CHAPITRE CCXLVII
Comment, le siège durant devant Calais, il i ot maintes escarmuces, et comment li Flamans aségièrent Biétune.
Chils sièges se tint longuement devant Calais, et si i avinrent des grandes aventures et des belles proèces de l'un costé et de l'aultre, par terre et par mer, lesquelles je ne puis pas toutes, non la moitié, escripre, ne recorder; car li rois de France avoit fait establir si bonnes gens d'armes sus les frontières d'Artois, de Boulenois et en la
1 On trouve dans les actes de Rymer, II, 4, p. 208, la liste des prisonniers écossais qui furent enfermés à la Tour de Londres. Parmi ceux-ci se trouvaient les comtes de Fife et de Menteth, Jean et Guillaume Douglas, Henri et Alexandre de Ramsay, etc.
:,08 CHB0N1Q1 ES
conté de Gliines qui pour ce temps se tenoit toute française, et aussi mis et establi sur la mer, Genevois, Normans et Espagnols, que, quant les Englois voloient issir hors de lor siège, il convenoit que il fuissent trop bien acompagniet, se il n'estoient rebouté, et quant il estoient plus fors de lors ennemis, il les reboutoient ens es forterèces en Ghines, en Hames, en Moles, en Oie, en Fiennes, en la Montoire, en Saint-Omer, en Tiéruane et en Boulongne; car li Englois, séans devant Calais, couroient bien, pour fouragier, jusques à là. Et vint adonc devant Calais li sires d'Augliimont, sires dou Rues en Hainnau, voires son temps durant, veoir le roi d'Engleterre et devint son home parmi deus cens livres à l'estrelin, que li rois d'Engleterre li donna de revenue par an, a signés sus ses coffres, et en fu li sires d'Aughimont bien payés, tant que il volt estre et demorer en service des Englois, et pour le temps il estoit fors et joues, hardis et entreprendans chevaliers, et fu nommés Ernouls, et fîst de belles cevauchies avoecques les Englois et des grans apertises d'armes par lesquelles il i acquist grant grâce et l'amour des Englois. Et estoient à compagnie li et messires Renauls de Gobehem, et ne chevauçoient point l'un sans l'aultre. Tout cel ivier, demora li rois d'Engleterre à siège devant Calais, et estudioient ils et ses gens, comment il peuissent avanchier lor besongne et constraindre le plus ceuls de Calais. Et rendoit li rois d'Engleterre grant painne pour tenir à amour la communauté dou païs de Flandres, car avis li estoit que parmi euls le plus aise, il poroit venir à ses ententes. Et envoioit souvent deviers euls grans proumesses, et leur faisoit dire et leur dissoit aussi, quant il le venoient veoir au siège, que, se il le voloient aidier tant que il peuist venir à son entente de la ville de Calais, il lor re-
couvreroit sans doubte Lille, Douai et Biétune et toutes les apendauces qui anciennement s'estoient tenues des resors de Flandres', siques par tels prommesses li Flamenc s'esmurent en ce temps et vinrent mettre le siège devant Biétune, et avoient à chapitainne un chevalier d'Artois qui se nomma messires Oudars de Renti, liquels estoit banis de France et ne s'i osoit tenir, car se on le euist tenu, on l'euist pendu. Si s'en vint en Flandres, et le requel lièrent li Flamenc et en fissent lor chapitainne ; car Jaquèmes Dartevelle, ensi que vous savés, estoit mors ; et estoient li Flamenc devant Biétune bien soissante mille. Si estoient par dedens la ville, pour le garder et deffendre, quatre vaillant chevalier, messires Joffrois de Chargni, messires listasses de Eibaumont, messires Jehans de Landas et messires Bauduins Dennequins, et avoient bien deus cens lances desous euls, chevaliers et esquiers, et bien besongna à Biétune que droite gens d'armes i fuissent et entendesissent à euls ; car par trop de fois, la ville euist esté prise, se lor bonne pourvéance et diligense n'euist esté, car les Flamens i fissent moult de grans et oribles assaus, et i furent les Flamens sys sepmainnes que riens n'i conquissent. Quant il veirent que la ville estoit si bien gardée et deffendue, il rompirent lor siège et retournèrent en Flandres et casquns en son lieu. Li quatre chevalier desus nommé acquissent grant grasce de ce que si bien il avoient gardé et deffendu Biétune à l'encontre des Flamens.
1 D'après Robert d'Avesbury , les mêmes promesses avaient été adressées aux communes flamandes par Philippe de Valois ; mais on n'y avait pas ajouté foi.
tôt. 11. 20
