CHAPITRE CCLXXIV
Comment li rois eut la journée pour lui et retourna dalés la roine.
D'autre part , se combatoient li baron et li chevalier d'Engleterre, casquns en sonvassiel et ordonnanche, ensi que à faire apertenoit, et bien convenoit que il fuissent
fort et de grant emprise, car il trouvèrent dure gent et qui petit les prisoient. Toutes fois quant il les orent assayés et veirent et congneurent que tant de vaillans hommes i avoit, il se combatoient en passant ensi comme l'escounV vole et ne retournoient point puis que il avoient fait lor emprise. Messires Robers de Namur estoit mestres de la Salle dou Roi, et avintque deus grosses nefs espagnoles le vinrent environner et le commencliièrent à asallir et l'acroquièrent de fait et de force , et l'emmenoient et euissent menet sans dangier, quant chil qui dedens estoient commencliièrent à cryer en hault : « Rescoués , rescoués « la Sale dou Roi ! » La vois fu oïe et vinrent li sires de Biaumont en Engleterre et li sires de Basset à le rescouse. Encores i ot fait une grande apertise d'armes de uns des variés audit messire Robert, car quant il vei que lor nef estoit acroquié et queli aultre nef l'emmenoit aval, l'espée toute nue en sa main , il salli de sa nef en la nef espagnole et vint coper les mestres cordes qui gouvernoient le single 2, par quoi il chei aval et ne pot la nef aler plus avant, et par ensi vinrent li desus nommé chevalier et lors gens à la rescouse, et furent ces deus nefs espagnolles assallies de grant manière et conquises et tout mis à bort chil qui dedens estoient. Moult de apertisses d'armes se fissent ou pluisseurs lieus, lesquels ne vinrent pas tous à congnisance. Che soir furent les envaïes et batailles fortes des Espagnols as Englois sus la mer, et eni ot grant fuisson de mors et de bleciés de une part et d'aultre et plus assés des Espagnols que des Englois, ensi comme il fu apparans, car ili laissièrent quatorse nefs et les hommes et
1 Escoujle, milan, oiseau de proie.
2 Single, voile.
l'avoir qui dedens estoient. Et quant il veirent que les Espagnols estoient tous passés (car que bien vous sachiés, tous n'asamblèrent pas), il tournèrent les singles viers Engleterre et vinrent prendre terre en Exsesses. La roined'Engleterreestoit logiée en une abbéie en Exsesses et avoit ses variés devant envoyés pour oïr nouvelles de son signeur le roi et de ses enfans et sçavoit bien que à celle heure-là il se combatoient. Si estoit en orissons à Dieu que il lor vosist donner et envoyer victore. Nouvelles li vinrent que li rois et si doi fil, li princes et li contes de Richemont, venoient et que la besongne avoit esté pour euls, si en fu grandement resjoïe et fist tantos alumer fallos et torces et widier gens à force pour aler contre son signour et ses enfans et les aultres qui venoient, qui mieuls mieuls, car là où il estoient arivet, il n'i a ne port, ne havène acoustumé d'arimer fors à l'aventure. Quant li rois vint en l'abéie où la roine estoit, il pooient estre bien deus heures en la nuit : si seconjoïrent grandement, ce fu raisons. Le plus des signours et des hommes demorèrent en lor navie toute la nuit et se aisièrent de che que il orent ; mais li rois fu dalés la roine. Et à lendemain si ménestrel furent revesti, par cause denouvelleté, décotes de draps de Valenchiennes que li Espagnol en remenoient en lor païs, flaiolet de Chhnai, Jehan et Perrin de Savoie1. Quant ce vint à l'endemain, tout li baron et li chevalier qui à la besongne avoient esté, vinrent de viers le roi en l'abbéie. Si les requellièrent liement et doucement li rois et la roine et les remercièrent dou bon service que fait avoient, et puis prissent congiet, et retourna casquns en son lieu, et li rois et la roine se départirent et vinrent à Londres.
1 C'est ainsi qu'on appelait certaines espèces de draps.
