CHAPITRE CCL

Comment li contes de Flandres s'escapa, un jour qu'il aloit en rivière, et demora dalés le roi de France.

De toutes ces avenues estoient trop bien enfourmé li rois de France et ses consauls et n'en savoient que imaginer, fors tant que il espéroient bien que li contes de Flandres, com joues que il fust, avoit sens et soutillèce assés, pour li délivrer de ces dangiers, et tout par couverture et par li sçavoir dissimuler. Quant li contes fu retournés en Flandres et ses gens veirent que il voloit ouvrer par lor consel. . . . ' , et li furent mis au large tous ses déduis et esbatemens, et n' avoit mes sus lui si fort regard que il i avoit eu, pour tant que il avoit juret et fianchiet la fille au roi d'Engleterre, et de espouser au jour qui ordonnés i estoit, mais toudis réservoit-il et avoit réservé la dispensation dou pape. Li rois d'Engleterre et la roine, quoique il fuissent à siège devant Calais, se apparilloient de grant puissance, et mettoient ouvriers en oevre, et n'i avoit riens espargniet de cambres, d'abis, de rices jeuiauls, pour donner au jour des espousailles, et aussi tout sigueur et toutes dames, qui là estoient au siège, s'en efforçaient pour estre en ces jours en g-rant estât et estofé oultre mesure. Li joues contes de Flandres, liquels estoit revenus en son pais entre ses gens, ensi que vous savés, aloit tous les jours en rivière et monstroit par samblant que chils mariages à Isabiel d'Engleterre li plaisoit très-grandement

1 Lacune.

bien, et s'en tenoient li Flamenc, ensi que pour tout aséguré, et ni avoit mes sus li si grant regard comme en devant. Quant chils contes vei que la journée aproçoit que il devoit retourner à Berghes et pour espouser la fille d'Engleterre, laquelle cose il ne voloit nullement faire, quoique juré et promis l'euist par foi fianchié, il se apensa que il metteroit tout pour tout, et avint que un jour il estoit aler rivoyer, et jetta son fauconnier un faucon apriès le liairon, et li contes aussi un, et se missent chil doi faucon en cange, et li contes apriès en quoitant son ceval et monstrans que il le vosist ravoir , et disoit en cevauçant : « Hoie ! hoie ! » Et quant il fu eslongiés et que il ot l'avantage des camps, il féri cheval des espérons et cevauça toudis avant sans retourner par telle manière que ses gardes le perdirent. Point ne sçai, se de ce fait il furent coupable, mais il en fissent moult l'esfraé et lecouroucbié, et n'osèrent retourner en Flandres, tant que les coses furent remises en aultre estât. Li jones contes de Flandres, quant il se fu ensi emblés, s'en vint à Saint- Venant et trouva le signeur qui li fist très-bonne chière, car il avoit esté son mestre et l' avoit plus introduit ens es oissiaus que nuls aultres, et fu li sires de Saint- Venant moult resjoïs de ce que il estoit ensi issus des dangiers le roi d'Engleterre et des Flamens, et l'amena bien acoinpagnié à Piéronne-en-Vermendois deviers le roi de France qui là se tenoit. Quant li rois Phelippes vei son cousin, le conte de Flandres, et il l'ot oy parler comment il avoit lobé l les Englois et les Flamens , et issus de lors dangiers par grande soutillèce, si en fu moult resjoïs et dist : « Biauscoui sins, vous estes li bien venus : vous avéstrop bienesploitié.

1 Lobé y trompé.

DE FR01SSART. "lr'

« Laissiés ces Englois et nostre adversaire marier sa fille « ailleurs. Vous n'en avés que faire. Je vous marierai en « Braibant. Ce mariage-là vous sera mieuls à la main et « plus propisces et pour vostre pais aussi, que ne seroit « chils d'Engleterre. » Lijones contes de Flandres acorda au roi toute sa parole et li dist : « Monsigneur, pour tant « que je m'encline plus au mariage de la fille au ducli « de Braibant que à ceste d'Engleterre, ai-je fait ce que je « ai fait, et me sui départis de mon païs et de mes gens « sans congiet. Je ne sai mais quant je i retournerai. » Respondi li rois : « Vous avés très-bien fait , et vous en « sçai bon gré, et aussi doient faire tout chil qui vous « aiment et vostre honnour. »

Ensi demora lijones contes de Flandres un grant temps dalés le roi de France et ne levoit nulles rentes, ne revenues dou païs de Flandres, et se tenoient li Flamench à déceu de ce que il ne l'avoient mieuls gardé, et afin que li rois d'Engleterre ne se mérancoliast sus euls (car trop le doubtoient à courouchier), les consauls des bonnes villes de Flandres, liquel avoient esté as convenances prendre et jurer dou mariage de lor signeur et de la fille le roi d'Engleterre, s'en vinrent devant Calais euls esquser au roi desus nommé, et monstrèrent de fait, de parole et de samblant que il estoient moult courouchié de ce que lors sires défalloit ensi sur ce qu'il avoit convenchié et juré'. Li rois d'Engleterre qui voloit tenir à amour les Flamens (car à venir à son entente de Calais, il le pooient trop grandement valoir) tint lor escusances à bonnes et dist bien que de tout ce que li contes avoit fait et de sa foi que il avoit

