CHAPITRE CCLIX

Comment sys bourgeois s'offrirent à morir pour le peuple sauver, et comment la noble roine d'Engleterre pria tant le roi qu'il en eut pité.

Sus cel estât se départi don roi d'Engleterre messires Gautiers de Mauni et retourna jusques à Calais et vint as barrières là où messires Jehans de Viane, le capitainne, l'atendoit. Se li recorda toutes les paroles devant dittes, ensi que vous les avés oï, et dist bien que ce estoit tout ce que il en avoit peu impétrer. « Messire Gautier, respondi « messires Jehans, je vous en croi bien. Or vous prie que

« vous voelliés clii tant demorer que je aie remoiistré tout « cel affaire à la communauté de la ville, car il m'ont chi « envoyet, et en euls en tient, ce m'est avis, dou faire et « dou laissier. » Donc respondi li sires de Mauni et dist : « Je le ferai volentiers. » Lors se départi messires Jehans de Viane des barrières et vint sus le marchié et fist sonner la clocepourassambler toutes manières de gens en la halle. Au son de la cloce vinrent-ils tous hommes et femmes, car moult désiroient à oïr nouvelles, ensi que gens si astrains de famine que plus ne pooient. Quant il furent tout venu et assamblé en la place, hommes et femmes, messires Jehans de Viane lor remonstra moult doucement les paroles toutes et telles que chi devant sont dittes et récitées, et leur dist bien que aultrement ne pooit estre et euissent sur ce avis et brief consel, car il en convenoit faire response. Quant il oïrent ce raport, il commenchièrent tout à cryer et à plorer si tenrement et si amèrement que il ne fust si durs coers ou monde, se il les veist et oïst euls démener, qui n'en euist pité, et n'orent pour l'heure nul pooir de respondre, ne de parler, et meismement messires Jehans de Viane en avoit telle pité que il en larmoioit moult tenrement.

Une espasce apriès, se leva en pies li plus rices bourgeois de la ville de Calais et de plus grande recommendation, que on clamoit sire Ustasse de Saint-Pierre, et dist devant tous et toutes ensi : « Bonnes gens, grans pités et « grans meschief seroit de laissier morir un tel peuple « que chi a, par famine ou aultrement, quant on i puet « trouver auqun moyen, et si seroit grande ausmonne et « grant grâce enviers Nostre-Signeur, qui de tel mescief « lesporoit garder et esquiever. Je, endroit de moi, ai si « grande espérance d'avoir grâce et pardon enviers Nostre-

Ï)E FR01SSART.

« Signeur, se je muir pour che peuple sauver, que je voel « estre li premiers, et nie meterai volentiers en purs ma « cemise, à nu cliief et a nu pies, la hart ou col, en la « merchi dou gentil roi d'Engleterre. » Quant sires Ustasses de Saint-Pierre ot dit ceste parole, tout homme le alèrent aourer1 de pité, et pluisseurs hommes et femmes se jettèrent en genouls à ses pies, tendrement plorant. Ce estoit grans pités de là estre et euls oïr et regarder. Secondement uns aultres très-honeste bourgeois et de grant afaire, et liquelavoit deus damoiselles à filles, jones, belles et grâtieuses, se leva et dist tout ensi que il feroit compagnie en ce cas à son compère et cousin sire Ustasse de Saint-Pierre, et se nommoit li dis bourgeois Jehans d'Aire. Apriès se leva li tiers bourgeois de Calais qui se nommoit sires Jaquèmes de Wisant, qui moult estoit rices homs de meubles et d'iretages dedens Calais et au dehors de Calais, et se ofri à aler en lor compagnie, et aussi fist sire Pierres de Wisant, son frère. Li chinquimes fu sire Jehans de Fiennes et li sisimes sires Andrieus d'André'2. Tout chil sys bourgeois a voient esté en la ville de Calais li plus rice et li plus manant et qui plus avoient d'iretage ens et hors Calais, et dont la ville par mer et par terre s'estoit le plus estofée, mais pour pité et pour sauver lors femmes et lors enfans et le demorant de la ville, il se offrirent tout de bonne volenté et dissent à lor chapitainne : « Sire, déli- « vrés-vous3 et nous emmenés deviers le roi d'Engleterre, « ou point et en Testât que vostre trettiés devise ; car nous « volons tout morir se nous sommes à ce destiné, et pren-

