CHAPITRE CXLII
Comment li signeurs de France se remirent sus et asségièrent la ville de Rennes ; et comment la contesse de Montfort envoya messire Amauri de Clicon demander seqours en Engleterre.
Quant ce vint sus le printemps et que la douce saison fu retournée, messires Caries de Bloisenvoia ses messages en France, et par espécial le seigneur de Biaumanoir deviers le roi son oncle pour pryer que il li vosist envoyer gens qui li aidassent à reconquérir le demorant dou païs de Bretagne. Li rois s^enclina à celle pryère et manda au conte Eaoul d'Eu, son connestable, et au conte de Ghines, son fil, que il fesist son mandement de gens d'armes et d'arbalestriers et s'en alast en Bretagne. Li dus de Bourbon, messires Jaquèmes de Bourbon , li contes deBlois, li contes de Vendôme, messires Lois d'Espagne, li sires de Cliastillon, li sires deCouchi, li sires de Montmorensi,li sires de Saint- Venant et grant fuisson de la baronie et chevalerie de France se ordonnèrent et se missent au cemin et esploitièrent tant que il vinrent en la chité de Nantes et se trouvèrent sus quinse jour, bien cincq mille hommes d'armes et douse mille hommes à lances et as pavais parmi les arbalestriers genevois, desquels messire Oste Dorie estoit chapitainne, et avoecques li messires Caries Grimaus. Et se départirent un jour de Nantes en grant arroi et puissance et prissent le cemin de Rennes et fissent tant que il i parvinrent et bastirent là lor siège tout à l'environ.
Pour ces jours avoit grans fourbours à Rennes, mais li chapitainne de Rennes et li saudoyer qui dedens estoient, quant il sentirent que on les venoit asségier, les ardirent et avoient fortefyet grandement lor ville de toutes pars par devant Rennes, et [i ot] grant siège et lonch et qui moult avant dura en l'esté, et fu fait tamainte escarmuce et assaut, et moult bien si portèrent chil de dedens, voires li gentilhomme, messires Guillaumes de Quadudal et li aultre, et avoient tousjours regart sus les bourgeois de Rennes que il ne fesissent auqun vilain tretié à ceuls de l'oost.
La contesse de Montfort qui se tenoit à Vennes, n'estoit pas forte assés pour lever le siège et dist à son consel : « Il me fault envoyer au secours en Engleterre. Je po- « roie bien trop atendre. » Son consel fu d'acort à tout ce faire, et fu pryés de par li messires Amauris de Cliçon que il i vosist aler. Li chevaliers ne l'euist jamais escondit ' et s'ordonna à partir, et quant il ot ses lettres adreçans au roi d'Engleterre et à messire Robert d'Artois et à auquns barons et chevaliers d'Engleterre, il entra en un vassiel ou havène de Venues meismes et se départi et singla tant par mer, à l'aide de Dieu et dou vent, que il vint à Plemude, et là s'arestèrent et ancrèrent li maronnier, puis issi li dis messires Amauris de son vassiel et sa famille, et se rafresquirent dedens la ville et se pourveirent de chevaus, et quant il furent tout apparilliet, il montèrent et chevaucèrent viers Londres et tant fissent que il i parvinrent. Pour ces jours, li rois et la roine et messires Robers d'Artois estoient en la marce de Bristo. Si lorfupainne, toutes fois il ceminèrent celle part, et trouvèrent le roi et la roine
1 Escondit, refusé.
qui festoient le conte de Sasleburi et le conte de Sufforch qui nouvellement estoient issu hors de la prison de France et s'estoient rançonné li doi contes à vint mille nobles ' .
Quant messires Amauris de Cliçon fu venus deviers le roi, on lifist voie. Il se mist en genouls; il bailla ses lettres. Li rois les prist et les lissi, et portoient créance. Adonc fu trais à part dou roi messires Amauris de Cliçon et encores en ce consel li rois apella messire Robert d'Artois, et là parla li dis chevaliers et compta tout Testât de Bretagne et comment on s'i portoit et de la chité de Rennes comment elle estoit asségié, et prioit li chevaliers au roi de par la contesse que il i vosist entendre pour aidier à deffendre et garder le païs, car sans son aide la puissance de la dame estoit moult petite, car si ennemi tenoient les camps. Li rois respondi et dist : « Messire Arnaud, vous « nous estes li bien venus, et dedens quinse jours, nous « serons en la marce de Londres et auerons une partie de a nostre consel, et là serés-vous expédy es de toutes coses ; « mais nous sommes pour le présent sus nostres déduis. « Si ne poons pas entendre à tels coses, ne faire response « telle que li cas demande ; car nous avons trieuves, ensi « que vous savés, à nostre adversaire Phelippe de Valois. « Si nous convient bien avoir consel comment nous ordo- « nerons de la guerre de Bretagne. » Messires Amauris de Cliçon se contenta assés de ceste response et se départi du roi et de messire Robert d'Artois et s'en retourna à Londres.
1 Le comte de Salisbury fut mis en liberté à Yincennes le 4 juin 1342. La charte qui se rapporte à sa délivrance existe encore aux Archives impériales à Paris.
