CHAPITRE CCXLIII

Comment Jehans de Quopelant prist le roi d'Escoce et déclara que il ne le délivreroit à homme, fors au roi.

Afaireune telle bataille etlàoùli rois est navrés et pris, il convient que il ait des grans apertisses d'armes faites. Ces Escos portent haces par usage, dont il donnent et frapent trop biaus horions, et n'est homs, tant soit bien armés se il est atains de bon brac, qui ne soit couchiés par terre. La bataille des Englois branla deus ou trois fois, et furent les Englois sus le point de estre tout desconfi et l'euissent esté se Dieus et fortune et bonne aventure ne les euist aidiés. Li évesques de Durâmes, oncles au signeur de Persi, qui là estoit, uns moult vaillans homs, tenoit une bataille sus èle, qui reconfortoit les branlans, et ce leur fist trop de biens, et li trais des archiers. Finablement les Escoçois furent là desconfis, mort et pris et tournés en voies, et tantos fu tart. Se ne dura point la cace longuement, et escei li rois ens es mains d'un esquier de Norhombrelande liquels se nommoit Jehans de Quopelant. Chils prist li roi d'Escoce par vaillance de corps et d'armes et ot son gant et le fist fiancier à lui. Chils Jehans de Quopelant, quant il congneut que il avoit si grande aventure et si belle que il ne fust, et que les envies en ce monde sont grandes et les convoitises, si destourna le roi d'Escoce et ne le mena pas deviers la roine d'Engleterre au Noef-Chastiel, mais aillours en un chastiel assés fort et d'un sien grant amit, et dist bien Jehans de Quopelant que il ne le renderoit à nul homme dou monde, fors au roi qui estoit son signeur et de qui il tenoit son hiretage. Quant la roine d'Engleterre qui

■>y$ CHfiOBIQUES

se tenoit. au Noef-Chastiel, entendi que la journée estoit pour li et pour ses gens, si en fu grandement resjoïe, et ce fu raisons. Or vinrent ses gens, les uns apriès les aultres, ensi que on se départ de celles besongnes, le conte de Honstidonne, connestable de l'oost, le signeur de Moutbrai, marescal, le signeur dePersi,le signeur de Noefville, les prélas, les barons et les chevaliers, et ensi que il rentroientenlaville, la bonne roine lor estoit au devant, et les requelloit doucement et liement et les prioit et disoit : « Vous « venrés souper avoecques moi ; vous lavés bien gaeo gniet. » Cliil signeur li acordoient, et tant fu la bonne dame là sus son palefroi avoecques ses damoiselles, que tout li signeur ou auques priés furent rentret. Or avoit-on dit à la roine que li rois d'Escoce estoit pris, siques la bonne dame demandoit : « Et quant verai-je mon prisona nier, le roi d'Escoce, et celi qui l'a pris aussi? » Quant elle vei que point on ne l'amenoit, si dist as chevaliers qui estoient dalés li : « Et pourquoi ne me amainne chilfl qui « a pris le roi d'Escoce mon adversaire, son prisonnier, « et je le veroie jà moult volentiers. » — « Madame, res- « pondirent li chevalier, où que il soit, il est vostres et « est bien. N'en aies nulle soupeçon. Espoir le vous a amenra-il jà au souper, pour vous plus honnourer. » La roine s'apaisa à tant et vint à son hostel, et fu li soupers apparilliés très-grans et très-biaus, et i furent tout li chevalier, voires chil qui i vodrent estre, auquns en i avoit des bléciés et des navrés et des lassés qui demorèrent à lors hostels pour euls aisier. Quant la roine vei que Jehans de Quopelant n'amenoit point le roi d'Escoce, si fu toute merancolieuse et se contenta mal de li; mais li chevalier le repaisièrent et li dissent : « Madame, où que a li rois d'Escoce soit, c'est vostres prisonniers. Jehans

