CHAPITRE CCXXXIX
Comment li contes Derbi fist son mandement et tant esploita que il conquist la cité de Poitiers.
Vous avés bien oï recorder comment li contes Derbi, les François séant devant Aguillon, s'estoit tenus à Bourdiaus-sus-Gironde ou à Liebourne. Assés tos apriès que messires Gautiers de Mauni se fu départis de li et dou païs, sus la fourme que vous avés oï, li dis contes s'avisa et dist que trop avoit séjourné, et que il voloit faire une cevauchie en Poito et en Saintonge. Si fist son mandement sus tous ceuls desquels il pensoit à estre aidiés, et asignu journée à estre à Bourdiaus. A ce mandement vinrent de Gascongne li sires de Labret, li sires de Mouchident , li sires de Copane, li sires de Pommiers et messires Huhes, son frère, li sires de Lespare, li sires de Eosem,li .sires de Duras, li sires de Landuras, li sires de Tourton, li sires
DE FllOISSART. "283
de Labarte, li sires de Taride, li sires de Cervols et de Carlet, li sires de Longeren et pluisseurs chevaliers et esquiers, et tant que il furent bien douse cens lances et deus mille gros variés à lances et as pavais. Si passèrent toutes gens d'armes et aultres la grosse rivière de la Gironde et prissent le cemin de Mirabiel. Quant il furent venus jusques à là, il asallirent la ville et le prisent d'asaut, mais au chastiel ne porent-il riens faire, et vinrent devant Marant, à quatre lieues de la Rocelle, mais il le trouvèrent si fort que point n'i tournèrent pour le asallir, et passèrent oultre, et puis vinrent à Lusignen et ardirent la ville, mais au chastiel il ne fourfissent riens et laissièrent derrière euls Pons-en-Poito et Saintes; mais pourtant que elles estoient fortes et bien pourveues, il n'i livrèrent nuls assaus et vinrent à Taillebourc-sus-la-Charente. Si conquissent la ville et le castiel, et prissent tout et ardirent et désemparèrent, et passèrent la rivière et vinrent devant la ville de Saint- Jehan-l'i^ngelier, et se ordonnèrent pour le asségier. A ce jour que les Englois vinrent là, il n'i avoit dedens nulles gens d'armes, et tout li chevalier et esquier de Poito et de Saintonge estoient retrait en lors forterèces et les gardoient au mieuls que il pooient, ne nulle asamblée il ne faisoient, mais estoit li pais ensi que tous desconfis. Quant chil de Saint-Jehan veirent que il aueroient le siège, si doubtèrent le lour à perdre, femmes et enfans, et lor ville arse, et lour apparoit confors de nul costé. Si tretyèrent deviers les Englois à euls rendre et mettre en lor obéissance, salve lors corps et lors biens. Li Englois entendirent as lors trettiés et entrèrent en la ville de Saint- Jehan, et en furent signeur et prissent les fois et la ségureté des hommes de la ville, et s'i nifresquirent trois jours et puis passèrent oultre, et prissent
le ceniin de Poitiers et tant esploitièrent que il i parvinrent. Quant chil de la chité de Poitiers entendirent que les Englois venoient ensi sus euls, si furent tout esbahi. Li contes Derbi et les Gascons et Englois qui en sa compagnie estoient, avant que il parvenissent à Poitiers, vinrent devant Monstruel-Bonnin, où il avoit pour ce temps plus de deus cens monnoiers, qui là forgeoient et faisoient la monnoie dou roi, et estoient chil monnoieur de pluisseurs nations et dissent : « Entre nous sommes en forte place « assés : trop bien nous nos demanderons. » Quant les Englois et Gascons furent là venu, il envoyèrent dire à ces ouvriers de monnoie que il se vosissent rendre ou il aueroient l'asaut. Il respondirent orguilleusement que il ne faisoient compte de lors manaces. Quant les Englois entendirent ce, si furent tout courechiet et dissent que il ne se départiroient point ensi. Si commencliièrent à asallir la forterèce de Monstruel-Bonnin, moult asprement, pour le convoitise de gaegnier ; car il i espéroient à trouver grant argent pour tant que li monnoyer i estoient et le tenoient. Ce premier jour, il ne le porent conquérir, mais au secont jour, toutes gens alèrent à l'asaut de si grande volenté que de force il le prissent, et entrèrent dedens Englois et Gascons et ocirent tous ceuls que il i trouvèrent, et i conquissent grant finance en monnoie apparillié, et encores ne vint pas tout à congnissance. Quant il se deubrent départir de Monstruel, il ardirent la ville, mais i retinrent le castiel pour euls et laissièrent quarante arcbiers pour le garder et lor baillièrent un capitaine qui se nommoit Ricbart Fouque, et puis passèrent oultre et cbevaucbièrent viers Poitiers.
