CHAPITRE CCLII
Comment li rois Phelippes de France fist un grant mandement en son royaume pour lever le siège de Calais et combatre les Engiois ; et comment les François se logièrent sus le mont de Sangate.
Li rois Phelippes de France, qui sentoit ses hommes qui enclos estoient dedens la ville de Calais, moult oppressés, et veoit que li rois d'Engleterre ne s'en départiroit point, se à force on ne l'enlevoit dou siège, et que li rois d'Escoce estoit pris et toute la puissance d'Escoce ruée jus, dont il avoit eu espérance que par la guerre que les Escos élussent fait en Engleterre, li rois engiois se fust levés dou siège de devant Calais'. Or estoit tout dou contraire, et bien trouvoit qui li disoit : « Chiers sires, il vous fault ces « bonnes gens conforter, car se vous perdes la forte ville « de Calais, ce vous sera uns trop grans préjudisses et à « vostre roiaulme, et aueront les Engiois trop li biel avenir « et ariver à Calais et courir en France et là retraire et « retourner en lor païs. » Li rois qui fu uns moult vaillans homs et moult usés d'armes (car de sa jonèce il les avoit acoustumées et coutumées) , considérait bien toutes ces coses et sentoit aussi que on li disoit vérité. Si en respondoit ensi et disoit : « Par m'âme et par mon corps, « vous avés cause de tout ce dire et nous i pourverons; « car il nous tourneroit voirement à trop grand blâme et « damage, se nous perdions Calais. » Et avint que sus l'espoir de reconforter ceuls de Calais et lever le siège, li rois de France fist un très-grant mandement de chief
1 La phrase est incomplète.
enqor son roiaulnie', et dist que il ne voloit fors guerryer des gentils hommes dou roiaulme de France, et que des communautés amener en bataille, ce n'est que toute perte et empêcemens, et que tels manières de gens ne font que fondre en bataille2, ensi comme la nuie8 font au solel, et bien avoit aparu à la bataille de Créchi, à la Blanque- Taque, à Caen en Normendie et en tous les lieus où on les avoit menés, et que plus il n'en voloit nuls avoir, fors les arbalestriers des chités et des bonnes villes. Bien voloit lor or et lor argent pour payer les coustages et saudées des gentils hommes et non plus avant ; il demorassent as hostels et gardaissent lors femmes et lors enfans, il devoit souffire, et fesissent lour labour et marceandise, et les nobles useroient dou mestier d'armes dont il estoient estruit et introduit. Li rois de France, en instance que pour conforter la ville de Calais et ceuls qui dedens estoient, aproça les marces de Piquardie et s'en vint en la chité de Amiens et fu là le jour de la Pentecoste et toutes les festes, et tendi ses mandemens et commandemens parmi tout son roiaulme, et mandoit et commandoit tant estroitement qui' tout venissent sans nul délai, ses lettres veues, en la chité d'Amiens ou là environ. Pour ces jours estoit connestables de France et usoit de l'office messires Jaquèmes de Bourbon, conte de Pontieu, et estoient mareschal li sires de Biaugeu qui se nomma Édouwars 4 et li sires de Montmorensi, et mestres des arbalestriers, li sires de Saint- Venant; et n'estoit mais nulle nouvelle en France de mes-
1 Je ne sais si cette phrase a été bien transcrite.
* Ici encore, le manuscrit du Vatican supplée, par des détails pleins d'intérêt, à tout ce qu'offrent d'insuffisant et d'incomplet les premières rédactions des Chroniques.
* La nuie, la neige.
; Edouard de Beaujeu fut l'un des protecteurs de Froissart.
sire Godemar dou Fai , mais estoit retrais en Normendie, sa nation, et là se tenoit sus le sien, ne point il n'estoit en la grâce dou roi.
Au mandement dou roi de France obéirent tout chil qui furent escript et mandé , et vinrent li signeur en grant arroi, premièrement li dus de Bourgogne, li dus de Bourbon, li contes de Savoie, messires Lois de Savoie, son frère, messires Jehans de Hainnau, li contes de Namur, li contes de Forois, le daufin d'Auvergne, le conte de Boulogne, le conte de Narbonne, le conte de Pieregorth, le conte de Valentinois, le conte de Saint-Pol, et tant de hauls barons et signeurs que mervelles seroit à penser et détriance au nommer, et ne sambloit point, quoique la bataille de Créci euist esté en celle année, que li roiaulmes de France ne fust ausi raemplis, apriès que devant, de noble et poissans chevalerie, et estoient, quant il furent tout asamblé et nombre, douse mille hiaunies. Considérés la grant noblèce de gentils hommes, car casquns hiaumes doit dou moins avoir cinq hommes dalés li , et estoient vingt -quatre mille arbalestriers genevois, espagnols et hommes des chités et bonnes villes dou roiaulme de France, tout en compte. Quant il furent venu sus le mont de Sangate, à deus lieues priés de Calais, il se trouvèrent plus de cent mille hommes. Si ne furent pas sitos venus, ne asamblés, car il vinrent gens de Gascongne, tels que le conte d'Ermignac, le conte de Fois, le conte de Berne ', le conte de Quarmain ; et tous les signeurs manda et pria li rois de France, desquels il pensa à estre aidés, car ce estoit sa intention que il lèveroit le siège et combateroit les Englois, et pour tant faisoit-il si grandes pourvéances.
' Berne, Bearn.
Et envoia li rois de France des prélas de France et des chevaliers pour tretyer as Flamens que il vosissent venir dalés leur signeur le conte et faire à lui ce que il dévoient, car voirement estoit li jones contes de Flandres en celle assamblée dou roi. Li Flamenc li remandèrent par ses gens meismes que il n'avoient point de signeur, puisque il se absentoit de euls et ne les voloit croire, ne que par li il ne feroient riens, ne des rentes et revenues de Flandres, il n'en porteroit nulles, et se avoir les voloit, il les venist bellement et courtoisement despendre ou païs et ouvrer par lor consel, mais il n'avoit pas encores bien commenchiet, et se il voloit persévérer en ces opinions, il trouveroit les Flamens plus durs et plus hausters que onques n'euist fait son père. Quant li rois de France entendi ces paroles et les responses des Flamens, si les laissa ester, et considéra assés lor manière et vei bien que ils n'en aueroit aultre cose et que point n'enteroit en euls sus cel estât pour ratraire à sa volenté, fors par le moyen dou duch de Braibant, mais pour le présent, ils et ses consauls estoient cargiet de si grant cose qu'à ceste des Flamens il ne pooient entendre. Si mist li rois de France ceste cose en souffrance tant que à une aultre fois, et entendi à voloir lever le siège de Calais.
