CHROMO! ES
archevesques de Cantorbie, li archevesques d'Iorcb, li évoques de Londres , li évesques de Harfort, li évesques de Nordvich, li évesques de Lincole et li évesques de Durâmes, car en Engleterre, quant li besoins est, tout li prélat et li clergiés .s'arment pour aidier à deffendre et garder leur pais. Li rois d'Escoce et les Escoçois esploitièrent tant que il vinrent logier à trois petites lieues dou Noef-Chastiel-sur-Thin, où la roine d'Engleterre estoit venue, et pas ne savoient les Escoçois que elle fust là en celle assamblée des Englois, et ne le tenoient pas à si vaillant femme que elle estoit et que il le trouvèrent. Bien sçavoient les Escoçois que les Englois estoient requelliet en la ville dou Noef-Chastiel-sur-Tbin, siques, quant il furent venu et aresté à trois petites lieues englesces priés de là, il leur mandèrent par un hiraut que, se il voloient traire hors et venir sus les camps, il trouveroient les Escoçois tous priés, qui les combateroient, et, se il ne venoient, il fuissent tout conforté que il les venroient requerre dedens le Noef- Chastiel. Li baron de Northombrelande et li contes de Honstidonne, asquels les paroles et requestes adrechièrent, respondirent que il isseroient bien, quant bon lor sambleroit, non à la volenté de lors ennemis. Quant ceste response fu oïe, li Escoçois dissent ensi ensamble : « Ces « Englois nous doubtent. Il ne sont que un petit de gens : « il n'oseront issir hors dou Noef-Chastiel. Se nous les « volons avoir, il les nous convient là aler querre. Nous « les assiégerons : il seront nostre. Nous tenons les camps « en Engleterre. Avant que li rois d'Engleterre et sa « puissance qui sont à siège devant Calais, soient chi « venus, nous auerons fait nostre fait et desconfi tout le « pais. Nous sçavons bien, hommes pour hommes, que « nous sommes sys contre un, car li païs d'Engleterre est
DE FR01SSART. m
« à présent tous wis', et ont encores avoecques euls « grant fuisson de clergiet, liquel n'aueront nulle durée « contre nous, car il ne sont point fait de la guerre. » Ensi se devisoient li Escoçois et comptoient les Englois pour tous desconfis ; mais li Englois ne l'entendoient pas ensi. Ançois missent-il en lors arrois sous ordenance avis et monstrèrent corage de vaillance, et furent consilliet, sus la response que il avoient faite asliirausquilor avoient aporté la bataille, que il n'atenderoient pas que les Escoçois les venissent requerre, ne enclore dedens la ville dou Noef-Chastiel-sur-Thin, mais se départiroient, le bon matin, tout apresté pour tantos combatre, se il besongnoit, et se meteroient sus les camps et prenderoient cel avantage, et ensi esbahiroient-il lors ennemis. Sus la fourme et manière que il proposèrent, ensi le fissent-il. Ce propre soir, li contes de Honstidonne, connestables de l'oost, et li sires de Moutbrai, marescaus, envoyèrent nonchier, d'bostel en bostel, parmi la ville dou Noef-Chastiel-sus- Tbin que au point dou jour, au son de la trompette, casquns fust près pour monter à cheval et pour sievir l'oost là où les banières cbevauceroient. Tout l'acordèrent.
Quant ce vint au point dou jour, les trompettes sonnèrent ; toutes manières de gens se resvillièrent. Au second cop de la trompette, tout s'armèrent, et au tierch son de la trompette, tout montèrent as chevaus, voires cbilqui cheval avoient; et childe piet furent tous près aussi pour partir et euls poursievir, et issirent tout dou Noef-Chastiel et se traïssent sus les camps et ceminèrent tout droit deviers les Escoçois, et là estoit la bonne roine d'Engleterre, la très-
1 Wis, vide, abandonné des hommes d'armes qui combattaient en France.
vaillans dame, de quoi tout estoient plus rencoragiet assés, de ce que il le sentoient avoecques euls. Les Escos ne se donnèrent de garde au matin, quant les nouvelles lor vinrent, et leur fu dit ensi : « Vechi les Englois : il nous « viennent courir sus et combatre. »De ces paroles furent moult esmervilliet, et ne voloient li auqun croire et i envoyèrent lors coureurs pour descouvrir et sçavoir se ces nouvelles estoient vraies. Li coureurs raportèrent que il avoient veu les Englois ordonné en bataille, et les archiers sus deus èles, et demandèrent li contes Douglas et de Moret, en la présence dou roi d'Escoce, se il estoient grant fuisson. Chil respondirent sagement et dissent : « Nous « ne les poons avoir tous nombres, car il se sont couvert « et fortefyet de la haie. Se ne savons se il en i a otretant « delà la baie que nous en avons veu dechà. » Donc fu dit et devisé entre les Escos : « Or les laissons en ce parti « où il sont. Il n'osent traire avant, car il ne se sentent « pas fort assés. Il se taneront et boderont, et jà sus le « soir, nous les irons combatre, se il nous vient bien à « point. » Cbils consauls fu tenus, et se tinrent les Escoçois tout quoi, et n'estoit nulles nouvelles de euls, ne fu jusques à haute nonne, dont les Englois furent tout esmervilliet de ce que il ne traioient avant.