1 Aourer, embrasser.

2 Four la première fois, les noms des six bourgeois de Calais sont indiqués d'une manière complète.

3 Delivrés-vous, bâtez-vous.

« derons la mort en bon gré. » Messires Jehans de Viane avoit si grant pité de ce que il veoit et ooit, que il ploroit ausi tenrement que dont que il veist tous ses amis en bière. Toutes fois, pour abrégier la besongne, puisque faire le convenoit, il les fîst desvestir en la halle en purs lors braies et lors cemisses, nus pies et nus chiefs, et là furent aportées toutes les clefs des portes et des guicès de la ville de Calais et celles dou chastiel ensi, et furent à ces sys honestes bourgeois mis les hars ou col, et en cel estât tout sys il se départirent de la halle et dou marchiet de Calais, messire Jehan de Viane qui ploroit moult tendrement devant euls, et aussi faisoient tout li chevalier et li esquier qui là estoient, de la grande pité que il avoient. Hommes et femmes et enfans honestes de la nation de la ville les sievoient et crioient et braioient si hault que ce estoit grans pi tés au considérer. Li sys bourgeois, par avis assés liement, en aloient et avoient petite espérance de retourner , et pour reconforter le peuple , il disoient : « Bonnes gens, ne plorés point. Ce que nous faisons, c'est « en instance de bien et pour sauver le demorant de la « ville. Trop mi euls vault que nous morons, puisque il « fault qu'il soit ensi, que toutes les bonnes gens de la « ville soient péri , et Dieus auera merchi de nos « âmes. »

Ensi en plours et en cris et en grans angousses de cuers dolereus les amena messires Jehans de Viane jusques à la porte et la fiât ouvrir, et quant ils et li sys bourgeois furent dehors, il la fist reclore et se mist entre les bailles et la porte et là trouva messire Gautier de Mauni qui l'atendoit et liquels s'apoioit sus les bailles par dedens la ville de Calais ; et avoit et ot, quant on vei issir des portes ces bourgeois et il se retournèrent deviers la ville et les

gens et il dissent : « Adieu, bonnes gens, pryés pour nous» et la porte fu reclose, si très-grande plourie, brairie et cryée des femmes et enfans et des amis de ces bonnes gens que grans hisdeurs estoit à l'oïr et considérer ; et meismement messires Gantiers de Mauni en entendi bien la vois et en ot pité.

Quant messires Jehans de Viane fu venus jusques à lui, il li dist : « Messire Gautier, je vous délivre comme cha- « pitainne de Calais, par le consentement dou povre peu- « pie d'iceli ville, ces sys bourgeois, et vous jure que ce « sont et estoient aujourd'ui li plus lionnourable et no- « table homme de corps, de cavanche et d'ancesserie de « laditte ville de Calais, et portent avoecques euls toutes « les clefs de la ville et dou chastiel de Calais. Si vous « pri, cher sires, en nom d'amour et de gentillèce, que « vous voelliés pryer pour euls au gentil roi d'Engleterre « à la fin que il en ait pité et compassion et que il ne « soient point mort. » Donc respondi messires Gautiers de Mauni et dist : « Je ne scai que li rois mon signeur en « vodra faire ; mais je vous créance et convenence que je « en ferai mon pooir. » Adonc fu la barrière ouverte, et passèrent oultre li sys bourgeois et en alèrent en cel estât que je vous di , avoecques messire Gautier de Mauni, liquels les amena tout bellement jusques à l'ostel dou roi, et messires Jehans de Viane rentra en la ville de Calais par le guichet.

Li roi d'Engleterre estoit à celle heure en la salle de son hostel, bien accompagniés de contes et de barons, liquel estoient là venu pour veoir l'ordenance de ceuls de Calais, et meisment la roine i vint, mais ce ne fu pas sitos. Quant on dist au roi : « Sire, vechi messire Gautier de « Mauni qui amainne ceuls de Calais , » adonc issi li rois

