CHAPITRE CCLXV
Comment messires Oudars de Renti entra ou chastiel de Calais et fut boutés en prison, et comment les Englois issirent pour approcher les François.
Moult des gens le roi d'Engleterre ne sçavoient pour quoi il estoient venu et furent bouté en cambres et en celiers ens ou chastiel, et clieuls liquel estoient en la ville, se tinrent tous quois en lors hostels, et leur fu dit : « Ne « vous bougies de cbi, tant que vous auerés aultres nou- « velles. » Tout se acordèrent à l'ordenance que on les volt mettre.
Ceste besongne estoit poursievoite moult aigrement et couvertement de messire Joffroi de Charni, et ne quidoit point fallir à ravoir Calais ; si fort se confioit-il ens es paroles et convenances de messire Aimmeri de Pavie, et avoit segnefyet à pluisseurs bons chevaliers et esquiers d'Artois, de Boulenois et de Piquardie, à tels que à messire Jehan de Landas, à messire Ustasse de Ribeumont, à messire Pépin de Were , au visconte des Queues, au chastelain de Biauvais, au signeur de Créqui, au signeur de Cresèques, au signeur de Brimeu, au signeur de Santi, au signeur de Fransures et à moult d' aultres, et quant il furent venu en l'abéie de Liques', il dist as capitainnes l'ordenance de la marceandise que il avoit à cel Aimmeri de Pavie. Li auqun supposoient assés que Aimmeris, pour tant que il estoit Lombars, prenderoit les deniers et renderoit le chastiel de Calais, et se il avoient le chastiel, il aueroient la ville ; et li aultre creoient mieuls le contraire
1 Abbaye de l'ordre de Prémontré, à deux lieues au sud d'Ardres.
que le fait, et doubtoient fort traïson, et chil qui estoient de celle opinion, se tenoient tousjours derière. Messires Joffrois de Charni, liquels avoit fait son amas de gens d'armes et d'arbalestriers , remist, sus un ajournement qui fu le nuit de l'an MCCCXLVIII, toutes ces gens d'armes ensamble et aproça Calais, et cevauchièrent de nuit et vinrent sus un ajournement assés priés de Calais, ensi que devisé se portoit, et envoia li dis messires Joffrois de Charni deus de ses variés devant, pour parler à messire Aimmeri et pour sçavoir le convenant de Calais. Li varlet trouvèrent à la porte dou chastiel (à celle qui oevre sus la mer), messire Aimmeri, et leur dist : «Oïl. Faites-les traire « avant. » Li varlet retournèrent et recordèrent toutes ces paroles à messire Joffroi qui de ce fu grandement resjoïs, et dist as chevaliers qui là estoient dalés li : « Calais est nostre. « Sievés-me tout le pas, car je m'en vais prendre la sai- « sine dou chastiel. » Il le fissent et estoient bien euls cinq cens en une brousse sans les arbalestriers qui venoient derrière. Adonc se ravisa messires Joffrois et dist à messire Oudart de Renti liquel estoit dalés li : « Oudart, pre- « nés les florins; portés-les. Vous ferés le paiement. Je « voel entrer en Calais par la porte toute ouverte. Je n'i « entrerai jà par le guichet, ne moi, ne ma banière. » Messires Oudars de Renti s'i acorda et prist les florins qui estoient en deus bourses et les fist encargier par ses variés, et vint deviers le chastiel et trouva le guichet de la porte ouvert, et messire Aimmeri à l'entrée, et entrèrent tout chil qui entrer vorrent adonc, et chil qui ordonné estoient de aler pour prendre la saisine dou chastiel. Sitos que il furent tout entré dedens , messires Aimmeris fist reclore et barer le guichet, de quoi messires Oudars de Renti li dist : « Pourquoi serrés-vous le guichet? il apertient que il Tu», h. 24
