CHAPITRE CCLX
Comment li rois et la roine d'Engleterre entrèrent dedens la ville de Calais.
Ensi fu la forte ville de Calais asségié par le roi Édowart d'Engleterre en l'an de grâce Nostre-Signeur mille trois cens quarante-sys environ la Saint-Jchan-Décolasse,
1 Escondire, refuser. 2 Cevestres, liens, cordes.
ou mois d'aoust , et fu conquise en l'an de grâce Nostre- Signeur mille trois cens quarante-sept, ou mois de septembre. Quant li rois d'Engleterre ot fait sa volentédes sys bourgeois de Calais et il les ot donnés à la roine sa femme, ensi que chi desus est dit , il appella messire Gautier de Mauni et ses mareschaus le conte de Warvich et messire Richart de Stanfort et leur dist : « Signeur, prenés ces « clefs de la ville et dou chastiel de Calais. Si en aies « prendre la saisine et possession, et prenés tous les che- « valiers qui là dedens sont et les metés en prison ou « faites-leur jurer etfiancier prison. Il sont gentilhomme, « on les recrerra bien sus lors fois , et tout le demorant, « saudoyerset aultres, faites-les partir, je les quite. » Chil doi baron , avoecques messire Gautier de Mauni, respondirent : « Il sera fait. » Si s'en vinrent li doi marescal et messires Gautiers de Mauni, à cent hommes et deus cens archiers tant seullement, en la ville de Calais, et trouvèrent messire Jeban de Viane, messire Arnoul d'Audrehem, messire Jeban de Surie et les chevaliers, qui les atendoient à l'entrée de la porte qui estoit toute close horsmis le guichet. Chil chevalier françois requellièrent ces chevaliers d'Engleterre bellement et lor demandèrent des sys bourgeois comment il avoient fînet et se li rois les avoit pris à merchi. Il respondirent : « Oïl à la pryère madame la roine d'Engleterre. » De ce furent-il tout resjoï. Les portes et les bailles de Calais furent ouvertes : les Englois entrèrent dedens et se saisirent de la ville et dou chastiel ; et furent mis en prison courtoise messires Jehans de Viane et tout li chevalier de France, et toutes aultres gens, hommes, femmes, enfans mis hors, chil qui passèrent parmi l'ost d'Engleterre. Li chevalier englois et li vaillant homme en avoient pité
et lor donnoient à disner, et encores de l'argent à lor département, et il s'en aloient, ensi que gens esgarés pour quérir lors mieuls aillours. Il en i ot aussi auquns qui passèrent parmi l'ost des Flamens qui gissoient entre Gravelines et Calais. Aussi les Flamens par pité lor fissent des douçours* et des courtoisies assés. Ensi se départirent ces povres gens de Calais, mais la grignour partie se retraïssent à Saint-Omer, et orent là biaucop de recouvrances.
Les marescaus d'Engleterre et messires Gautiers de Mauni qui furent envoyet de par le roi en la ville de Calais, le fissent toute et tantos, et le chastiel aussi, netoyer, ordonner et apparillier, ensi que pour le roi et la roine recevoir. Quant il orent tout ce fait et le chastiel ordonné pour logier le roi et la roine, et tout li aultre hostel furent widié et apparilliet pour recevoir les gens dou roi, on le segnefia au roi. Adonc monta-il à ceval et fist monter la roine et leur fil le prince, les barons et les chevaliers, et cevauchièrent à grant glore deviers Calais et entrèrent dedens la ville à si grant fuisson de ménestrandies, de trompes, de tabours, de claronchiaus, de muses et de canemelles 2 que grant plaisance estoit à considérer et regarder, et chevauchièrent ensi jusques au chastiel, et là descendirent li rois, la roine, li princes, li contes Derbi et li signeur, les auquns demorèrent avoecques le roi, qui logiet ou chastiel estoient, et les aultres se traïssent as hostels, lesquels on avoit ordonné pour euls. Et donna li rois, ce premier jour que il entra en Calais, à disner ens ou chastiel de Calais, la roine, les dames et les damoiselles, les contes, les barons et les chevaliers, et non pas
1 Douçours, douceurs, générosités.
* Canemelles, chalumeaux.
