CHAPITRE CCLI

Comment messires Thomasd'Agourneetmessires Jehans de Hartecelle furent envoyés en Bretagne, et comment, par le conseil de messire Garnier de Quadudal, messires Caries de Blois fut desconfis et pris devant la Roce-Derien.

Je me sui longuement tenus à parler des guerres de Bretagne et de messire Carie de Blois et de la contesse de Montfort. La cause pourquoi je m'en sui souffers, c'a esté pour les trieuves qui furent prisses devant la chité de Vennes, lesquelles furent moult bien tenues et gardées, et joïrent assés pasievelement toutes les parties, casquns et casqune, de ce que sien estoit et que en devant il tenoit, et sitos que elles furent passées, il commenchièrent à guerryer fortement, li rois de France à conforter messire Carie de Blois son neveu, et li rois d'Engleterre, la contesse de Montfort, ensi que proumis et convenenchiet li avoit ; et estoient venu en Bretagne de par le roi d'Engleterre doi moult vaillans chevalier, et départi dou siège de Calais à tout deus cens hommes d'armes et quatre cens archiers. Les noms des chevaliers furent tels : messire Thomas d'Agourne et messire Jehan de Hartecelle, et se tenoient dalés la ditte contesse en la ville de Hainbon. Avoecques euls avoit un chevalier breton bretonnant, moult vaillant homme, qui se nommoit messire Tanguis dou Chastiel. Et faisoient souvent ces Englois et ces Bretons des issues et

1 Les anciennes éditions portent trois cents livres.

cevauchies contre les gens niessire Carie de Blois et sus le païs qui se tenoit de sa partie, et les gens à messire Carie aussi sus euls. Une heure perdoient les uns, et une aultre fois gaegnioient. Et avint un jour que chil troi chevalier desus nommet avoient mis ensamble grant fuisson de gens d'armes et de soudoyers à piet, et alèrent mettre le siège devant une ville que on dist la Roce-Dourient, qui se tenoit de messire Carie de Blois, et par pluisseurs fois i fissent livrer des assaus. Chil qui dedens estoient, se deffendoient vaillamment, tant que riens ni perdoient. Et estoit chapitainne de par le dit messire Carie de laditte garnison, uns esquiers de Piquardie qui se nommoit Tassars de Ghines , appert homme d'armes durement. Or i ot un grant meschief, car li homme de la ville, les trois pars estoient plus pour la contesse de Montfort que pour messire Carie, et prissent chil homme lor chapitainne, et quant il en furent saisi, il dissent que il l'ociroient, se il ne se tournoit à lor opinion. Tassars qui se vei en dur parti, pour eslongier la mort, leur dist que il feroit tout ce que il vodroient. Sus cel estât, il le laissièrent aler, et leur souffi ceste parole, et commencièrent à trettier deviers ces chevaliers d'Engleterre. Trettiés se porta que tout se tournèrent de la partie la contesse de Montfort, et deniora li dis Tassars de Ghines, capitains de la Roce-Dourient, comme en devant. Ce fait, li sièges des Eoglois se deffist, et retournèrent li chevalier deviers la contesse de Montfort à Hainbon, qui toute resjoïe fu de ce que ses gens avoient si bien esploitié. Les nouvelles vinrent à messire Carie de Blois qui se tenoit en la chité de Nantes, que la ville de la Roce-Dourient estoit tournée englesce et la manière comment Tassars de Ghines avoit esté menés et pris de fait et de force, et vosist ou non, aultrement il euist esté

