CHAPITRE CXL
Comment li bourgeois de Nantes eurent trettiés secrès as signeurs de France, et comment li contes de Montfort fu pris en sa cambre, et comment ia contesse de Montfort, qui se tenoit à Vennes, manda et enhorta ceuls qui défendoient sa partie.
Or avint que trois jours apriès ce que ceste avenue de la porte des bourgeois et des saudoyers de Nantes fust avenue, uns grans meschiés sourvintau conte de Montfort, et orent les honmies de la ville trettiés secrès et couvers au duch de Xormendie et as signeurs de France, cels que je vous dirai. Il laissièrent une matinée la posterne que on dist de Sauve tout ouverte , et par là entrèrent grant fuisson de gens d'armes dedens la chité sans contredit, et ne fissent onques mal à homme, ne à femme de la ville, ne à messire Hervis de Lion, ne à sa famille, et alèrent ces gens d'armes au chastiel dou conte et rompirent les portes et entrèrent dedens, et trouvèrent le conte de Montfort en sa cambre, qui se armoit. Il le prissent en cel estât, et l'emmenèrent quatre chevalier de France en la tente dou duch de Normendie, liquels fu moult resjoïs de celle prise et li dist : « Contes de Montfort, vous nous avés fait painne. Il « vous faudra, voelliés ou non, retourner à Paris, et oïr la c sentense qui a esté rendue et donnée sur vous. » —
DE FROISSART. "i
« Monsigneur, respondi li contes, ce poise moi. Je me « confioie en ma gent et il m'ont trahi. »
Là. fu li contes pris et menés d'autre part et livrés en bonnes gardes de vaillans hommes, chevaliers et esquiers et moult proçains de lin^ge à messire Carie de Blois.
Tout ce fait, li dus de Normendie et tout li signeur de France entrèrent dedens Nantes à grant solempnité et à grant fuisson de trompes, de trompètes et de claronchiaus et descendirent ensi au palais, et là tinrent li signeur lor estât , et fu messires Hervis de Lion délivrés de prison et devint homs à messire Carie de Blois, et li jura foi et loiance à tenir de ce jour en avant, et on ni vei onques depuis le contraire, et furent délivré tout chil qui prisonnier estoient, et par ces apparans doit-on bien supposer que la chité de Nantes et li di messires Hervi furent en trettié deviers le duch de Normendie et les signeurs de France. Ce fu la nuit de une Toussains que on compta l'an de grasce mille trois cens XLP, et le jour de la Toussains tint li dus de Normendie court de tous les signeurs ens ou chastiel de Nantes, et là rendi li dis dus à messire Carie de Blois la chité de Nantes, et le rechurent à duch et à signeur tout li bourgeois de la ville et li fissent féaulté et hommage, et tout li baron et chevalier de là environ, messires de Cliçon, li sires d'Ancenis, li sires de Biaumanoir, li sires de Malatroit et bien quarante chevaliers de Bretagne qui tout furent à la feste ce jour de la Toussains, et durèrent les festes en Nantes quatre jours, et encores venoient tout dis chevaliers et esquiers fiévés et dames et damoisellesfiévées,qui relevoient lors hiretages à messire Carie
1 Doui Lobineau place la capitulation de Nantes à la fin du mois de décembre 1341.
de Blois et le tenoient à signeur et le nommoient duch , mais encores demoroient grant fuisson de chités, de villes et de chastiaus et de signouries qui tenoient le fait contraire et le tinrent tout dis à l'encontre de messire Carie de Blois, car li dus de Normendie et la puissance de France se départirent trop tos de Nantes et dou pais, car se il se fuissent là ivernet et euissent laissiet lors gens convenir et cevauchiet sus le pais, il euissent petit à petit raquis le païs et osté le coers et les opinions de ceuls et (le celles qui tenoient à bonne la querelle au conte de Montfort , et pour ce que riens n'en fu fait, s'eslevèrent les guerres en Bretagne par le confort et aide que li rois d'Engleterre fist à ceuls et à celles qui tenoient la partie dou conte de Montfort et qui s'estoient aloyet et aconvenenchiet à li et se tenoient pour tout enfourmé et certefyet que sa querelle estoit bonne pour tant que li dis contes avoit esté frères dou duch de Bretagne.
Quant li dus de Normendie et li signeur se furent tenu à Nantes jusques as octaves de la Saint-Martin que li iviers venoit, si eurent consel que il retourneroient en France , car il n'estoit nul apparant que chil de Bretagne se vosissent mètre ensamble, ne faire guerre, mais se tenoient en lors garnisons. En ce séjour que li signeur fissent en Nantes, escripsi messires Caries de Blois, comme dus de Bretagne, à ceuls de la chité de Rennes, de Vennes, de Camperlé, de Camper-Correntin, de Hainbon, de Lambale, de Ghinghant, de Dignant, de Dol, de Saint-Mahieu , de Saint-Malo et de toutes les marces et limitations de Bretagne, que il se vosissent traire viers Nantes et venir à obéissance et faire ce que tenu estoient. Li auqun i venoient, et li aultre non et disoient et rescripsoient à messire Carie de Blois que point nestoient con-
DE FR01SSART. 59
silliet de ce faire , car la contesse de Montfort , qui bien avait coer d'omme et de lion , aloit trop fort au devant et avoit un petit fil de l'eage de sept ans, que on nommoit Jehan, moult biel enfant, et au jour que son mari fu pris par la condicion et manière que dit vous ai , elle estoit à Vennes ' et ou chastiel que on dist la Mote \ Ceste contesse prist le frain à dens et ne fu noient esbahie et manda tantos chevaliers et esquiers et ceuls dont elle pensoit à estre amée, aidiée et servie, et quant il furent venu, elle lor remonstra en plorant la fraude, la traïson et mauvesté, ensi comme elle disoit , que on avoit fait à son mari , et puis reprendoit ses paroles sus tel fourme en disant : « Biau signeur et bonnes gens, je compte monsigneur « pour mort , mais vechi son fil , son hiretier et vostre « signeur, qui vous est demorés et qui vous fera encores « biaucop de biens. Se li voelliés estre bon et loial, ensi « que toutes bonnes gens doient estre à lor signeur, et je « vous serai bonne dame et courtoise, et querrai à mon « fil, vostre signeur, bon manbourt pour aidier à souste- « nir, à deffendre et à garder nostre droit et son hiretage. « Si vous pri chièrement, comme une dame veuve et orfène « de mari , que vous ayés pité de moi et de l'enfant et li « tenés foi et loiance et à moi aussi , ensi que vous avés « fait jusques à chi à son père et mon mari. »
Là avoient toutes gens , barons , chevaliers et esquiers qui tenoient sa partie, grant pité de la dame et de l'enfant, et le reconfortoient et disoient : « Dame, ne vous esbahis-
1 On lit : Rennes, dans les éditions de Froissart.
2 Le château de la Motte, dont la fondation remontait aux derniers temps de l'empire romain, avait été reconstruit au xme siècle. Il a disparu pour faire place à un nouvel édifice, qui est aujourd'hui l'hôtel de la préfecture du département du Morbihan.
U\ CHRONIOl KS
« siésen riens: nous demorrons dalés vous, puisque obli- « giet et aconvenenchiet i sommes, tant que nous auerons « les vies ou corps. » Et elle leur disoit : « Grans mer- « chis. » Et ensi la contesse de Montfort, à plus de cincq cens lahces, chevauça de forterèce sitos que les nouvelles li vinrent de la prise à son mari, et rafresqui chités, villes et chastiaus et fist toutes ses besongnes bonnes.
