CHAPITRE CCLXIV

Comment messires Joffrois de Chargni marceanda à Aimeri de Pavie pour avoir Calais, et comment li rois d'Engleterre en fut avisés et vint en propre personne à Calais.

Or retournons à la matère dont je parloie, quant je commençai à parler de Bacon et de Crokart. Vous devés sçavoir que en la ville de Saint-Omer se tenoit un moult vaillans chevalier françois, liquels se nommoit messires Joffrois de Chargni, et croi que il soit as armes Campagnois l . Cbils messires Joffrois estoit en coer trop grandement courouchiés de la prise et dou conques de la ville et dou cliastiel de Calais, que les Englois tenoient, et mettoit toutes ses ententes et imaginations au regarder comment il le peuist ravoir, et sentoit pour ce temps un chapitainne en Calais, qui n'estoit pas trop haus homs, ne de l'estraction d'Engleterre. Si se avisa messire Joffrois de Cbarni que il feroit asayer au dit chapitainne qui se nommoit messires Aimmeris de Pavie, se par argent prou-

1 Campagnois, de Champagne.

mètre et donner, il poroit marceander à lui par quoi il peuist avoir Calais, et se enclina en ceste pensée le plus pour tant que messires Aimmeris estoit Lombars et de nation estrange, car se il fust Englois ou Hainnuiers, il ne se fust jamais avanchiés de faire ce que il fist, et envoia secrètement tretier deviers cel messire Aimmeris par un Lombart demorant... l qui se disoit son cousin. Aimmeris entendi à ces trettiés et se dissimula trop fort, ensi que il apparu, car il fist entendant à ce Lombart parisyen que on nommoit Ambrosin, que il renderoit Calais as François pour vingt mille esqus, car il estoit tanés de servir le roi d'Engleterre et voloit retourner en son païs, et tout che que il disoit, estoit bourde, car jamais ne l'euist fait2, et bien le creoient de ses paroles Ambrosin et messires Joffrois ; et furent les coses si aprochiées que jours mis et asis que de rendre et livrer as François le chastiel de Calais, et par le chastiel on entreroit en la ville, et de ce se tenoient tout à ségur et à conforté messires Joffrois et ses consauls, et s'en vint li dis messires Joffrois de Charni à Paris et remonstra ce marchiet et ce trettiet as plus procains dou roi, li auqun le voloient croire et li aultre non, et disoient que ce estoit une bareterie3 couverte et que jamais pour vint mille esqus, on ne retourneroit à avoir Calais. Li aultre disoient, qui désiroient à veoir le marcbiet acompli, que se poroit bien faire. Messires Joffrois afermoit les coses si acertes que il en fu creus, et furent ordonné et délivré par le trésorier de France li vint mille esqus et furent envoyet et aporté en l'abéie de Saint-Bertin

1 Lacune.

2 Dans les anciennes éditions, Froissart accuse Aimeri de Pavie d'avoir formé le projet de livrer Calais aux Français.

3 Bareterie, tromperie, ruse. De là : Baretères, trompeur.

à Saint-Omer. Messires Joffrois de Chargni fist une semonse et pryère secrée de gens d'armes en Artois, en Boulenois et là environ, et ne sçavoient nuls encores pour où c'estoità aler. Entrues que messires Joffrois de Chargni entendoit de grant désir et volenté au procurer ses besongnes, messires Aimmeris de Pavie d'aultre costé, qui les voloit décevoir , monta en mer et vint en Engleterre et trouva le roi à Eltem et li remonstra toute la besongne, comment elle aloit et démenée elle estoit. Li rois entendi à ces paroles, qui fu moult esmervilliés de ce, et pensa sus un petit, et apella messire Gautier de Mauni qui pour ces jours estoit dalés li, et fist à messire Aimmeri de Pavie recorder toute la marceandise, comment elle aloit, et en demanda consel, quel cose en estoit bonne à faire. Messires Gantiers de Mauni en respondi son entente et dist : « Sire, li François abusent trop grandement, qui, en « bonnes trieuves jurées et données, marceandent de vous « trahir, et voellent avoir la ville et le chastiel qui tant « vous ont cousté : il ne fait point à souffrir. Vousm'avés « demandé consel et je vous consillerai. Vous envoierés à « Calais des bonnes gens d'armes assés et par raison, pour « résister à l'encontre des François, et dires à Aimmeri « que il procède avant en son marchié et bien se garcle « que de son lés il ni ait fraude, ne traïson, car vous vos « estes confiés enli et vous confyerés encores. » — « Gau- « tier, respondi li rois, vous dites bien, et je le ferai ensi « et vous institue à estre souverains de celle armée. Trayés- « vous viers Douvres et celle marce là, et je vous envoie- « rai gens assés. » Messires Gautiers de Mauni respondi au roi : « Sire, je le ferai volentiers. » Puis appella li rois Aimmeri de Pavie et li dist à part : « Je voel que tu « poursièves ton marchiet. Gautier de Mauni retournera

« avoecque toi, et de tout ce que il te conselle, uses apriès « son consel. » Il respondi et dist : « Volentiers. »

Adonc se départirent dou roi d'Engleterre messires Aimmeris ' et messires Gantiers de Mauni et vinrent à Douvres et là passèrent la mer et vinrent sus un tart2 à Calais. Depuis envoia li rois d'Engleterre gens d'armes et archiers d'Exsesses et de Sousexses et de la conté de Kent viers Douvres et viers Zandvich, et passèrent petit à petit la mer et se boutèrent couvertement à Calais et tant que la ville en fu bien pourveue, et droit sus le point dou darrain jour, de quoi à lendemain li marchiés devoit estre livrés à l'entente des François, li rois d'Engleterre en propre personne vint à Calais, non congneus de plenté de gens; de quoi messires Gautiers de Mauni fu moult esmervilliet quant il le vei. Nequedent il se rissent bonne chière, et dist li rois : « Gautier, je voel veoir et connoistre « quels gens vendront pour moi tolir Calais, que je ai « tant comparet. Je le voel aidier à deffendre et à garder; « mais je me meterai desous vostre pennon, ensi comme « uns de vostres chevaliers, ne je ne voel pas que toutes « mes gens sachent que je soie ichi venus maintenant « pour tele cose. » — « Sire, respondi messires Gautiers, « vous avés raison. Or en ordonnés à vostre ordenance, « car bien me plaist. »

1 On rencontre dans les Acta de Rymer (III, I, p. 132) une charte du 24 avril 1348, relative à Aimeri de Pavie : Rex, dilecto sibi Amerigho de Pavia, salutem. Sciatis quod constituimus vos capitaneum et ductorem galearum nostrarum et omnium albalistrariorum, marinariorum et aliorum in eisdem galeis existentium, dantes vobis plenam, tenore prsesentium, potestatem ad justitiam quibuscumque exhibendum, etc.

2 Sus un tart, un soir.

372 <:mtowwTF.s