a soit ouvers. Si entreront nostres gens dedens. » Donc dist messires Aimmeris : « Il ni entreront meshui fors que « par la porte toute ouverte, et tantos le sera, mais que je « aie recheu les deniers que je doi avoir. Vous estes gens « assés. » Et puis dist par couverture : « Vous veés bien « que vous estes signeur dou chastiel. » Messires Oudars de Renti se paisa de ceste parole et sievi messire Aimmeri, et aussi fissent tout li aultre et trouvèrent le pont dou castel avalé et la porte ouverte. Il passèrent sus et oultre, et ne veirent pas samblant, ne oïrent homme, ne femme. Messires Aimmeris enmena messire Oudart de Renti en la chambre dou portier à l'entrée de la porte et li dist : « Metés ichi les deniers. » Messires Oudars de Renti le fist à sa requeste. Il furent mis sus une table et dist messires Aimmeris : « I sont-il tout? » — « Oïl, par ma foi, dist « messires Oudars. Messires Joffrois de Charni me les a « ensi fait prendre. » — « Je vous en croi bien, dist mes- « sires Aimmeris. Or vous tenés ichi un petit, je vai quérir « les clefs des portes de la ville , car je les fis hier soir « toutes aporter ichi dedens. » Messires Oudars de Renti lecrei bien de ceste parole. Messires Aimmeris entra dans une sale qui estoit toute plainne de gens d'armes. Si trètos que elle fu ouverte, tout à une fois il sallirent hors, et ausi chil de la grose tour, où li rois d'Engleterre estoit. En messire Oudart de Renti et en ses gens qui là estoient venu, n'ot point de deffense, car il furent pris as mains et tous boutés en tours et en prisons.
Je vous dirai que messires Aimmeris de Pavie avoit fait pour resjoïr les François. Il avoit bouté hors dou chastiel les banières dou roi de France, mais si trètos que ceste aventure fu avenue que pris chil qui estoient aie devant pour saisir le chastiel, il osta ces banières et mist cestes
dou roi d'Engleterre. Il estoit encores moult matin, environ solel levant. Quant li François qui estoient sus le sabelon devant Calais, veirent ce convenant, il congneurent tantos que il estoient trahi. Messires Joffrois de Charni, qui grant désir avoit d'entrer ens ou chastiel et liquels ustoit avoecques ses gens et desous sa banière, regarda viers une porte et la veit ouvrir et issir à brousse grant fuisson de gens d'armes et d'archiers et venant le bon pas sus euls, et dist à messire Ustasse de Ribaumont et à messire Jehan de Landas qui n'estoient pas trop lonch de li : « Signeur et compagnon, nous sommes trahi. Chil « faus Lombars m'a déceu, et je vous ai bouté en ce dan- « gier, ce poise moi, se amender le pooie, et puisque « combatre nous fault, monstrons que nous sommes gen3 « de volenté et de deffense. » — « Sire, respondirent-il « c'est bien nostre intention. » Lors se missent ces trois banières ensamble et requellièrent lors gens par bonne ordenance et apuignièrent les glaves et monstrèrent visage. Evous les Englois venus à soissante pennons, messire Gautier de Mauni tout devant , et le roi d'Engleterre desous celi, et savoient trop petit de gens de son costé que li rois fust là. Les Englois avoient retailliet lors lances jusques à cincq pies de lonc et s'en vinrent le bon pas et entrèrent en ces François et commenchièrent à pousser, et les François à euls, et là ot très-fort pousseis avant que il peuissent entrer l'un dedans l'aultre, et trop bien se tinrent en estât sans perdre, ne gaegnier terre, une longue espasse. Li François estoient là grant fuisson, et se tout euissent monstre courage et deffense, ensi que li troi chevalier desus nommet fissent, il euissent espoir mieuls besongniet que il ne fissent, car quant chil qui estoient derrière et qui traioient avant, entendirent que il estoient trahi et
s'arestoient et atendoient là l'un l'aultre et disoient, tels que messires Pépins de Were, messires Henri de Créqui et li sires de Reli : « Se nous en alons sans nostres chapi- « tainnes qui sont encores derrière et qui se combatent, « nous sommes deshonnouret à tous jours mes. » Et par la parole et monitions des bons et vaillans hommes s'en requellièrent plus de sept cens qui tout voloient tourner les dos. Or parlerons dou pousseis et de la bataille qui fu devant Calais.