de pourvéances de la ville, mais de celles de lor hoost qui lor estoient venues et venoient encores tous les jours de Flandres et d'Engleterre, et devés sçavoir que , le siège estant devant Calais, il vinrent en l'oost le roi d'Engleterre moult de biens par mer et par terre dou pais de Flandres, et euissent eu les Englois des défautes assés, se les Flamens n'euissent esté. Che jour furent toutes les portes de Calais ouvertes, et vinrent moult de Flamens veoir Testât dou roi d'Engleterre, et estoient toutes les cambres dou chastiel de Calais, la salle et les alées encourtinées et parées de draps de haute-lice, si ricement comme as estas dou roi et de la roine apertenoit. Et aussi estoient les hostels des contes et des barons d'Engleterre qui se tenoient en la ville et persévérèrent ce jour en grant joie et en grant reviel. Le second jour, apriès que li rois d'Engleterre entra en Calais, il donna à disner ens ou chastiel de Calais tous les plus notables bourgeois de Flandres des communautés des bonnes villes, pour laquelle promotion les hommes de Flandres estoient là venu servir le roi, etfu li disners biaus et grans et bien estofés, et au congiet prendre au roi, li dis rois les remercia grandement dou service que fait li avoient, et retournèrent les Flamens en lor hoost, et à l'endemain il se départirent tout et retournèrent en leurs lieus. Ensi se portèrent les besongnes de Calais. Et donna li rois d'Engleterre congiet à toutes manières de gens d'armes et archiers pour retourner en Engleterre et ne retint que son fil, le prince de Galles, et son consel, et sa femme la roine, dames et damoiselles et lor estât, et son cousin le conte Derbi. Et donna li rois as pluisseurs de ses barons des biaus hostels de Calais, à casqun selon son estât pour euls tenir, demorer et logier, quant il vodroient passer la mer d'Engleterre à Calais, et furent les dons, les
auquns à hiretage et les aultres à la volenté dou roi ' . Et furent tout li manant en la ville de Calais au jour que elle fu rendue, bouté hors, et ne furent retenu tant seullement que euls trois ancyens hommes, lesquels savoient les usages et les coustumes de la ville, entre lesquels il i avoit un prestre pour rasener2 les maniemens des hiretages, ensi comme il se portoient; car ce estoit li intension dou roi et de son consel que elle seroit redéfiée et raemplie de purs Englois et que on i envoieroit de la chité de Londres douse bourgeois notables, rices hommes et bons marceans, et encores des chités et bonnes villes d'Engleterre vingt-quatre bourgeois et avoecques ces trentesys, femmes, enfans et toutes lors familles, et en desous de euls, aultres hommes , ouvriers de tous estas, par quoi la ville se reformeroit toute de purs Englois, et seroit à Calais li estaples des lainnes d'Engleterre , dou plonc et de l'estain, et se venroient ces trois marceandises coustumer * à Calais et feroient là le quai et le havène. Li rois d'Engleterre, pour toutes ces coses ordonner et mettre à lor devoir, se tint à Calais sans retourner en Engleterre bien un quartier de un an, et tant que la roine sa femme i fu acouchié et ralaiée de une belle fille, laquelle ot nom Marguerite et fu depuis contesse de Pennebrug, mais elle
1 Les dons faits par le roi d'Angleterre ont donné lieu à une assez vive controverse, car l'on a remarqué que, peu de mois après la prise de Calais , Eustache de Saint-Pierre avait été l'objet d'une libéralité qui n'était toutefois qu'une faible restitution. Des travaux récents ont renversé les arguments si peu patriotiques de Brequigny. Eustache de Saint-Pierre n'en est que plus grand, puisque les vainqueurs eux-mêmes ont rendu hommage à son glorieux dévouement.
s Rasener, régler.
* Coustumer, se fixer par l'usage, par la coutume.
morut jone'. Le roi d'Engleterre, estant à Calais, tout fu remparet et raparilliet ce qui désemparet estoit, et furent envoyet en Engleterre messires Jehans de Viane et messires Ernouls d'Audrehem et les chevaliers qui dedens Calais estoient au jour que elle fu rendue, et avant que li rois d'Engleterre se départesist de Calais.
