CHAPITRE CCLXI
Comment unes trieuves fut prise entre les deus rois, et comment Aimerisde Pavie fut ordonnés à estre capitaines de Calais.
Or m'est avis que c'est grande imagination de piteusement penser et ossi considérer que chil grant bourgeois et ces nobles bourgeoises et lors biaus enfans qui d'estoq et d'estraction avoient demoret, etlor prédicessour, en la ville de Calais, devinrent , desquels il i a voit grant fuisson au jour que elle fu rendue. Ce fu grans pités, quant il lor convint guerpir lors biaus hostels et lors liiretages, lors meubles et lors avoirs, car riens n'emportèrent, et si n'en orent onques restorier, ne recouvrier dou roi de France pour qui il avoient tout perdu. Je m'en passerai de euls briefment à parler : il fissent au mieulsque il porent, mais la grignour partie de euls se traïst en la ville de Saint- Omer.
Encores se tenoit li rois d'Engleterre à Calais pour entendre le plus parfaitement as besongnes de la ville, et li rois Phelippes de France, en la bonne chité d'Amiens, et estoit dalés lui nouvellement venus un siens cousins car-
1 Le comte de Pembrocke, après la mort de Marguerite d'Angleterre, épousa en secondes noces la fille unique de Gauthier de Mauny, fondatrice du célèbre musée de Pembrocke, à Cambridge.
36 i . CHRONIQUES
dinauls messires Guis de Boulongne en très -grant estât, et l'avoit papes Clémens, qui resgnoit pour ce temps, envoyet d'Avignon en France , et tenoit chils dis cardinauls trop grandement biel estât et estofet, et aloit sus les biens de l'Église à plus de deus cens chevaux : onques sains Pierres, ne sains Pois, ne sains Andrieus n'alèrent ensi. Chils cardinauls de Boulongne, à sa bienvenue deviers le roi de France, quist voie et moyen et amis deviers le roi d'Engleterre comment il vint à Calais, et lui là venu, il procura tant deviers le dit roi et son consel le conte Derbi, messire Renault de Gobehem, messire Richart de Stanfort et messire Gautier de Mauni que unes trieuves furent prises entre les deus rois de France et d'Engleterre et de tous lors ahers et aidans, à durer deus ans par mer et par terre, et furent réservet et exceptet en celle trieuve les deus dames de Bretagne , la femme à messire Carie de Bloîs et la contesse de Montfort, et tinrent toudis ces deus dames en Bretagne la guerre li une contre l'aultre. Ces trieuves acordées et jurées à tenir le terme de deus ans tant seullement, li cardinaus de Boulongne retourna à Amiens deviers le roi de France, et li rois d'Engleterre ordonna ses besongnes et s'en retourna en Engleterre et i remena la roine sa femme et tous lors enfans et lor estât, dames et damoiselles, et ne laissièrent nului derrière, et ordonna à demorer à Calais et à estre chapitainne un chevalier lombart lequel on nommoit messire Ameri de Pavie, et estoit li dis chevaliers très-grandement en la grâce et amour dou dit roi, car il l'avoit servi un lonch temps, et bien se confioit li rois en li, quant il li bailloit en garde le jeuiel ou monde à ce jour que il amoit le mieuls : c'estoit la ville et le castiel de Calais. Se l'en deubt estre priés mesvenu, ensi que vous orés recorder en l'istore.
DE FR01SSART. 565
