CHAPITRE CCXLVIII
Comment il fu trettié dou mariage dou joue conte de Flandres et de la fille dou roi Édouwart.
Moult volentiers euist veu li rois d'Engleterre que li jones Lois de Maie'... et hiretiers de Flandres euist pris à femme sa fille Issabiel, et pour ce et pour aultres coses, tenoit-il moult à amour tout le païs de Flandres, et tant fist et tant procura par dons, par prouraesses et par bons moyens, que li pais de Flandres s'i acorda entièrement, dont li rois d'Engleterre fut moult resjoï, car il li sambloit que parmi ce mariage et ce moyen, il s'aideroit des Flamens plus plainnement. Et aussi il sambloit as Flamens que se il avoient le roi d'Engleterre et les Englois de lor acort, il poroient bien résister as François, et plus lor estoit nécessaire et proufitable li amour dou roi d'Engleterre que dou roi de France ; mais lors jones sires, Lois de Maie, qui avoit esté nouris entre les roiauls de France et encores i estoit-il, ne s'i voloit point accorder et disoit francement que jà n'aueroit à femme la fille de celi qui li avoit mort son père. D'aultre part, li dus Jehans de Braibant, quoique il fust cousins germains au roi d'Engleterre, rendoit grant diligense que chils jones contes de Flandres vosist prendre par mariage Marguerite, sa fille, et li proumettoit que, se il l'espousoit, il le feroit joïr plainnement et paisivlement, fust par force ou autrement, de la conté de Flandres, et faisoit li dus de Braibant entendant au roi de France que, se chils mariages se faisoit de sa
1 Lacune d'un mot ?
fille au jone conte de Flandres, il feroit tant que tout li Flamens seroient de son acord et contraires au roi d'Engleterre, de quoi par ces proumesses, li rois de France s'acorda au dit mariage de Braibant. Quant li dus de Braibant eut l'acort dou roi de France, il envoya tantos grans messages en Flandres deviers les plus soufissans bourgeois des bonnes villes de Flandres, et leur fist dire et remonstrer tant de belles paroles coulourées que li consauls des bonnes villes mandèrent le jone conte, lor signeur, et li fissent asavoir que [se] il vosist venir en Flandres et user par lor consel, il seroient si bon amit et subject, et li renderoient et délivreroient toutes ses justicbes et juridictions et les droitures de Flandres, ensi ou plus avant que nuls contes de Flandres euist onque eu. Li jones contes fu consilliés par ceuls qui le gouvernoient et par madame sa mère, que il venist en Flandres et créist ses hommes puisque il li présentoient amour et subjection, et vint sus cel estât en Flandres et i fu receus à grant joie et ala et cbevauça de bonne ville en bonne ville, et li furent donné et présenté grans dons et biaus présens. Si trètos que li rois d'Engleterre qui se tenoit devant Calais, sceut ces nouvelles, il envoia en Flandres le conte de Norhantonne, le conte d'Arondiel et messire Jehan Candos et messire Renault de Gobehem, liquel parlementèrent tant et pourcachièrent as communautés de Flandres que il eurent plus chier que leurs sires presist à femme la fille dou roi d'Engleterre que la fille au duch de Braibant, et en requissent et prièrent leur jone signeur et li remonstrèrent pluisseurs belles raisons pour lui atraire, et tant que li bourgeois qui avoient mis avant le fait le duch de Braibant n'osoient parler, ne contredire à ceuls qui proposoient le fait' le roi d'Engleterre, mais Lois, li jones contes, ne
s'i voloit nullement acorder et disoit que jà n'aueroit à femme la fille de celi qui avoit son père mort, et li deuist li rois d'Engleterre donner la moitié de son roiaulme. Quant li Flamens oïrent ce et le veirent en cel estât, si furent tout courouchié et dissent que chils sires estoit trop François et que jà il ne lor feroit bien et que trop priés il s'enclinoit as opinions de son père, et que jà il ne crèroit consel qui bien li vosist. Si le prissent chil de Gant et le missent en prison courtoise, et bien li dissent que jamais n'en isseroit se il ne creoit lor consel, et bien disoient : « Si messires ses pères n'euist tant amet les François et « euist ouvré par lor consel, il l'euissent fait un des grans « signeurs des crestyens et euist recouvré Lille, Douai et « Biétune. »
CHAPITEE CCXLIX.
