CHAPITRE CCLXVIII

Comment la roine de France morut et comment se remaria li rois de France et aussi li dus de Normendie.

En celle propre année trespassa de ce siècle la roine de France, femme au roi Phelippe et soer germainne au duch Oede de Bourgongne. Aussi fist madame Bonne, ducoise de Normendie, qui fille avoit esté au gentil roi de Behagne. Si furent li pères et li fils veufs de lours deus

1 Fretun ou Frethun, à 1 kilomètres S. de Calais. 1 Saucres, oiseau de proie.

femmes. Assés tos apriès se remaria li rois Phelippes de France à madame Blance, fille au roi de Navarre, et aussi se remaria li dus de Normendie à la contesse d'Artois et de Boulongne qui veuve estoit et avoit esté femme à messire Phelippe de Bourgongne , fil au duch Oede de Bourgongne , et estoit chils messires Phelippes mors devant Aguillon, ensi que chi desus il est contenu en nostre histore, et estoit demorés de li uns fils qui se nomma Phelippes et morut jones' ; mes il fu avant mariés à la fille le conte de Flandres, douquel conte je parlerai assés tos pour tant que il fiança et jura en l'abéie de Berghes en Flandres que il espouseroit madame Isabiel qui fille estoit au roi d'Engleterre, et point ne procéda avant ou mariage; et estoit ceste contesse d'Artois et de Boulongne, cousine germainne au duch Jehan de Normendie et commère deus fois ; mais de toutes ces proïsmetés dispensa li papes Clémens qui régnoit pour ce temps.