mors, il li convint faire ce marcbié. Quant messires Caries entendi ces paroles , si fu durement courouchiés et dist et jura que jamais n'entenderoit à aultre cose, quoique couster li deuist, si aueroit repris la Roce-Dourient et castoyet cheuls qui ces trettiés avoient fais, et pris si crueuse vengeanche que tout li aultre s'i exemplieroient ; et fîst tantos un très-grant mandement partout, et s'estendirent ses pryères jusques en Normendie, et fist son amas de gens d'armes en la chité de Nantes et là environ, et furent bien seise cens hommes d'armes, dont il estoient quatre cens chevaliers et plus et environ douse mille hommes de piet parmi les arbalestriers. Entre ces quatre cens chevaliers avoit vingt-deus banerès. Si départi li dis messires Caries en grant arroi de la chité de Nantes, et tout chil signeur et ces gens en sa compagnie, et esploitièrent tant que il vinrent devant la Roce-Dourient, et bastirent là le siège grant et fort, et fissent li signeur drechier grans enghiens devant, qui jettoient nuit et jour, dont chil de dedens furent tout esbahi et considérèrent l'afaire et de ceuls qui aségiésles avoient et lor poissanche, et congneurent bien que durer ne poroient longuement, se iln'estoient conforté. Si segnefyèrent lor estât à la contesse de Montfort et as chevaliers d'Engleterre et de Bretagne, qui en Hainbon se tenoient, et leur mandoient que il fussent aidié, ensi que en convenant, quant il se tournèrent, lor avoient. Ladite contesse et li troi chevalier desus nommé, quant il entendirent ce, jamais pour leur honnour ne l'euissent laissiet, et envoia partout la contesse ses lettres et ses messages, là où elle pensoit à avoir gens, sessoubjès commandoit et ses amis prioit ' , et fist tant que elle ot en petit

1 II y a lieu de remarquer cette opposition dans les termes employés à l'égard des sujets et des amis.

de temps mille armeures de fier, tous bien armés et montés à cheval, et huit mille hommes de piet. Quant il furent tout venu, la contesse les recommenda et mist en la garde et conduite des trois chevaliers desus nommé, qui volentiers en prisent la carge et le faix, et se départirent sus celle entente que pour lever le siège des François qui seoient devant la Eoce-Dourien, et esploitièrent tant que il vinrent à deus petites lieues priés de la Eoce-Dourient, et se logièrent sus une petite rivière, et riens ne savoit messires Caries de Blois de lor convenant. Quant messires Thomas d'Angourne, messires Jehans de Hartecelle et messires languis dou Chastiel et tout li chevalier et esquier de lor route, qui là estoient assamblé, furent parvenu à deus lieues priés de l'oost des François, il se logièrent au lonch de celle rivière, sus l'entente que pour demourer là toute la nuit et à l'endemain aler combatre lors ennemis. Quant il orent soupe assés légièrement , il considérèrent lor fait et emprise, et dissent entre euls li troi chevaliers : « Nous « ferons armer une partie de nostres gens et monter as « chevaus, et nous en irons veoir l'oost des François droit « sus le point de mie-nuit, et enterons en euls et lor por- « terons par ce fait très-grant damage, et porons mieuls « pourfiter par celle manière que demain dou jour venir « sus euls en bataille, car il sont grant gent et de nobles « et rices signeurs grant fuisson. Si poroit bien avoir dece main si grant sens entre euls et si bonne ordenance que « nous n'i ferions riens. » Chils consauls fu tenu, et ordonné tout chil qui se départiroient et chil qui demorroient, et s'armèrent et montèrent as chevaus ou conduit des trois chevaliers desus nommés et cevauchièrent toutquoiement, et droit à l'eure de mie-nuit, il se boutèrent en l'oost de messire Carie de Blois à l'un des costés et i fissent de premières

venues grant damage et ocirent, méhagnièrent et abatirent biaucop de gens. Li hoos se commença à estourmir, et se courirent armer tout chil qui le plus apparilliet estoient, et à venir à force sus ces Englois et Bretons, liquel se quidièrent partir , quant il veirent l'oost toute estourmie et retraire arrière, mais il ne porent ; car il furent enclos de trois costés et combatu et rebouté durement et asprement, et ne porent porter, ne soustenir, tant que celle heure, le fait des François, et i fu pris et moult doloreusement navrés messires Thomas d'Angourne, et se sauva, au mieuls que il pot, messires Jehans de Hartecelle, et aussi fist messires Tanguis dou Chastiel, et se départirent de la bataille; mais il i laissièrent une partie de lors gens mors et pris, et retournèrent chil doi chevalier sus lors logeis, ensi que tous desconfis, et furent sus un estât que de tantos départir de là et retourner arrière, quant evous descendu et venu entre euls un vaillant cavalier breton bretonnant, qui se nommoit messires Gautiers de Quadudal, et amenoit en sa compagnie cent lances de bonnes gens, tous à élection'. Si trètos que il fu venus, li compagnon en orent grant joie, mais non obstant sa venue, encores se voloient-il départir de la place , et ne se tenoient pas bien à aséguret.

