CHAPITRE CCLXVII

Comment li rois d'Engleterre donna le chapelet qu'il portoit sus son chief à messire Ustasse de Ribeumont.

Quant toute ceste besongne fu passée et les cachans retournés et tous rentrés dedens Calais, et les chevaliers prisonniers là menés et mis en la tour et en belles cambres avoecques messire Oudart de Renti et auquns aultres qui pris avoient esté en devant, ensi que vous savés, adonc s'espardirent les nouvelles en pluisseurs lieus aval la ville de Calais que li rois d'Engleterre avoit esté en celle be-

1 Relin, brume, brouillard.

songne. Li auqun le creoient et li aultre non, et en la fin tout le crurent Englois et François, car il le sceurent de vérité. Ensi que messires Joffrois de Çharni, messires Jehans de Landas, messires Ustasses de Ribeumont et li aultre estoient tout ensamble en une cambre et se devisoient et parloient comment chil fauls chevaliers lombars, messires Aimmeris de Pavie les avoit trahis et déceus faussement et cou vertement, evous venu messire Gautier de Mauni en la cambre, lui quatrime tant seullement, et se aquointa de paroles à ces chevaliers moult sagement et leur dist : « Biau signeur , faites bonnes chière. Li rois « d'Engleterre, nostres sires, vous veult avoir à nuit à « souper. » Chil chevalier francois furent tout esmervilliet de ceste parole et regardèrent l'un l'aultre, car il ne quidoient pas que li rois d'Engleterre fust à Calais. Messires Gautiers de Mauni s'en perchut bien que il s'en esmervilloient. Si leur dist de rechief : « Il est ensi. Vous « le verres ce soir seoir au souper et vous fera à tous « bonne chière, car je li ai oy dire ensi, quoique vous li « avés volut embler Calais que il aimme tant. » — Donc respondirent-il : « Dieus i ait part, et nous le verons « volentiers. » Lors prist congiet li dis messires Gautiers de Mauni à euls et se départi , et il demorèrent, ensi que chil qui en furent tous resjoï, car il en espérèrent grandement mieuls à valoir.

Quant li heure dou souper fu venue, et que tout fu apparilliet et les tables couvertes, li rois d'Engleterre envoia quérir messire Gautier de Mauni ces chevaliers francois prisonniers, liquels bien acompagniés les vint quérir là où il estoient et les enmena avoecques lui, et trouvèrent le roi qui les atendoit et fuisson de chevaliers d'Engleterre dalés lui. Quant il le veirent enmi la sale devant le dre-

çoir et grant fuisson de torches et de tortis tout autour de li, il l'aprochièrent et l'enclinèrent bien bas. Il les fist tous lever sus pies l'un apriès l'aultre et leur dist : « Bien ve- « nant. » Et tantos chevaliers aportèrent l'aiguë et lava li rois et puis esquiers d'offisce , et donnèrent à laver. Si s'asist li rois et fist seoir dou costé li et à sa table tous les chevaliers prisonniers. Si furent servi bien et à paix et à grant loisir. Quant on ot soupe, on leva les tables, et demora li rois en la salle entre ces chevaliers françois et englois, et estoit à nu chief et portoit un capelet de fins perles sus ses cheveus qui estoient plus noirs que meure, et commença li rois à aler de l'un à l'aultre et entra en paroles joieuses, tant à ses gens comme as François, et s'adreça sus messire Joffroi de Charni,et là, en parlant à lui, il cangea un petit contenance, car il regarda sus cest et dist : « Messire Joffroi, messire Joffroi, je vous doi, par « vostre déserte, petit amer, quant vous voliés par nuit « embler ce que j'ai si comparet et qui m'a coustet tant de « deniers. Si sui moult lies, quant je vous ai pris à l'es- « prueve. Vous en voliés avoir millour marchiet que je « n'aie eu , quant vous le quidiés avoir pour vingt mille « escus ; mais Dieus m'a aidié que vous avés falli à vostre « entente. Encores m'aidera-il se il li plaist, je i ai bien « fiance, maugré en aient tout mi ennemi. » Messires Joffrois fu tous honteus et ne respondi mot, et li rois passa oultre et s'en vint devant messire Ustasse de Ribeumont et li dist tout joïeusement : « Messire Ustasse, vous estes « li chevaliers del monde où en armes je me sui jusques « à chi le plus esbatus de l'espée, et je vous ai veu moult « volentiers, et vous tieng pour la journée pour le mieuls « asallant et requérant ses ennemis, et de la bataille je « vous en donne le pris, et aussi font tout li chevalier de

« ma court par droite sieute. » Adonc prist li rois le chapelet lequel il portoit sus son cliief, qui estoit bons et riches, et le mist et asist sus le chief à messire Ustasse et li dist ensi : « Messire Ustasse, je vous donne ce capelet pour le « mieuls combatant de toute la journée de ceuls de de- « dens et de ceuls de dehors, et vous pri que vous le por- « tés ceste année pour l'amour de mi. Je sçai bien que « vous estes gais et amoureus et que volentiers vous vos « trouvés entre dames et damoiselles. Si dittes partout où « vous venés que je le vous ai donné, et parmi tant je « vous quite vostre prison. Vous estes mon prisonnier et « vous poés partir demain, se vous volés. »

Li chevaliers fu tous resjoïs de ces deus dons, le premier de l'honnour que li rois d'Engleterre li faisoit de donner si rice jeuiel que le chapelet que il portoit sus son chief, et l'aultre don de ce que il li quitoit sa prison. Si se volt engenoullier devant le roi, mais li rois ne le volt souffrir, et le remerchia grandement li dis messire Ustasse et dist : « Très-chiers sires et nobles rois, je ferai tout ce « dont vous me cargiés. » Adonc fu là aporté vins et espisces, et en prist li rois et li chevalier, et puis casquns ala en son retret et passèrent la nuit. Quant ce vint à l'endemain, par le congiet dou roi, messires Ustasse de Eibeumont se départi de Calais quites et délivres et à son honnour, ensi que vous savés, et prist congiet à ses compagnons et s'en retourna en France deviers le roi Phelippe et le duch de Normendie qui moult l'amoit, et leur recorda son aventure, et toute celle année il porta ce capelet de perles sus son chief, de quoi il furent grandes nouvelles en France et en aultres païs ; et li rois d'Engleterre se départi de Calais, mais à son département il institua messire Jehan de Biaucamp à estre capitainne et gardyen de Calais, et

en osta messire Aimmeri de Pavie et li donna terre ailleurs en la chastelerie de Calais (une forte maison que on dist Fretun)1, et puis entra en mer avoecques ses gens et emmena avoecques lui en Engleterre ses prisonniers, et vinrent à Londres et trouvèrent là le conte de Ghines, le conte de Tanquarville, messire Carie de Blois et des aultres barons et chevaliers de France qui avoient esté pris en Bretagne et en Gascongne et ailleurs, ensi que les armes amennent. Si se conjoïrent et festyèrent l'un l'aultre, ne onques ne furent mis en prison serrée, mais recreu sus lors fois courtoisement et pooient par tout Londres aler, jouer et esbatre. Et messires Caries de Blois, li contes de Ghines et li contes de Tanquarville aloient voler des faucons et des saucres2 au dehors de Londres et esbatre sus le païs, quant il voloient et pooient demorer quatre jours hors et au chienquime retourner à Londres, et quant il s'estoient remonstré un jour, ils se pooient partir à lendemain et retourner arrière en lors esbas.