messires Gautiers prist tantos les jeuiauls (ceuls que li rois li avoit fait présenter), et dist à son cousin, messire Mansart d'Esne : « Il vous fault cevauchier « viers Paris et rendre au roi ou à ses commis ces jeuiauls ; « car li rois mon signeur ne voelt point que je enretiengne « nuls. » Messires Mansars fu tous apariliés de faire ce message et se ordonna sur ce, et se départi dou siège de Calais et esploita tant par ses journées que il vint à Paris.
1 Edouard III avait donné à la ville qu'il avait construite devant Calais pour son armée, le nom de Ville-veuve-la-hardie.
Quant il fu là venus, ils qui estoit assés congneus en l'ostel dou roi, car on li avoit veu pluisseurs fois, se traïst avant et fist tant que il fu menés devant le roi pour faire son message, et le fist bien et sagement, et remercia grandement le roi de par messire Gautier de Mauni ; mais, tant que des jeuiauls, il les avoit raportés. Donc demanda li rois où li jeuiel estoient. Il dist : « Sire, il sont céens « et tous près de mettre là où vous le commanderés. » Li rois regarda sus le chevalier et dist : « Va, va; je te les « donne. Nous en avons encores des aultres assés. » Ensi fu enrichis messires Mansars d'Esne, des jeuiauls dou roi. Nous lairons un petit à parler de ces besongnes ichi, et retournerons à celles de Gascongne.