Quant messires Garniers de Quadudal les vei en cel effroi, si leur demanda que il lor falloit. Li doi chevalier qui retourné estoient de la besongne, li recordèrent sus briefs paroles comment il avoient cevauchiet devant la Roce-Dorient et comment il avoient esté ruet jus, et estoit demorés prisonniers messires Thomas d'Agourne et encores pluisseurs aultres chevaliers et esquiers : « Et ne

1 Tous à élection, tous de choix, d'élite.

« veons point de rescouse en cela, et pour ce, nous volons « nous retraire et retourner en Hainbon. Se nous perdons « la Roce-Dorien pour celle fois, une aultre fois venra que « nous le recouverons. Il n'a pas deus mois que nous le « conquesimes. Une fois desous et l'aultre desus, ce sont i li estât de guerre. » Quant messires Garniers les ot oï parler, il fu moult esmervillés et considéra en se moimeismes tout lor estât et ces paroles, et pensa sus un petit, et puis, ensi comme inspirés de grant proèce, dist : « Biau signeur et mi compagnon, metés aultre arroi et i ordenance en vous, et me créés de ce que je vous dirai, « et grans biens vous en venra. Nous ferons armer et « monter à cheval tous ceuls qui chevaus ont, et cheuls de « piet nous les ferons sievir. Vous dites que il ni a que « deus petites lieues de chi en Toost des François. Nous « les courrons sus de grande volenté : il quident avoir « tout achievé, et se tiennent tous aségurés, ou il dorment « et se reposent ou il mengent et boivent ; il sont si raempli « de glore pour tant que il vous ont ruet jus, que il ne font « point de gait, et sont, par le parti que je vous di, « moult légier à desconfire et à ruer jus. » Quant li doi chevalier oïrent parler messire Garnier, tantos il s'acordèrent à son pourpos, et fu commandé à tout home que il fust armés et apparilliés et que on sievist les trois pennons des trois chevaliers, quelle part que il vosissent aler. Tout se armèrent à cheval et à piet, et se missent au cemin en grant volenté de lors corps aventurer, et messires Garniers et messires Jehans de Hartecelle tout devant, et messires Tanguis conduissoit ceuls de piet et les hastoit ce que il pooit.

Tant ceminèrent que, droit sus le point dou jour, il entrèrent ens es logeis de messire Carie de Blois et trou-

vèrent que il i faisoit aussi quoit que tout fuissent endormi, et aussi estoient-il le plus....1 et sans gait ; car ensi que dit avoit messires Garniers, il estoient si resjoï de l'aventure que il avoient eu, et de ce que il avoient met jus, ce lor sambloit, lors enemis, et retenu lor capitainne, que il ne se doubtoient de nului, et par ce furent-il déceu. Car il chil qui vinrent sus euls, frès et nouviaus, les envaïrent tellement et les prissent si sus un piet que il n'eurent loisir, ne espasse de euls armer; mais s'espardirent ces g*ens bretons, tant à piet comme à cheval, tout contre-val l'ost, et commenchièrent à ruer jus tentes et trefs et à reverser l'un sus l'aultre et à abatre hommes et méhagnier et ocire; et trouvèrent ces grans barons de Bretagne et de Normendie, les auquns qui estoient couchiés, les aultres qui se costoient2 devant les feus en lors logeis tous désarmés, euls et lors gens. Là furent-il pris à petit de fait et de deffense. Finablement la besongne se porta si mal pour messire Carie de Blois et ses gens et si bien pour ceuls qui les envaïrent, que messires Caries fu pris et fianciés (aultrement il euist esté mors), et la plus grant partie des barons et des chevaliers françois et normans ; et fu resquous messires Thomas d'Agourne qui gissoit tous navrés sus une quonce3 en la tente messire Carie de Blois, et resquous tout chil qui pris estoient4. Ensi vont les aventures, mais ceste fu trop grande, et furent desconfi et mis en cace tout chil qui devant la Roce-Dourient se tenoient, et orent les Englois et les Bretons très-grans conques, et en don-