Les hommes de Poitiers estoient tout segnefyet de la venue des Englois et comment sus lor cemin il avoient
pris villes et castiaus. Si en estoient tant plus esbahi, et ne sentoient pas lor ville forte assés, mes sus la fiance de auquns chevaliers et esquiers dou pais qui dedens s'estoient boutet et requelliet, tels que li sires de Tannai-boucon, li sires de Puissances et li sires de Cors et lors gens, il se, confortoient. Nequedent, li plus rice avoient widiet lors coses les millours et envoyet oultre à Chasteleraut et d'aultre part, et lors femmes et lors enfans pour estre à sauveté. Vous devés sçavoir que Poitiers est une trèsgrande chité et de forte garde et moult raemplie d'églises et de moustiers, et très que les Englois se départirent de Bourdiaus, avoient-il jette lor visée de venir à Poitiers et de euls mettre en painne dou prendre, sus la fiance de i avoir un très-grant proufit. Quant il furent venu par devant, et li signeur l'orent avisée, et comment elle estoit de grande garde, si dissent que elle estoit trop bien prendable. Si se logièrent ce premier jour devant, sans faire nul samblant de l'asalir, et envoyèrent lors coureurs tout autour sus le pais et trouvèrent assés à fourer ; car li pais estoit raemplis de vivres, et les granges plainnes de tous biens, de bleds, de foins et d'avainnes, et les celiers plains de bons vins. Si prendoient les Englois desquels que il voloient, et le demorant laissoient. Quant ce vint à l'endemain, il se départirent en sys pars, et envoya li contes Derbi asallir en sys lieus les Englois et les Gascons, et estoient en casqune de ces batailles, les archiers partis ouniement, et tout à une fois les sys assaus commenchièrent, dont chil de la ville furent tout esbahi, car il ne sceurent auquel lés entendre. Li gentilhomme qui dedens Poitiers estoient, se missent au deffendre vaillamment, mais il ne porent pas partout entendre, et ces archiers traïoient si ouniement que nuls ne s'osoient bouter en lor
trait, et entrèrent de deus assauls la première fois dedens Poitiers. Ce furent li sires de Copane et sa banière, et li sires de Pommiers et sa banière. Quant li chevalier et esquier veirent que on les avoit efforciés et que lors ennemis entroient ens, si se retraïssent au plus tos que il porent deviers le chastiel, et se boutèrent dedens, et aussi se requellièrent grant fuisson de ceuls de Poitiers, et moult de hommes, de femmes et de en fans prissent les camps par deus portes qui furent ouvertes, et se sauvèrent, et chil qui demorèrent furent ens ou dangier de lors ennemis qui n'en avoient nulle pité, mais i ot ce jour grande ocision. Ensi orent en ce temps les Englois et les Gascons la chité de Poitiers ' et i furent quatre jour, et quant il se départirent, tout cargiet d'or et d'argent, de draps, de pennes et de jeuiauls, il boutèrent le feu deden? ; (car il n'orent pas consel de le tenir), liquels feus fu si grans et tant mouteplia que pluisseurs églises furent arses et péries, dont ce fu pités et damages. Et s'en retournèrent les Englois viers Bourdiaus par un aultre cemin que il n'estoient venu et rentrèrent en Bourdiaus tout rice et trousé de bonnes coses, et orent sus ce voiage les Englois et les Gascons plus de quatre cens prisonniers, lesquels ils rançonnèrent, quant il furent venu à Bourdiaus, tout à lor plaisance, et en recrurent courtoisement les auquns sus lors fois, qui depuis payèrent à lor aise, car en tels coses Englois et Gascons ont esté moult courtois. Quant li contes Derbi fu retournés à Bourdiaus, il donna à toutes gens d'armes congiet, et se ordonna de monter sus mer et de venir devant Calais veoir le roi d'Engleterre et tist ses
1 La ville de Poitiers fut conquise, comme nous l'apprend une lettre du comte de Derby, le mercredi après la Saint-Michel 1346.
pourvéances de nefs, de vassiaus et de baleDghiers sus la rivière de Gironde devant la bonne cliité de Bourdiaus.
Noue retournerons as besongnes d'Engieterre et parlerons dou roi David d'Escoce et des Escoçois, qui fissent en celle saison une grant asamblée en Escoce pour entrer en Engleterre et destruire le païs.
