CHAPITRE CCLXXI
Comment li Englois se assamblèrent as Espagnols.
Quant li Espagnol orent fait lor empleite et lor marchandise, et il orent cargiet lors vassiaus de draps et de toilles, et de tout ce que bon et pourfitable lor sambloit
pour retourner en lor pais, et bien supposoient que il seroient rencontré des Englois, mais de tout ce il ne faisoient point grant compte puisque il estoient pourveu d'artelerie et de chanons. Et vous di que Espagnols se confient grandement en lors vassiaus, lesquels il ont grans et fors trop plus que les Englois n'aient, et tout s'asamblèrent devant l'Escluse. Quant il veirent que temps fu de départir et que tout par ordenance il entendirent à entrer en lors vassiaus, il se désancrèrent et se départirent tout de une ilote et estoient belle compagnie , bien soissante gros vassiaus, et prissent le parfont et lesbendes d'Engleterre, et dient li auqun que il s'en fuissent bien aie se il vosissent et que jà il n'euissent eu nul rencontre des Englois ; mais orgoels les sourmonta et outrequidance, et quidièrent bien desconfire le roi d'Engleterre et ruer jus les Englois et disoient que il estoient fort asséspour tout cela faire. Toutes fois, il donnèrent au roi d'Engleterre et à ses gens otant à faire par hardiement asambler et combatre que onques aultres gens li donnassent painne, ensi que je vous recorderai assés briefment.
Li rois d'Engleterre qui estoit sus mer à tout sa navie, avoit jà ordonné toutes ses besongnes et devise comment on se combateroit et avoit messire Robert de Namur fait mestre et gouverneur de une nef quç on appelloit la Sale dou Eoi, là où tous li liostels dou roi estoit. Et se tenoit li rois d'Engleterre ou chief de sa nef, vestis d'un noir jaque de veluiel, et portoit sus son chief un noir chapelet de bèveres' qui bien li seoit, et estoit adonch, seloncbceque dit me fu par ceuls qui avoecques lui estoient, ausi joieus que onques on l'avoit veu, et fist ses ménestrels courner
1 Bèveres, bièvre, castor.
devant li une danse d'Alemagne que messires Jehans Candos qui là estoit présens, avoit nouvellement raporté, et encores par esbatement il faisoit le dit chevalier chanter avoecques ses menestrès et prendoit en ce grant plaisance. Et à la fois regardoit en hault, car il avoit mis une guette ou chastiel de sa nef pour anonchier quant li Espagnol venroient. Ensi que li rois estoit en ce déduit et que tout si chevalier estoient moult lies de ce que il le veoient si joieus, la guaitte qui perchut la navie des Espagnols venir fillant aval vent, dist : « Ho ! je vois une nef « venant et croi que elle soit d'Espagne. » Lors cessèrent li ménestrel et fu à la ditte guaitte assés tos apriès demandé se il en veoit plus: « Oïl, respondi-il, j'en voi deus et puis « trois et puis quatre, » et puis dist : « Je voi la flote et « aprocent durement. » Donc sonnèrent trompètes ens es vassiaus, et claronchiaus. Grant plaisance estoit à l'oïr, et lors se requellirent toutes nefs dou costé le roi d'Engleterre et se missent en ordenance, ensi comme il dévoient aler, et estoit li contes de Warvich amirauls de la mer, de par les Englois, et jà estoit tart quant li Espagnol aprochièrent. Et fist li rois aporter le vin et but et tout si chevalier qui en son vassiel estoient, et puis mist li rois le bachinet en la teste, et aussi fissent tout li aultre. Tantos aprochièrent li Espagnol qui bien sien fuissent aie sans combatre, se il vosissent, car selonc che que il estoient bien frété et en grans vassiaus et avoient le vent pour euls, il n'euissent jà parlé as Englois, se il vosissent; mais orgoels et oultrequidance les fist traire avant, et par samblant de grant volenté commenchier la bataille et par bonne ordenance.
DE FROÏSSART. 389