1 Lacune d'un mot. '

2 Se costoient (?), se tenaient compagnie les uns aux autres?

3 Qv.once. J'ignore ce que Froissart entend par ce mot.

4 D'après l'auteur anonyme du Livre du bon duc Jehan de Bretagne, le combat de la Koche-Derien fut livré le 20 juin 1347. Dom Lobineau en fixe la date au 18 juin.

nèrent largement et laissièrent prendre à ceuls de la garnison , et retournèrent à tout lor pourfit et prisonniers à Hainbon deviers la contesse ; mais messires Jehans de Hartecelle ne mena point là messire Carie de Blois, son prisonnier, mais d'aultre part, où il en fu mieuls mestres que il n'euist esté. Toutes fois la contesse de Montfort laissa biellement convenir ses gens de lors prisonniers et avoit fait tousj ours en devant. Aultrement il nel'euissent point servi, car ce que il prendoient estoitlour, et quant il estoient pris, il se rachatoient, mais laditte contesse de Montfort fu trop grandement resjoïe de la prise de son adversaire, Carie de Blois car elle imagina que sa guerre en seroit plus belle et que li rois d'Engieterre le vodroit avoir et le acateroit au chevalier englès qui pris l'avoit. Se la contesse de Montfort fu resjoïe, la femme à messire Carie de Blois, qui se tenoit en Nantes et qui se nommoit ducoise de Bretagne, fu durement couroucliié et à bonne cause, car elle se veoit eslongié de consel et de confort. Nequedent elle prist et requelli le frain aux dens et monstra corage d'homme et de lion et retint tous les compagnons, chevaliers et esquiers, qui de sa partie estoient, et fist le visconte de Eohan et messire Eobert de Biaumanoir, capitainnes et regars de sa chevalerie, et quant chevaliers et esquiers venoient deviers li en son service, elle lor monstroit deus biaus fils que elle avoit de messire Carie de Blois son mari, Jehan et Gui, et disoit : « Vechi mes « enfans et hiretiers. Se lors pères vous a bien fait, je et li « enfans vous ferons encores mieuls. » Et cevauça laditte dame de ville en ville et de forterèce en forterèce qui pour li se tenoient, en rafresquissant et en rencorageant ceuls que messires Caries de Blois, son mari, i avoit mis et establis, et fist la dame aussi bonne guerre et aussi forte à

l'encontre de la contesse de Montfort et de ses gens, comme ,111 devant messires Caries, son mari, et ses gens avoient fait. Aussi li rois Phelippes qui oncles estoit de messire Carie de Blois, qui bien l'ama et qui trop fu courouciés de ceste aventure qui avenue estoit devant la Roce-Dorient, pour conforter sa cousine, envoia tousjours gens en Bretagne pour garder le païs et deffendre contre les Englois. Quant les nouvelles vinrent devant Calais au roi d'Engleterre et as signeurs que messires Caries de Blois avoit esté rués jus en Bretagne devant la Roce-Dorient, et il sceurent la fourme de l'ordenance comment, il tinrent le fait à grant et à notable et l'aventure à belle, et escripsi tantos li rois à messire Jehan de Hartecelle et li manda que, dou plus tos que il peuist, il le venist à veoir devant Calais et menast messire Carie de Blois, son prisonnier, en Engleterre. Li cevaliers obéi as lettres dou roi son signeur (ce fu raisons) et mena messire Carie de Blois en Engleterre et le mist ens ou chastiel à Londres avoecques le roy Jame d'Escoces1, et là jeuoient-il et s'esbatoient as escès et as tables2 ; et puis s'en vint messires Jehans de Hartecelle3 par mer devant Calais veoir le roi d'Engleterre et la roine et les signeurs, qui li fissent très-bonne chière. Or parlerons-nous dou roi Pbelippe de France.

1 Lisez : le roi David d'Ecosse.

1 Dans l'enquête de la canonisation de Charles de Blois, son médecin et son valet de chambre déclarèrent, au contraire, que sa captivité avait été fort rigoureuse et que souvent il avait été exposé aux insultes de ses gardiens.

3 Johnes, dans sa traduction de Froissart, l'appelle Jean d'Hartwell.