CHAPITRE CCXL
Comment li rois de France enhorta les Escoçois à entrer en Engleterre.
Quant li rois de France et ses consauls veirent que li rois d'Engieterre et les Englois estoient aresté devant Calais, si en furent moult couroucbié. Si jetèrent loi* visée li François que il feroient le roi d'Escoce et les Escoçois resvillier et entrer à puissance au lés deviers euls, ou roiaulme d'Engieterre, et ardoir et essillier tout devant euls. Il ni veoient aultre remède, car quant les Englois aueroient ces nouvelles, pour obvyer à rencontre, il se départiroient dou siège devant Calais et s'en retourneroient en Engleterre. Li rois d'Engieterre qui séoit devant Calais, a voit bien imaginet et considéret, et son consel aussi, toutes ces besongnes, et que voirement les Escoçois qui désiroient à contrevengier les damages et despis que les Englois lor avoient fais, poroient entrer en Engleterre et i faire un grant damage, et si n'estoit pas li païs bien pourveus pour le deffendre et garder à l'encontre des Escoçois ; car il tenoit là au siège devant Calais toute la flour de la bonne chevalerie d'Engieterre, et aussi son cousin li contes Derbi en avoit grant fuisson en sa compagnie en
Gascongne , siques pour toutes ces doubtes et inconvéniens qui pooient avenir, le roi d'Engleterre, venu devant Calais et basti son siège en la fourme et manière que vous avés oï recorder, il ordonna que li sires de Persi, li sires de Noef ville, li sires de Roos et li sires de Lussi retourneroient en Engleterre, à tout deus cens lances et cinq cens •archiers, et iroient en Norhombrelande garder la frontière contre les Escoçois. Encores demoroient gens assés au roi d'Engleterre pour furnir et tenir son siège, parmi le moyen de ce que nuls ne pooit venir sus euls, tant estoient-il bien fortefyet, et aussi les Flamens de Flandres escripsoient (et envoioient souvent deviers le roi d'Engleterre), en li remonstrant comme si soubject, amit et aloyet, que quant il les vodroit avoir et ils leur segnefieroit, il le venroient dou jour à l'endemain servir à soissante mille hommes. Li rois d'Engleterre ne renonçoit pas à ce confort, mais les tenoit à amour moult grandement, siques sus lor fiance et confort, ils s'estoit priés pris1 de renvoyer ces quatre barons desus nommés en Engleterre ; et quant il i furent venu, il trouvèrent la roine Phelippe d'Engleterre, qui n'estoit pas esbabie, mais comme vaillans dame, requelloit et asambloit gens de toutes pars, et estoit la bonne dame traite en la cbité de Ebruich que on dist Iorcb.
Si fu la dame moult resjoïe de la venue des quatre chevaliers desus dit et des bonnes nouvelles que elle ot de son signeur et mari, le roi d'Engleterre, et se ordonnèrent tout l'un parmi l'aultre, atendans le roi d'Escoce et les Escoçois qui estoient issu d'Escoce et jà entré ens es frontières de Norhombrelande, et ardoient et essilloient à lor pooir
1 Ils s'estoit priés pris, il avait oBé. L'adjectif: présomptueux a la même étyuiolog-ie.
tout le païs, et estoient plus de quarante mille, ne nuls n'estoit demorés derrière, de qui on se peuist aidier.
