CHAPITRE CCLXXII

Comment li rois fut en grant péril et comment il conquist une grosse nef espagnole.

Quant li rois d'Engleterre qui estoit en sa nef, en vei la manière, si fist adrechier son vassiel contre une nef espa-* gnole qui venoit tout droit viers li et dist à celi qui gouvernoit sa nef. « Adrèce-nous à celi qui vient, car je voel « jouster à lui. » Et cliils le fist. Si s'en encontrèrent de grant randon les deus nefs, car elles estoient grandes et fortes et bien esquellies, et fu mervelles que elles ne se esquartelèrent dou cop que elles se donnèrent. Li mas de la nef dou roi à tout le chastiel consievi le chastiel de la nef espagnole (au dedens il avoit douse hommes). Li chastiaus fu rompus et les hommes volés en la mer et noyés, et la nef dou roi fu craquiée et faisoit aiguë tant que li chevalier dou roi s'en perchurent, mais point ne le dissent encores au roi et s'ensonnyèrent les auquns à le widier. Donc regarda, li rois la nef contre qui il avoit jousté et li plaisi grandement et dist : « Acroquons-nous à celle nef « et entrons dedens ; elle est plus forte que la nostre. » Donc respondirent si chevalier : « Sire, laissiés-la aler, « vous en auerés une millour. » Ceste nef espagnole passa oultre ; une aultre vint, qui estoit grosse et belle et bien garnie. Si acroquièrent li chevalier lor nef à ceste à cros et à chainnes de fier. Lors se commença bataille forte et fière durement et archiers à traire as Espagnols, et Espagnols au traire et lanchier de grande volenté et non pas tant seullement en un lieu, mais en vingt ou en trente, et se acroquoient les nefs unes as aultres pour euls mieuls

toit. if. 25

combatre, et vous di que les Englois ne i avoient pas d'avantage ; car Espagnols jettoient pierres de faix et grans barriaus de fier dont il estoient bien pourveu, car lors nefs estoient hautes ; si avoient grant avantage à euls bien deffendre, tant que elle pot durer, mais finablement elle fu conquise, et tout mis àbort chil qui dedens estoient, et entrèrent dedens li rois et si chevalier, et les variés entendirent à widier lors coses de la nef craquiée et remetre en ce fort vassiel, et quant elle fu toute widié, il le descroquièrent et le laissièrent aler à l'aventure. Je croi bien que elle se esfondra quelque part, car elle traioit moult fort aiguë et riens n'en savoitli rois. Seli dissent si chevalier, et le péril où il avoit esté, puis entendirent à aler avant et à combatre lors ennemis les Espagnols qui se combatoient durement bien et ne faisoient nul compte des Englois à che que il monstroient, et avoient arbalestriers qui traioient quariaus de forts arbalestres et ce travilloit moult les Englois.