CHAPITRE CCXLV
Comment la roine d'Engleterre fu moult exauciée, et comment li rois lui escripsi, ensi que à Jehan de Quopelant.
Quant ces nouvelles furent esparsesen l'oost devant Calais, de la prise le roi d'Escoce, et que la poissance des Escoçois avoit esté ruée jus par fait de la bataille assés priés dou Noef-Chastiel-sur-Tin, toutes manières de gens
1 Godefroi d'Harcourt.
' Cette phrase resta longtemps une locution proverbiale.
DE FR01SSART. 303
furent très-resjoï et à bonne cause, et mieuls améedes Englois la roine assés que devant, et dissoient en l'oost généraument : « Vive la bonne Pbelippe de Hainnau, la roine « d'Engleterre, nostre cliière et redoubtée dame, car elle « amena et aporta entre nous et en Engleterre, honnour, « proufit, grâce et transquillité, et tant comme elle vi- « vera, biens, lionnours, larguèces et proufis nous habon- « deront, et elle est de un si bon pàïs, si douls, si courtois « et si amiable et raempli de bonnes gens et qui dou tout « s'enclinent à nous amer et bonnourer, et fu fille de si « bon signeur et si sage et si vaillant, que elle ne poroit « que tous biens faire. » Ensi couroit vois et renommée communément entre les Englois devant Calais, et non pas là tant seullement, mais parmi tout le roiaulme d'Engleterre.
Li rois d'Engleterre fu consilliés d'escrire à Jeiian de Quopelant et de li mander que il venist parler à lui devant Calais. Si escripsi li rois à la roine sa femme et à Jeban de Quopelant, et li manda que ces lettres veues, sans quérir nulle esqusance, il venist devant Calais, car il le voloit veoir. Ces lettres escriptes et séelées, li rois les fist délivrer à ceuls-meismes qui là estoient venu de par la roine, liquel se missent au retour dou plus tos que il porent et repassèrent la mer, de Calais à Douvres, et puis cevaucliièrent tant que il vinrent deviers la roine qui se tenoit encores es parties de Northombrelande. Se li baillièrent les lettres que à lui apertenoit , et puis cevaucbièrent deviers Jehan de Quopelant, et tant fissent que il le trouvèrent et parlèrent à lui et fissent lor message de par le roi et li délivrèrent les lettres que li rois li envoioit. Jebans les lissi tout au lonch et respondi à celles et dist que il obéiroit volentiers au mandement dou roi, car il i estoit tenus, et
fist les messagiers dou roi très-bonne chière, et puis ordonna ses besongnes dou plus tos que il pot et recommanda le roi d'Escoce son prisonnier en bonnes gardes , et puis se départi et cevauça tant par ses journées que il vint à Douvres et là monta en mer en un vassiel passagier, et fist tant que il vint devant Calais. Siissi dou vassiel et se mist sus terre, et ala deviers le roi.
