CHAPITRE CCLIII
Comment ii rois d'Engleterre fortefyoit son siège devant Calais.
Li rois d'Engleterre qui se tenoit devant Calais à siège et estoit tenus tout le temps, ensi que vous savés et à grans coustages, estudioit nuit et jour comment il peuist chiaus
de Calais le plus constraindre et grever ; car bien avoit oï dire que ses adversaires, li rois Phelippe de France, faisoit un très-grant amas de gens d'armes et que il le voloit venir combatre, et si sentoit la ville de Calais si forte que pour asaut, ne escarmuce que ils et ses gens i fesissent, il ne le poroient conquerre , et ces pensées et imaginations le metoient sovent en abusions. Avoecques ce, sus son reconfort, il sentoit la ville de Calais mal pourveue de tous vivres, car là dedens il en i avoit ensi que riens ; et encores pour euls clore et tolir le pas de la mer, il fist faire et carpenter un chastiel hault et grant de longs mairiens et de gros, lesquels on aloit coper en la forest de Boulongne, et les dis mairiens on amenoit à force de gens et à force de cevaus à Wisan ou là priés, et estoient là bouté dedens la mer et aconvoyet jusques sus le sabelon devant Calais, et là fu fais et carpentés li dis chastiaus, et fu si fors et si bien bretesquiés que on ne le pooit grever, et quant li chastiaus fu tous ouvrés, li rois et ses consauls le fissent asseoir et lever droit sus l'entrée dou bavène, en l'embouqure de la mer, et fu pourveus d'espingalles, de bombardes, d'arcs-à-tour et d'aultres instrumens bons et soubtieus. Et furent ordonné pour garder le havène et le chastiel à la fin que nuls n'entrast ou dit havène oultre lor volenté, soissante hommes d'armes et deux cens archiers. Ce fu li ordenance qui plus constraindi ceuls de Calais et qui plus tos les fist afamer '.
1 Dans les derniers jours de juin, les Anglais interceptèrent une lettre où Jean de Vienne exposait à Philippe de Valois le dénûment et les souffrances de la garnison de Calais :
« Sachez, très-redouté seigniour, lui écrivait-il, que vos gents en « Caleys ont mangé lour chevals, chiens et chats, et n'est remys rien « pur lour vivre , synon chescune mange aultre ; par quoy , très- « honeurable seigniour, 'si nous ne avons hastif socoure, la ville est « perdue, et nous somes tous accordés, si nous ne avons ayde, de issir
En ce temps enorta li rois d'Engleterre les Flamens, lesquels li rois de France voloit mettre en tretié deviers li et le jone conte, leur signeur, ensi que clii-desus est contenu, que il vosissent issir hors et faire guerre avoecques lui et issirent des bonnes villes de Flandres et dou tiéroir dou Franch bien cent mille Flamens; et vinrent mettre le siège devant la ville d'Aire et ardirent et destruisirent tout le païs de là environ, Saint-Venant, Moureville, le Gorge, Estelles et le Ventie, le Bassée et tout le païs que on dist la Leue. De quoi li rois de France, qui faisoit son amas de gens d'armes, en envoia grant fuisson en garnison à Saint-Omer, à Lille et à Biétunne et par tous les chastiaus eus les frontières d'Artois et Boullenois, car on ne sçavoit que les Flamens avoient en pensée. Mais li Flamencli se retraïrent petit à petit quant il orent fait lor escaufée, et retournèrent tous en lors lieus. Quant il furent retrait, li rois de France se départi d'Amiens et vint à Hédin, et là s'aresta pour atendre ses hoos et avoit peuple sans nombre. Quant tout furent venu ceuls de qui il se pensoit aidier, il se départi de Hédin et cemina viers la chité de Tiéruane et là fu deus jours, et puis se départi et cemina tout ce plain païs que on dist l'Alequine et vint logier entre Calais et Wissant, droit sus le mont de Sangates. Quant chil de Calais, liquel estoient eus ou cliastiel et sus les murs de la ville, les veirent premièrement aparoir sus le dit mont de Sangates, pennons et banières venteler, il eurent moult grant joie et quidièrent tantos estre deslogiet et délivret dou dangier des Englois; mais quant il veirent que on se logeoit, il furent plus courou-
« et mourir sur nous enmys à honour plus tost que dedeins morire par « défaute, et Dieu vous doygne grâce de rendre à vous et vos heires, « nostre travayle. »
chiet que devant, et leur sambla que point on ne se combateroit, et ne savoient que dire de celle venue.
Or vous dirai que li rois d'Engleterre fist et avoit fait, quant il sceut que li rois de France venoit à si grande hoost pour li combatre et pour dességier la ville de Calais qui tant li avoit cousté d'avoir , de gens et de painne de son corps, et si sçavoit bien que il avoit la ditte ville si menée et si astrainte que elle ne se pooit longuement tenir; seli tourneroit à grant contraire, se il le convenoit ensi de là départir. Si avisa et imagina li dis rois que li François ne pooient venir à lui, ne aprochier son hoost, ne la ville de Calais, fors que par une voie, laquelle venoit tout droit le grant cemin, ou par les dunes de la mer, ou par deviers Ghines, Moles et Oie, où il avoit grant fuisson de fossés et de lieus imposibles pour si grant hoost à passer. Et le lieu et le pas par où li François pooient venir le plus apparliement, il i a un pont que on dist Niulais, et de une part et d'aultre dou cemin, marescages et crolois ' si grans et si parfons que il ne sont point à passer. Si fist li rois d'Engleterre traire toutes ses naves et ses vassiaus par deviers les dunes et bien garnir et furnir de bombardes et d'archiers et de tous ces atournemens de deffenses, par quoi li hoos des François ne peuist, ne osast passer par là. Et fist son cousin le conte Derbi logier sus le pont de Niulais à grant fuisson de gens d'armes et d'archiers, par quoi li François ni peuissent passer, se il ne passoient parmi les mares qui sont imposible à passer. Ensi se fortefia li rois d'Engleterre contre la venue dou roi Phelippe. Encores avoecques tout ce, li rois d'Engleterre qui tenoit à amour les Flamens ce que il pooit, les envoia pryer et
1 Crolois , fondrières.
requerre sus certaines aliances et convenances que il avoient l'un avoecques l'aultre, que il vosissent venir si estoféement au lés deviers lor costé, entre Gravelines et Calais, et là logier et ils leur en saueroit très-bon gré, et de tant seroit-il le plus tenus deviers euls. Li Flamens, pour ce temps, furent tout apparilliet de obéir à la plaisance dou roi d'Engleterre, car tous les jours il avoient mestier de li. Si s'esmurent et vinrent premiers chil dou tiéroir dou Franc, et passèrent la rivière de Gravelines et se logièrent assés priés de Calais, et estoient environ vint mille ; apriès vinrent chil de Bruges, chil de Courtrai et de Ippre, et puis chil de Gant et de Grammont, d'Audenarde, d'Alos et de Tenremonde, et passèrent toutes ces gens la rivière de Gravelines et de Calais, et se logièrent et amanagièrent entre ces deus villes. Ensi fu Calais asségié de tous lés, ne uns oiselles ne s'en peuist pas partir, que il ne fust veus et congneus et arestés.
