CHAPITRE CXLI

Comment li signeur retournèrent en France, et comment la contesse de Montfort ordonna ses besongnes.

Quant chil signeur de France se deubrent départir de messire Carie de Blois , il li consillièrent que il se tenist en la chité de Nantes et fesist l'ivier tout bellement ses provisions et laissast convenir ses gens et guerrier des garnisons, et quant le temps d'esté retourneroit, se il li besongnoit, il retourneroient aussi, et disoient que il estoit audesus de ses besongnes , puisque il estoit sires de Nantes et de la plus sainne partie de Bretagne et que li contes de Montfort ne li porteroit jamès contraire. Messires Caries de Blois s'enclinoit assés à tout ce que il li disoient, et demorèrent dalés lui auquns vaillans hommes de son linage pour li aidier à consillier , et puis retournèrent li dus de Normendie et tout li signeur en France, et s'en ala casquns en son lieu, mais quant li rois Phelippes vei le présent que li dus de Normendie li fist dou conte de Montfort, il en fu trop grandement resjoïs, et fu li contes moult fort ramponnés ! de ce que il estoit partis de Paris sans congiet. Li

1 Ramponnés, repris, gourmande.

DE FR01SSART. 41

contes qui se veoit pris, ne savoit que dire, mais s'umelioit dou plus que il pooit, et n'espéroit pas à jamais estre délivrés de ce dangier, et son espérance fu véritable, car on l'envoia en prison ens ou chastiel dou Louvre et furent misses sus li bonnes gardes , liquel avoient gages et pension toutes les sepmainnes pour lui garder de jour et de nuit et en estoient bien payet.

Ensi demora li contes de Montfort en ce dangier et en la prison dou Louvre et tant i fu que il i morut '.

Or vous voel-je parler et recorder de la contesse de Montfort comment elle se ordonna et persévéra. Elle qui ot tousjours çorage de homme et de lion, ne s'esbahi noient, mais ordonna et entendi à ses besongnes mettre en bon point, et pour ce que elle sentoit bien que le premier siège que ses adversaires messires Caries de Blois et li François feroient, il seroit devant Rennes, si fîst entendre à pourveir la chité de tous poins et à rafresquir, et i establi à chapitainne un vaillant chevalier et de bon consel et ségur homme et qui moult avoit amé son mari et liquel on nommoit messire Guillaume de Quadudal, breton bretonnant, et ensi pourvei toutes les aultres forterèces dé gens d'armes et d'arbalestriers et se consilla à messire Amauri de Cliçon que elle tenoit tousjours dalés lui se elle envoieroit en Engleterre au seqours. Li chevaliers respondi à celle parole et dist que il n'estoit encores nulle besongne , et que elle n'a voit que faire de travillier le roi d'Engleterre, ne lés Englois jusques à tant que elle seroit plus constrainte que elle n'estoit, et que tous les jours sus heure, on pooitaler de Bretagne en Engleterre, car encores avoit-elle cel avantage que li pors etleshavènes de Bretagne estoient

1 Jean de Montfort ne finit pas ses jours dans la prison du Louvre : il mourut à Hennebon le 26 septembre 1345.

pour lui. Si demora la cose en cel estât, et n'avinrent tout cel ivier nuls fais d'armes en Bretagne, qui à recorder furent.