CHAPITRE CCLXIX
Comment li contes de Flandres espousa la fille au duch de Braibant.
Vous avés bien chi-desus oï conter comment Lois, li jones contes de Flandres, fiança, ensi que je disoie maintenant, la fille au roi d'Engleterre et comment maliscieusement et par grant avis , il se départi de Flandres et vint en France et se tint dalés le roi Phelippe et madame sa mère. De toutes ces coses fu enfourmés li dus Jehans de Braibant. Si n'en estoit pas courouchiés, mais resjoïs ensi que chils qui avoit sa fille à marier, mes bien veoit que à
1 Philippe, dit de Rouvre, né en 1345, mort en 1361.
ce mariage par nul moyen il ne pooit venir , fors par le roi de France. Si envoia li dis dus grans messages à Paris deviers le roi en li priant que il vosist consentir que li jones contes de Flandres espousast sa fille et il demorroit dalés lui et bons François à tous jours mes, et feroit tant par force ou par amours que la conté de Flandres seroit en l'obéisance de li et aideroit à recouvrer la ville de Calais et mist moult de belles proumesses et de grandes pour atraire avant à ses volentés le roi Phelippe. Quant li rois de France se vei pryés et si acertes dou duch de Braibant, et que si il s'bumelioit enviers lui, si se laissa à dire et crei son consel, et li fu dit que li dus de Braibant e.-toit uns grans sires et de grans pourcas et que moult il pooit brisier le fait des Alemans par li et par son païs et moult grever les Flamens. Si se acorda à ce mariage, et fu li jones contes envoyés à Arras et là fu amenée la fille de Braibant, et là ot grans parlemens et trettiés secrès entre le duch de Braibant et le jone conte de Flandres et son consel , et trop grandement en ce mariage i fu bien gardés li contes de Flandres ; car on fist escrire et séeler au duch de Braibant pour tant que on le veoit chaut et désirant à procéder en ce mariage que, se il moroit, la ville de Malignes et la ville d'Anviers et toutes les apendances et signouries par icelles à elles1 retourneroient à tous jours mes au conte et as contes de Flandres, et séela li dus et se obligea si fort par serement mis et juré en la main dou roi de France et de ses commis et sous tabelionnages publiques, que les convenances souiïïrent bien au conte de Flandres et à son consel, et parmi tant li mariages se passa, et espousèrent en la chité d' Arras et furent dispensé tout li article que li
1 La phrase paraît incomplète.
contes de Flandres avoit eu et les convenances au roi d'Engleterre. Encores fu-on tous resjoï de ce que il l'avoit déceu et que par malisce il lor estoit escapés , et dissent li papes et les cardinaus que bons sens naturels li avoit tout ce fait faire. Et quant la congnissance en vint au roi d'Engleterre que li dus de Braibant, qui ses cousins germains estoit, avoit mariet sa fille au jone conte de Flandres par le moien dou roi Pbelippe et des François, et devoit avoir grans aliances dou dit duc, parmi ce mariage faisant, as François, si se contenta moult mal dou duch et dist que jamais il n'aueroit parfaite fiance en li et porta son anoi au plus biel que il pot et dist bien que Lois de Maie seroit encores uns baretères.
CHAPITEE CCLXX.
Comment li rois d'Engleterre se mist sur mer pour combattre les Espagnols.
En ce temps avoit grant ranqune entre le roi d'Engleterre et les Espagnols pour auqunes malles façons et pillages que les dis Espagnols avoient fait sus mer as Englois. Et avint que dedens cel an li Espagnol qui estaient venu en Flandres en lor marceandisses, furent enfourmé que nullement il ne pooient retourner arrière que par le dangier des Englois et que on lor avoit clos la mer par samblant. Li Espagnol n'en fissent nul compte et parlèrent ensamble à Bruges et aillours là où il se trouvèrent, et se requellièrent et atendirent l'un l'aultre et se pourveirent moult grandement de tout che qui nécessaire estoit pour li deffendre de chanons de barriaus de fier
aguissiés, d'arcs arbalestres et d'arbalestriers et engagièrent plus de chincq cens Flamens, François et Hollandois. Tout estoient retenu as saudées gens qui lor venoient. Quant li rois d'Engleterre qui avoit ses espies en Flandres sceut que poins fu et que li Espagnol dévoient repasser et retourner en lor païs , ils se mist sus mer à moult belle gent d'armes, chevaliers et esquiers, et moult ot de grans signeurs en sa compagnie. En celle année avoit-il fait et créé son cousin le conte Derbi, ducb de Lancastre, et le baron de Stanfort, conte de Stanfort. Et estoient là en celle armée avoecquesli, si doi fil, li princes de Galles et Jelians, contes de Ricemont, mais chils estoit encores moult jones et l' avoit li princes amené avoecques li pour monstrer les armes, car moult l'amoit. Là estoient li contes, d'Arondiel , li contes de Herfort, li contes de Norbantonne, li contes de Sasleberi, li contes de Suffort, li contes de Warvicb, messires Renauls de Gobebem, messires Gautiers de Mauni, messires Eobers de Namur, bien acompagniés de chevaliers et d'esquiers de son païs, li sires de Basset, messires Thomas de Hollandes, messires Guis de Briane, li sires de Manne et pluisseurs aultres que je ne puis pas tous nommer. Et se tinrent lirois et lors gens en lor vassiaus tous croissiés sus la mer , atendans les Espagnols.