de son hostel et vint en la place, et tout chil signeur apriès lui, et encores grant fuisson qui i sourvinrent, pour veoir ceuls de Calais et comment il fînneroient, et la roine d'Engleterre qui moult ençainte estoit , sievi le roi son signeur. Evous messire Gautier de Mauni venu et les bourgeois dalés li, qui le sievoient, et descendi de une basse liaquenée que il cevauçoit. En la place toutes gens se ouvrirent à l'encontre de li. Si passèrent oultre messires Gautiers et li sys bourgeois, et s'en vint devant le roi et li dist en langage englois : « Très-chiers sires, vechi la repré- « sentation de la ville de Calais à vostre ordenance. » Li rois se taisi tous quois et regarda moult fellement sus euls, car moult les haioit et tous les habitans de Calais, pour les grans damages et contraires que dou temps passet li avoient fait. Chil sys bourgeois se missent tantos en genouls devant le roi et dissent ensi en joindant lors mains : « Gentils sires et nobles rois, veés-nous cbi sys qui avons « esté d'ancesserie bourgeois de Calais et grans marceans « par mer et par terre, et vous aportons les clefs de la « ville et dou chastiel de Calais et les vous rendons à vos- « tre plaisir et nous mettons en tel point que vous nous a veés en vostre pure volenté pour sauver le demorant « dou peuple de Calais qui souffert a moult de griétés. « Si voelliés de nous avoir pité et merchi par vostre haute « noblèce. » Certes il ni ot adonc en la place, conte, baron, ne chevalier, ne vaillant homme qui se peuist astenir de plorer de droite pité, ne qui peuist parler une grant pièce. Li rois regarda sus euls très-crueusement, car- il avoit le coer si dur et si enfellonnyet de grans courous, que il ne pot parler; et quant il parla, il commanda en langage englois que on lor copast les testes tantos. Tout li baron et li chevalier qui là estoient, en plorant prioient,

langage englois que on lor copast les testes tantos. Tout li baron et li chevalier qui là estoient, en plorant prioient, si acertes que faire pooient, au roi que il en vosist avoir pité et merchi ; mes il n'i voloit entendre. Adonc parla li gentils chevaliers messires Gautiers de Mauni et dist : « Ha! gentils sires, voelliés rafréner vostre corage. Vous « avés le nom et renommée de souverainne gentillèce et « noblèce. Or ne voelliés donc faire cose par quoi elle soit « nient amenrie, ne que on puist parler sus vous en « nulle cruauté, ne vilennie. Se vous n'avés pité de ces « hommes qui sont en vostre merchi, toutes aultres gens « diront que ce sera grans cruaultés, si vous faites morir « ces honestes bourgeois qui de lor propre volenté se sont « mis en vostre ordenance pour les aultres sauver. » Adonc se grigna1 li rois et dist : « Mauni, Mauni, soufrés- vous. « Il ne seraaultrement. » Messires Gautiers de Mauni... 2 et n'osa plus parler, car li rois dist moult ireusement : « On fâche venir le cope-teste. Chil de Calais ont fait « morir tant de mes hommes que il convient ceuls morir « aussi. »

Adonc fist grand humelité la noble roine d'Engleterre, qui estoit durement enchainte, et ploroit si tendrement de pité que on ne le pooit soustenir. La vaillans et bonne dame se jetta en genouls par devant le roi son signour et dist : « Ha! très-chiers sires, puis que je apassai par deçà « la mer en grant péril, ensi que vous savés, je ne vous ai « requis, ne don demandet. Or vous prie-je humlement « et requier en propre don que pour le Fil à sainte Marie

1 Se grigna (en anglais : grin, grimace). Le verbe: se grigner, s'applique à toute impression vive et énergique produite par la colère sur la physionomie. On disait aussi : grigner les dents pour grincer des dents.

2 Lacune.

ioh. ii. 23

« et pour l'amour de mi, vous voelliés avoir de ces sys « hommes merchi. » Li rois atendi un petit à parler et regarda la bonne dame sa femme qui moult estoit enchainte et ploroit devant lui en genouls moult tenrement. Se li amolia li coers , car envis l'euist courouchiet ens ou point là où elle estoit, et quant il parla, il dist : « Ha ! « dame, je amaisse trop mieuls que vous fuissiés d'aultre « part que chi. Vous priés si acertes que je ne vous ose « escondire ' le don que vous me demandés ; et comment « que je le face envis, tenés, je les vous donne, et en faites « vostre plaisir. » La vaillans dame dist : « Monsigneur, « très-grant merchis. » Lors se leva la roine et fist lever les sys bourgeois et lor fist oster les cevestres2 d'entour lors cols, et les emmena avoecques lui en son bostel et les fist revestir et donner à disner et tenir tout aise ce jour, et au matin elle fist donner à casqun sys nobles et les fist conduire hors de l'oost par messire Sanse d'Aubrecicourt et messire Paon de Ruet , si avant que il vorrent , et que il fu avis as deus chevaliers que il estoient hors dou péril, et au départir il les commandèrent à Dieu, et retournèrent li chevalier en l'oost, et li bourgeois alèrent à Saint-Omer.