1 On composa à ce sujet une chanson dont le continuateur de Guillaume de Nangis nous a conservé le premier vers :

« J'ay failly à qui je estoie donnée par amour. »

.--2i) CHRONIQUES

mentie (à tout le mains il estoit en procès dou mentir), il tenoit bien le pais de Flandres pour esqusé. De ceste response remercyèrent li Flamenc le roi d'Engleterre et se offrirent à estre apparilliet au roi et de venir devant Calais, trois jours apriès ce que il en seroient requis et semons. Li rois d'Engleterre ne renonça pas à ces offres, mais les tint à tous bonnes et les en remercia. ChilFlamenc prissent congiet au roi , et puis il s'en retournèrent en Flandres, et li rois demora devant Calais.

Vous devés savoir que li dus de Braibant qui tendoit et avoit tendu un lonc temps à marier sa fille Marguerite au jone conte de Flandres, fu trop grandement resjoïs, jà fust-il cousins germains au roi d'Engleterre, quant il sceut la vérité comment li contes de Flandres avoit trompé le roi d'Engleterre et les Flamens et avoit brisiet le mariage de la fille d'Engleterre, et n'avoit nulle affection de la prendre, mais pour l'eslongier, s'en estoit volés en France et se tenoit dalés le roi de France et madame sa mère x qui trop fort baioit les Engiois, et li disoit moult souvent : « Loïs, se vous euissés procédé avant ou ma- « riage d'Engleterre et pris la fille de celi qui vous a « vostre père mort, je fuisse entes morte d'anoi , ne « jamais en ce monde, de vous n'euissiés eu lionnour. » — « Madame, respondoit li contes, jamais je ne m'i fuisse

1 Marguerite d'Artois. Un jour elle menaça son fils, s'il se séparait de l'alliance du roi de France, de mutiler le sein qui l'avait nourri. « Madame d'Artois dist à Loys, son fils : « Beau fils, vous veez que le « roi de France a envoyé par devers vous grans seigneurs, afin que « tousjours il ait bonne amour entre vous et luy, et je voy que vous ne « voulez rien faire. » Et adonc jetta la dame jus son mantel et ouvry sa robs par devant, et puis dist à son fils : « Yecy ma mamelle dont « je vous allaitay et je promets à Dieu, se vous ne faites le vou- « lente du roy et la mienne, que tantostle copperay ou despit de vous, n et le jetteray aux chiens. » [Chronique anonyme de Flandre.)

« acordés; et ce qui en a esté fait à la promotion de mes « gens , c'a esté par force et par constrainte. Si me cono venoit trouver voie et cautelle, comment je me peuisse « de euls délivrer; or l'ai fait, et pour perdre rentes et re- « venues en Flandres, jamais en ce dangier je ne me me- « terai. » Ensi apaisoit li jones contes de Flandres sa dame de mère, et li dus de Braibant qui tiroit à venir à son entente, procuroit trop fort par tous les bons moyens que il pooit avoir deviers le roi de France, que sa fille Marguerite peuist venir par mariage au conte de Flandres, et li proumetoit, là où li mariages se feroit, que il romperoit et briseroit le pourpos des Alemans , que jamais n'en seroit grevés, ne guerryés, et aideroit messire Carie de Boesme, roi d'Alemagne, à parvenir à la perfection de l'empire. Li rois de France recevoit toutes ces paroles en bien et rescripsoit doucement deviers le duch de Braibant, et li donnoit à entendre que li jones contes de Flandres prenderoit sa fille1.

Ensi demorèrent les coses en cel estât un lonch temps, et li sièges se tenoit devant Calais. En ce temps estoit nouvellement revenus dou voiage dou Saint-Sépulcre et dou mont de Sinaï et de Sainte-Kateline , chils gentils chevaliers, messires Robers de Xamur, et l'avoit fait chevalier au Saint-Sépulcre li sires de Spontin. Quant messires Robers de Xamur fu retournés de ce voiage en la conté de Xamur , il entendi que li rois d'Engleterre seoit devant Calais; si se ordonna à là venir et i vint moult estoféement , et se mist ou serviche dou roi d'Engleterre,

1 Le 6 juin 134*7, le comte de Flandre promit d épouser Marguerite de Brabant, et de son côté le duc de Brabant promit de l'aider à recouvrer le comté de Flandre. Le duc de Brabant renonçait en même temps à l'alliance d'Edouard III.

et le retint li rois parmi deus cens livres1 à l'estrelin que il li donna de revenue par an, et en fu bien payés, tant que il vesqui.