CHAPITRE CCLXII
Comment pluisseurs brigans efc pillars se missent sus, es lointainnes marces de France.
Quoique les trieuves fuissent bien tenues entre le roi de France et le roi d'Engleterre tant que de lors personnes et de ceuls où lors puissances et semonses et commandemens se pooient estendre, se commençoient jà à courir pluisseurs aventurers, brigans et pillars ens es lointainnes marces de France, ens es iieus où il sentoient les chevaliers foibles et non fait de la guerre, et prendoient lors villes et lors castiaus ; car il se quelloient ensemble une quantité de tels gens d'armes, alemans ou autres, qui sus l'ombre de la guerre faisoient lors fais et lors emprises et ne lors aloit nuls au devant, et voloient bien li auqun dire que il estoient porté couvertement et souffert des officyers dou roi et des chevaliers et esquiers dou pais où il conversoient et que chil estoient participant à lors butins et pillages : dont je vous di que depuis, toutes tels coses et apertises d'armes furent, parmi le roiaulme de France, escoles de toutes iniquités et mauvestés ; car trop fort se mouteplyèrent par le laisseur et amplèce que il orent de commencement, ensi que vous orés recorder avant en l'istore.
Il i eut un brigant pillart, et croi que il fu alemans, qui trop fort resgna en Limosin et en la Langue-d'Oc, lequel on nommoit Bacon. Chils avoit aultres brigans desous lui, et le tenoient à mestre et à capitainne pour tant que il estoit le piour de tous les aultres et li plus outrageus, et bien les paioit de mois en mois, et futrop malement
apers et soubtieus à embler et esquieler villes et forterèces, et cevauçoient, tels fois estoit, ils et ses compagnons, vint ou trente lieues de nuit par voies couvertes et venoient sus le point de un ajournement, là où il voloient estre, et esquielloient le lieu où il avoient jeté et asis leur visée, et quant il estoient dedens une ville, ils boutoient le feu en cinq ou sys maisons. Les gens de celi ville estoient esbahi et guerpisoient tout etsefuioient, et chil pillart rompoient cofres et escrins et prendoient ce que de bon il trouvoient dedens, et aussi des plus rices hommes à prisonniers, et les rançonnoient et vendoient les villes que prises avoient as hommes dou païs et à ceuls-meismes lesquels boutés hors il en avoient, et en prendoient grant argent, selonch ce que il se pooient composer ; et par tels cas asamblèrent chil pillart trop malement grant finance et prist chil Bacons la ville de Dousenach l en Limosin et le pilla toute, et encores le vendi-ils en deniers apparilliés, quant il s'en départi, sys mille esqus. Apriès, chils Bacons et ses gens prisent la ville et le chastiel de Comborne2 et le visconte et la contesse et lors enfans dedens et les rançonna à vingtquatre mille esqus et retint le chastiel et trouva cautelle et action de guerryer le païs pour tant que chils viscontes de Comborne s'estoit armés pour la contesse de Montfort, car chils Bacons estoit de la partie à la femme messire Carie de Blois. En la fin il vendi le chastiel au roi de France, et en ot en deniers tous apparilliés vingt-quatre mille esqus, mais on les fist payer le plat païs, et fist chils viscontes de Combourne sa paix au roi de France, et li rois volt avoir ce Bacon dalés li et fu wisiers3 d'armes
1 Petite ville à trois lieues de Tulle.
2 Château situé également dans le Limousin.
3 Wisiers, huissier.
dou roi et bien en la grâce dou roi Phelippe et dou roi Jehan , et tousjours bien montés de coursiers, de roncins et de haquenées, et avoit assés grant finance d'or et d'argent, et demora en bon estât tant que il vesqui.