« en fera bonne garde. » Ensi se passa la nuit. Quant ce vint à lendemain, nouvelles vinrent à la roine (car on en avoit fait bonne enqueste), que Jehans de Quopelant en avoit menet le roi d'Escoce en un chastiel assés'... pour li et que ce estoit se intension que là le tenroit-il et garderoit tant que li rois d'Engleterre, ses sires, retourneroit ou païs, et ne le délivreroit à homme, ne à femme, fors au roi meismes ou à son commant. La roine d'Engleterre, pour savoir mieuls le intension de ce Jehan de Quopelant, envoia le conte de Honstidonne et de ses chevaliers parler à lui, et cevauchièrent tant que il vinrent au chastiel où Jehans estoit, et aussi li rois d'Escoce son prisonnier, et parlèrent à lui et li remonstrèrent comment sa dame, la roine d'Engleterre les envoioit là, et li remonstrèrent tout au lonc, ensi que la matère requéroit. Jehans de Quopelant ne fu pas esbahis de respondre et dist : « Mi chiers « signeur, je congnois assés que ce que vous me remons- « très, vous le me dittes pour mon bien et le deveroie « faire; mais dittes ensi à ma très-redoubtée dame, ma- « dame d'Engleterre, que mon prisonnier le roi d'Escoce, je « l'ai encores peu gardé, et quant la congnissance en sera « venue à mon très-redoubté signeur, monsigneur le roi « d'Engleterre , que je l'aie assés gardé et que je le rende « et mette là où il lui plaira à ordonner , je le ferai , et « non, de ma volonté oultre, se on ne le m'esforce; mais « je prench si très-grande plaisance à lui veoir que je m'i « console tous , et m'est avis que j'en doi rendre trop a grans grâces à Nostre-Signeur, quant à moi qui sui uns « povres bacelers, entre tant de vaillans hommes, che- « valiers et esquiers dou roiaulme d'Engleterre qui ont

1 Lacune d'un mot.

« esté à celle journée, Dieus le m'a envoyet ; et m'est avis « que nuls n'en doit estre courouciés, ne n'en doit avoir « envie, et, mi signeur, ensi que vous pores dire à ma- « dame la roine, j'en ferai bonne garde et renderai bon « compte, et de ce elle ne soit, ne nuls, en doubte, ne en « soupeçon. Avoecques tout ce, il est bléciés et ne poroit « soufrir le cevauchier, ne le caryer, ne prendre nul air, « et dient chil qui l'ont en garde, tant que pour le inéde- « ciner et purgier dou mal dou cbief, il seront plus de « trois mois, avant que il puisse issir de la cambre, et se « il moroit par ma coulpe, otant que je sui resjoïs de sa « prise, seroi-je courouchiés de sa mort, et à bonne cause; « et toutes ces raisons qne je vous remonstre en ospice ' « de bien, voelliés dire et monstrer sus bonne fourme à « madame la roine et je vous en prie; car, se vous ne «. fuissiés ichi venus, si euissé-je envoyé deviersli, ou « je i fuisse aies en propre personne pour moi escuser, « car je me vodroie acquiter deviers madame et deviers « le roiaulme d'Eng'leterre , loiaument, et on n'a point « veu le contraire en moi, ne ne vera-on jà tant que je « vive, et Dieus, qui a bien coninienchiet2, dont je l'en « regrâtie, me donist tousjours bonne persévérance. » — « Ce face! Jeban, » respondi li contes de Honstidonne qui avoit proposé toutes les paroles : « Et je vous escu- « serai, dist li contes, tant que madame et son consel se « contenteront de vous, mais je vous pri , se on puet « veoir ce roi d'Escoce, que je le voie. » — « Oïl, » respondi Jehans de Quopelant. Il li fist veoir, quant il fu heure, et le mena dedens la cambre où il se gissoit sus une couce, et parla li rois au dit conte, et li contes à

1 Ospice, pour auspices. En ospice de bien, avec une bonne intention. 1 Cette phrase n'est pas correcte, mais elle est facile à comprendre.

lui et li dist que madame d'Engleterre l'avoit là envoyet pour li veoir et visiter. Li rois s'en contenta et li dist : « Salués-moi la roine d'Engleterre. Quoique je me tien- « gne ichi et en la garde de l'esquier qui m'a créance, « je me tieng à son prisonnier. » — « Sire, dist li contes, « pensés de vostre santé et ne tous merancolyés point, « tant que vous en valés mains; car tousjours finerés-vous « Lien, et considérés le bon moyen que vous avés en vos- « tre querelle, c'est que madame la roine d'Escoce est se- « rour germainne de nostre signeur le roi d'Engleterre. » Donc respondi li rois d'Escoce et dist : « Contes de Honsti- « donne, je vosisse bien aultrement se il deuist estre, et « tant que ma santé, j'en passerai ; mais je vous pri : dites « à la roine qui chi vous envoie, que elle me face visiter a par bons fusisyens l et médecins, car se je moroie à « nuit2, les Escocois feroient demain un roi en Escoce. »