CHAPITRE CCXLII

Comment la bataille commença entre les Englois et les Escoçois.

En celle détriance se conseillèrent li baron et li prélat d'Engleterre et regardèrent pour le millour et le plus ségur que la roine, lor dame, retourneroit au Noef-Chas-

tiel, si aueroient mains' de carge et de songne !, et remonsfrèrent cel avis et lor consel à la roine et le péril aussi que ce pooit estre de li, car pnur le milleur on l'avoit consilliet. La bonne dame ne volt pas brisier lor consel, quoique volentiers elle fust demorée dalés ses gens. Quant ce vint au départir, elle lor pria de bon coer et par grande affection que tout vosissent entendre au bien combatre, se la bataille avoient, et tout li flanchèrent par la foi de lor coer que jà ne se fainderoient, mais feroient tant que il aueroient honnour et proufit. Adonc se départi la roine de la place et retourna deviers Noef-Chastiel et laissa ses gens convenir. Quant la roine fu départie, li signeur et li prélat se remissent ensamble en consel et dissent chil liquel estoient le plus usé d'armes : « Se nous atendons « jusques à la nuit, ces Escoçois, qui sont grans gens, « nous poront venir courir sus et porter trop grant da- « mage. Si seroit bon que nous envoions viers euls jus- « ques à cinq cens lances pour "euls atraire hors de lors « logeis et que li nostre se facent cachier, tout au lonch « de celle haie, là où nostre archier seront mis et aresté, « et se les Escos viennent soudainement après nos gens, « ensi que il sont bien taillet de ce faire (car il sont chaut, « boullant et orguilleus, et tant que pour l'heure il pri- « sent moult petit nostre affaire), nostres archiers qui « sont frès et nouveauls, trairont sus euls et entre euls, et « nous aussi, gens d'armes, les requellerons ensi comme « il apertient à faire. Par ce parti porons-nous bien avoir « bonne aventure, et se il se voellent tenir là où il sont, « il donront à entendre que il nous vodront venir courir « sus de nuit, mais nous nos départirons avant et nous

1 Mains, moins.

2 Songne, soin, responsabilité.

« retrairons dedens le Noef-Chastiel, car pas ne nous se- « roit proufitable à chi atendre et logier le nuit. » .Cliils consauls fu tenus, et cliil ordonné, liquel iroient veoir les Escos, et se départirent tout en une brouse, bien cinq cens lances, tous as ehevaus, et cevauchièrent tant que il vinrent sus le logeis des Escoçois, liquel avoient aussi de lors gens sus les camps, pour savoir le convenant des Englois. Si trètos que ces chevauceours d'Escoce les veirent cevauchier, il se hastèrent de retourner viers lors gens et de euls noncier les nouvelles. Les Escoçois se commencliièrent à estourmir et à armer, chil qui désarmé estoient et avoient lors ehevaus tous près, et les Englois vinrent faire une course devant les Escos. Quant les Escoçois les veirent venus, tantos il furent prest de monter à ehevaus et de prendre lors glaives et de venir sus ces Englois, liquel n'atendirent point, mais se missent au retour tout sagement. Quant les Escos les veirent fuir, si commenchièrent à cryer et à brochier de l'esperon apriès euls. Les Englois, qui estoient aviset de ce que il dévoient faire, passèrent tout au lonch de la haie où lor archier estoient, et quant les Escos furent venu jusques à celle haie, les archiers englois commenchièrent à traire moult fort et moult roit et à enpaller hommes et cevaus et à mettre à grant meschief . Ces cinq cens lances d'Englès retournèrent tout à une fois et monstrèrent visage, et encore plus de mille lances qui estoient tout pourveu et aviset de lor fait. Ensi se commença la bataille qui fu grande et grosse l et issirent tous les Escoçois de lors logeis, et les archiers d'Engleterre sestendirent au lonc et donnèrent moult grant confort as gens d'armes de lor costé et grant painne as

1 Cette bataille eut lieu à Nevil-Cross, près de Durham (juxta Dunelmum) la veille de la Saint-Luc (octobre 1346.)

DE FROISSART. &g

Escoçois, liquels se confioient grandement en lor puissance ; et pour ce que les Englois sentoient bien que il estoient grans gens, et que, se la journée estoit contre euls, il i prenderoient si grant damage que jamais ne seroit recouvré, car toute Engleterre seroit courue tant que dou plat pais, ne jà li rois d'Engleterre qui tenoit son siège devant Calais, ni poroit venir à temps, et tout ce lor avoit bien et sagement la ditte roine remonstré avant que elle se départesist de euls et que toute l'onnour dou roiaulme d'Engleterre gisoit en celle journée, et, au voir dire, Englois monstrèrent bien là, et aussi ont-il fait aillours en toutes places où il se sont trouvé, que ce sont vaillans gens et de grant corage et conforté en lors besongnes, et tant plus voient de sanch espars et espandu, et tant sont-il plus hardi et outrageus. Che jour, ensi que de la belle aventure que li rois d'Engleterre et ses gens orent de la bataille de Créchi et que euls quinze mille hommes en tout en desconfirent cent mille, parellement en la bataille dont je vous parole présentement, un petit de gens que les Englois estoient ou regart des Escos, desconfirent lors ennemis, et fu pris li rois qui moult vaillamment se combati et fu navrés en venant en la bataille, ou chief1, de deus saïettes, de quoi au traire hors, les fiers li demorèrent entre les tes2 et le quir, et depuis par puissons3 on li en fist l'une des saïettes issir hors par le nés, et li aultre li demora tant que il vesqui. Si le porta-il moult lonc temps, car il fu pris l'an de grasce mil CCC XL VI, et je Jehans Froissars, actères de ces croniques et histores, fui eus ou roiaulme d'Escoce l'an de grasce mil CCC et LXV et de

1 Ou chief, à la tête.

2 Les tes, les nerfs.

3 Puissons, remèdes,

l'ostel ledit roi quinse sepmainnes, car ma très-honnourée dame, madame la roine Phelippe d'Engleterre, ni'escripsi deviers li et deviers les barons d'Escoce, qui pour l'amour de ma dame me fissent tout bonne cbière, et espéciaulment li rois et sçavoit parler moult bien françois, car il fu de sa jonèce nouris en France, ensi que il est contenu ichi desus en nostre histore, et euch l'aventure, de tant que je fui avoecques lui et de son hostel, que il visita la grignour partie de son roiaulme. Si le vei tout et considérai par estre en ses cevauchies, et moult de fois li oï parler et deviser à ses gens qui là estoient [et] à auquns chevaliers, de la bataille et de sa prise, et là i estoient qui furent à la bataille , messires Robers de Versi (et i fu pris dou signeur de Sées en Northombrelant) et messires Guillaumes de Glandigewin et messires Robert Bourme et messires Alixandres de Rarnesai ; mais li contes de Douglas et le conte de Moret que je trouvai en Escoce, ce fu lors pères qui avoient esté à celle besongne, et le di pour tant que li rois d'Escoce avoit encores le fier de la saïette ou chief, et quant la lune se renouvelloit, il avoit par usage le cliief moult doloreus, et vesqui depuis que je aj esté en Escoce, plus de douse ans. Ensi apert-il que il porta ce fier enfieret, bien trente-deus ans.

Or retournons à la bataille dont je parloie présentement, et recorderons comment elle se persévéra et la grâce que Dieus fist ce jour as Englois, car vous devés sçavoir que Escoçois en bataille sont mallement fort, appert, dur et hardi.