Comment li contes Derbi vint devant Calais, et comment li contes de Flandres se dissimuloit.
Ce demora une espace de temps, et li rois d'Engleterre tint toudis son siège devant Calais et tint grant court et noble, le jour dou Noël. Le quaresme ensievant, retournèrent de Gascogne li contes Derbi, li contes de Pennebruq et li contes de Quenfort et grant fuisson de chevaliers et d'esquiers en lor compagnie, et ancrèrent devant Calais. Si furent li rois et li signeur et toutes gens resjoï de lor venue, et se restraindirent auquns signeurs pour euls logier, et de tant fu li boos renforcié.
Or retournons à la matère dont je parloie présentement dou jone conte Lois de Flandres, que ses gens tenoient en prison courtoise. Nonobstant ce, il ne prendoit point la
prison à agréable, mais à grant desplaisance, et point ne le pooit amender. Si estoit-il soubtils et moult imaginatif, et considéroit à la fois son estât et son afaire, et disoit en soi-meismes : « Je sui uns grans sires assés, et se n'ai point « de puissance, semés gens ne le me donnent. Il me fault, « voelle ou non, brisier mon coer et dissimuler; car je ai « bien tant de congnissance que mon peuple m'aime et « m'amera, se je les sçai tenir, et me accompliront toutes « mes volentés. Encores vault-il trop mieuls que je me « brise et dissimule un temps que je soie icbi tenus en « prison, quoique je m'encline assés plus à la fille de Brai- « bant que d'Engleterre ; car par Braibant, en temps à ve- « nir, puent avenir très-grandes aliances à Flandres, et o se je avoie fait ce mariage en Braibant, oultre la volenté « de auquns de mes hommes, qui me remonstrent que li « mariages en Engleterre m'est plus proufitables et né- « cessaires que il ne soit en Braibant et je fuisse en Brai- « bant ou en la conté de Nevers et de Rétels et li rois « d'Engleterre fust retournés en son païs , li dois païs « Flandres et Braibant se racorderoient ensamble, et li « rois d'Engleterre marieroit sa fille ailleurs, et je retour- « neroie en paix entre mes gens, siques je me laisserai « consillier et leur dirai par couverture que je les voel « croire et entendre à lors volentés. » Et trouva li jones contes celle cautelle, et manda cheuls qui la plus grande domination avoient sur li, tant que de sa garde, et par lesquels on usoit le plus en Flandres, et leur dist : « Je qui « sui vostres sires, vous me tenés en dangier, lequel je « n'ai point apris, car à painnes puis-je aler pissier que « trois ou quatre gardes ne soient sur mi. Je considère « mon estât et l'ai considéré à grant loisir, ce temps <i que je ai cbi séjourné. Dur me seroit d'estriver contre
« l'aguillon. Il m'est avis que vous m'amés et amés l'hon- « nour de mon païs de Flandres, qui me volés marier à la « fille le roi d'Engleterre. Je voel bien procéder avant en « ce mariage, mais que Sainte-Église s'i asente. » Quant ses gens l'oïrent parler sus celle fourme, laquelle il désiroient à oïr, si furent tout resjoï, et le missent tantos hors de prison, et li acordèrent une partie de ses déduis, tant que d'aler'... des oissiaus en rivière. A ce estoit-il moult enclins, mais il i avoit toudis sur li bonnes gardes à la fin que il ne lor escapast ou fust ambles, et l'avoient les gardes empris à garder sus l'abandon de lors testes. Si en estoient tant plus songneus, et si estoient les gardes dou tout de la favour le roi d'Engleterre, et le guettoient si priés que à painnes pooit-il aler pissier. On segnefia au roi d'Engleterre cel estât et que li jones contes de Flandres estoit hors de prison et en volenté de prendre sa fille par mariage. De ces nouvelles fu li dis rois tout resjoïs, et renvoia en Flandres l'évesque de Harfort, le conte de Norhantonne et messire Jehan de Biaucamp, et vinrent à Bruges en grant estât, et furent liement receu des signeurs de la ville, et de là il cevauchièrent à Gant, aucuns bourgeois de Bruges des plus notables en lor compagnie. Chil qui gouvernoient pour ce temps le jone conte de Flandres et la ville de Gant, requellièrent toute celle compagnie liement, et i furent fais et monstres grans aprocemens d'amour. La conclusion fu celle que li contes fu tellement movés de paroles, tant de ses gens que de ces signeurs d'Engleterre, que il s'acorda à ce et dist de bonne volenté par samblant, que volentiers il procéderoit avant ou mariage, mais que Sainte-Église s'i asentesist,
