CHAPITRE CCLXIII

Comment un homme d'armes alemans, nommé Crokart, acquit grant finance et comment il fina.

Parellement et de ce temps ot en Bretagne un homme d'armes alemant que on clama Crokart, liquels avoit esté en son commencement uns variés au signeur d'Ercle en Hollandes, mais il se porta si bien ens es guerres de Bretagne par prises de villes et des chastiaus et des racas fais et de raençons de gentils hommes que quant il ot assés menet celle ruse et il fu tanés de guerryer et de mal faire, il i aporta la finance de soissante mille vies esqus, et fu chil Crokars uns de chiaus qui furent armé avoecques les Englois en la bataille des Trente, et fu tous li mieudres ' de son costé, et i acquist tel grâce que li rois Jehans de France li manda que se il voloit relenquir les Englois et devenir François, il le feroit chevalier et li donroit femme et mille esqus de revenue par an. Il refusa à ce. Chils Crokars vint en Hollandes en grant estât, et pour ce que il vei que li signeur qui le congnissoient , n'en faisoient point de compte, il retourna en Bretagne, en ce temps que li dus de Lancastre, Henris qui chi desus est nommés contes Derbi, seoit à siège devant la chité de Rennes. Li dus li fist grant chière et le retint de son hostel à douse chevaux,

1 Li mieudres, le meilleur.

et avint de Crokart ce que je vous en dirai. Une fois, il cevauçoit un coursier, liquels li avoit cousté trois cens esqus et l'avoit tout nouviel et le volt asayer pour veoir et sçavoir comment il s'en poroit aidier se il li besongnoit, et férit ce coursier des espérons, liquels estoit fors et rades et mal enbouquiés, et vint à sallir un fosset. Li coursiers tresbusca et rompi son mestre le col. Ensi fina Crokars.