CHAPITRE CCXLVI
Comment li rois d'Engleterre accueillit Jehan de Quopelant, et comment li rois d'Escoce fu amenés à Londres.
Vous devés sçavoir que, quant les Englois sceurent que Jehans de Quopelant estoit venus, il i ot grant priesse à lui veoir, car moult en i avoit en liost qui onques ne l'avoient veu et moult le désiroient à veoir pour la renommée de ce que il estoit si vaillans homs, que il avoit pris le roi d'Escoce. Quant il fu venus jusques au logeis dou roi d'Engleterre, moult grant fuisson des signeurs d'Engleterre estoient là venu et assamblé pour li veoir. Li rois meismes les avoit mandés et le désiroit à veoir. Quant Jehans de Quopelant fu devant le roi, il se mist en un genoul et dist : « Très- « chiers sires, vous doi toute obéisance. Très-chiers sires « et redoubtés, si Dieus m'a volut consentir si grant grâce « que il m'a^volut envoyer et mis entre mes mains le roi « d'Escoce, et je l'ai conquis en bataille par fait d'armes, « on n'en doit point avoir envie , ne ranqune sus moi. « Aussi puet bien Dieus envoyer sa grâce sus un povre « baceler de bonne volenté, que il fait sus un grant si- « gnour. » — « Vous dites vérité, respondi li rois, je vo-
DE FBOISSART. 305
« droie bien en mon roiaulme avoir assés de tels bacelers « que vous estes. Vous m'avés fait service moult agréable, « je vous ai mandé, non pour mal que je vous voelle, mais « tout proufit et avancement , et onques mes ne vous « avoie veu que je vous convinsse. Se suis resjoïsde vos- « tre venue, et en vaudrés mieuls. » Adonc le prist li rois par le main et le fist lever. Tantos li contes de Warvich et messires Renauls de Gobebem et messires Richars de Stanfort et messires Jehans Candos et li chevalier d'Engleterre s'aquointièrent de lui et le missent en paroles. A painnes pooit li rois oster ses ieuls de li, et en parloit à messire Godefroi de Harcourt et à messire Gautier de Mauni et disoit : « Regardés les aventures d'armes, com- « ment uns povres bacelers a pris en bataille et conquis « par armes le roi d'Escoce. » — « Sire, respondirent à « ceste parole li doi chevalier, Dieus li a envoyet celle « grâce et cel heur. Se l'en devés bien rémunérer, et tel- « lement que tout aultre bacelers, chevaliers et esquiers « qui vous servent, s'i puissent exemplyer. » — « C'est « moult bien nostre intension, » respondi li rois. Ensi fu Jehans de Quopelant requelliés dou roi et des signeurs, et eslevés de grâce et de renommée et honnourés de tous. Quant Jehans de Quopelant eut esté dalés le roi, tant que bon li fu et au roi, ensi li rois li dist : « Jehan, vous re- « tournerés en Engleterre et, vous venu chiés vous, vos- « tre prisonnier, le roi d'Escoce, vous le présenterés à ma « femme et l'en ferés don. Vous estes tous esqusés de ce « que vous l'avés tenu et gardé, et pour vostre service « que nous tenons à grant et à agréable, nous vous rete- « nons pour nostre corps et de nostre cambre, parmi cinq a cens livres à l'estrelin de revenue, par an, que vous « auerés , et, nous retourné en Engleterre, nous vous en
366 CHROMOll.S
« ferons asignation, telle que bien vous devera souffire. » De ce don remercia Jehans de Quopelant, le roi d'Engleterre. Encores avoecques tout ce et ces lettres , quant Jehans se départi dou roi et des signeurs, on li donna une lettre de par le roi à prendre deus mille marcs en deniers apparilliés sus l'estaple des lainnes. Ensi se départi Jehans .de Quopelant dou roi et retourna en Engleterre, et quant il fu venus chiés soi, et que li rois d'Escoce peut souffrir le cevauchier, il le prist, et bien acompagniés, il l'amena à la roine d'Engleterre, ensi que dit et cargiet li estoit dou roi. La roine qui fu dame pourveue de sens et d'honnour, rechut Jehan de Quopelant doucement et bellement, ne onques ne li monstra parole nulle de dureté, ne que elle euist eu merancolie sus li, et avoecques tout ce, elle conjoï le roi d'Escoce, ensi que à faire apertenoit.
Depuis que Jehans de Quopelant ot rendu le roi d'Escoce à la roine d'Engleterre, et que elle s'en tint saisie, ne demora-elle gaires ou pais de Northombrelant , mais ordonna ses besongnes et recargea toute la terre à quatre barons desus nommés, et puis retourna avoecques le roi d'Escoce à Londres. Quant li Londryen sceurent la venue de la roine, et que elle amenoit le roi d'Escoce, si esforcièrent tout généraulment de li requellier honnourablement, ensi que à lui apertenoit, et widièrent un jour, quant elle deubt entrer en Londres, plus de deus mille chevaus à l'encontre de li, et fu amenée la roine tout au lonc de Londres, et le roi d'Escoce en sa compagnie, à grant fuisson de ménestrandies, jusques au palais de Wesmoustier, et là descendirent la roine et li rois d'Escoce. Depuis ceste ordenance, li rois d'Escoce fu amenés par une barge sus la Tamise ens ou fort chastiel de Londres, et là enclos sus
bonnes gardes, que on mist dalés lui'; car laditte roine avoit intension de passer proçainnement la mer et venir devant Calais veoir son signeur, le roi d'Engleterre, et se ordonna à ce et à grant fuisson des dames d'Engleterre Bossa, qui toutes avoient grant désir de veoir lors maris, qui estoient avoecques le roi devant Calais. Si se ordonnèrent à ce et pour passer, la roine et les dames et envoyèrent lors pourvéances devant par la rivière de la Tamise, qui rentre dedens la mer à Mergate, et depuis laditte roine et les dames montées sus liaquenées amblans, cevauchièrent par terre jusques en la cité de Cantorbie, et fissent lors offrandes au benoît corps saint Thomas, et puis vinrent devant Calais, de quoi toute li hoos fu grandement resjoïe de lor venue, et vint là la roine environ la Toussains, et tint court ouverte, le jour de la Toussains, de tous signeurs et de toutes dames.