1 Lacune de quelques mots.
car il estoient moult proçain de Image'. Les Englès se fissent fort et se cargièrent de cela et dissent que jà pour la dispensation, li mariages ne se laisseroit à faire et retournèrent, quant il orent bien festoyet, arrière devant Calais, et recordèrent tout ce au roi et à son consel, desquels coses li rois se contenta grandement, et moult amoit cheulsde Flandres et disoit que il estoient bien si ami. Ceste cose se procéda et aproça sus les convenances que Lois, li jones contes de Flandres, avoit eu as ambassadours de par le roi d'Engleterre, et à ses gens, aussi en la ville de Gant, et furent escript et segnefyet li rois et la roine d'Engleterre notorement par tous les consauls des bonnes villes de Flandres et dou tiéroir dou Franc, escript et séelet que il vosissent estre et leur fille en la ville de Berghes, entre Saint-Omer et Bourbourch,et que là il seroient à l'encontre de li et aueroient leur signeur tel que li mariages se concluroit là. Vous devés sçavoir que li rois et la roine d'Engleterre furent grandement resjoï, et se ordonnèrent tantos et vinrent au Noef-Port2 les Flamens, et encores plus priés en une aultre bonne ville priés des dunes, que on dist Vorne3. Tous li pais de là environ fu remplis des bonnes gens sus la puissance de Flandres,
1 Les conditions de ce mariage avaient été approuvées par Louis de Maie dans des lettres données le 13 mars à Dunkerque, par lesquelles il promettait de fiancer solennellement Isabelle d'Angleterre, « voyans « en ceste chose le évident proufïit de nous et de notre commun pays « de Flandres, l'amour, le bien, la paix, repos et tranquillité qui, par « l'adjonction d'icele mariage, se peut norrir et demorer, à tous jours « mais, entre le dit monsieur Edward, roi d'Engleterre, ses gens et -< son royaume, et nous, nos gens et nostre dit pays. »I1 est à remarquer toutefois que Louis de Maie n'y donne pas le titre de roi de France à Edouard III.
2 Nieuport.
* Fumes.
tant de par le roi d'Engleterre comme de par le pais de Flandres, et vinrent li plus notables hommes et li plus autentiques des bonnes villes de Flandres, en grant estât et poissant, en laditte ville de Berghes, et i amenèrent lor signeur le jone conte, qui par sambla'nt faisoit très-bonne cbière, et quant il fu parvenus jusques au roi d'Engleterre, il s'inclina tous bas, et aussi fist-il à la roine. Li rois d'Engleterre prist le jone conte par la main destre moult doucement, et le leva sus et puis le conjoï et requelli de paroles, et s'escusa moult humlement de la mort de son père et dist, se Dieus le peuist aidier, que onques tout le jour de la bataille de Créci, il ne le vei, ne oy parler, et que se il l'euist veu, il l'euist pris sus , mais tels cas sont aventures des batailles : « Tous les fault, biaus fils, passer et ou- « blier. » Li jones contes, 'par samblant, se tint de ces escussances assés à contens, et puis fu parlé dou mariage, et là ot certains tretiés alégbiés et proposés , et là fu empris li mariages dou jone conte Lois de Maie, conte de Flandres et de madamoiselle Isabiel d'Engleterre, et jurèrent les parties à procéder avant et sus grans misses de repentises, et à ce se obligièrent les bonnes villes de Flandres et li rois d'Engleterre pour sa fille; mais il convenoit envoyer en Avignon pour la dispensation. De ce se cargeoient par acord li rois d'Engleterre et les bonnes villes de Flandres, • et fu la journée de espouser relaxsée jusques à une aultre fois, et là en dedens la dispensation seroit aceptée et impétrée; et se départirent de Berghes toutes gens, et retournèrent li rois d'Engleterre et la roine au siège devant Calais, et emmenèrent lor fille, et li Flamenc, lor signeur en Flandres.
