CHAPITRE CCLXXV
Comment messires Aimmeris de Pavie fu pris et décolé.
Vous avés bien ichi desus oy recorder comment Aimmeris de Pavie, uns Lombars, deubtvendre et livrer asFrançois le chastiel et la forte ville de Calais et comment il en chei à ceuls qui là alèrent et qui la marceandise avoient pourcachiet. Messires Joffrois de Charni, pour ce temps, se tenoit à Saint-Omer et entendi que cbils Lombars desus nommés estoit amasés en une petite belle maison non pas trop forte dalés Calais, que li rois d'Engleterre li avoit donnet, laquelle maison on nommoit Fretun,et se donnoit là dou bon temps et avoit en partie moult de ses déduis, car il avoit une très-belle damoiselle, femme englesce, en sa compagnie et ne quidoit pas que jamais il deuist oïr nouvelles des François, mais si fist, car messires Joffrois de Charni ne pooit oublyer la traïson que chils Aimmeris de Pavie li avoit fait. Quant il senti que il estoit là arestés, il fist secrètement un mandement des chevaliers et esquiers de là environ et prist tous les arbalestriers de Saint-Omer, et se partirent de nuit et cevauchièrent tant que droit sus le point dou jour il vinrent à Fretun et l'environnèrent. Quant ce vint au cler jour, chil qui le chastiel gardoient, veirent gens d'armes et arbalestriers tous apparilliés environ euls pour asalir. Si furent tout esbahi et le nonchièrent tantos à lor mestre en disant : « Sire, avisés-vous. « Vechi les François qui vous sont venu à ce matin veoir « et sont plus de cinq cens, et est messires Joffrois de • Charni, ce nous est avis, chief de ceste assamblée, car
« nous avons veu sa banière de geulles à trois esquçons « d'argent. » Quant messires Aimmeris de Pavie oï parler de messire Joffroi et des François, se li revinrent toutes angousses au-devant et li ala souvenir dou vendage que fait avoit dou chastiel de Calais et le avoit décheus. Si ne sceut que dire et se leva tantos, car à celle heure, il estoit encores en son lit dalés son amie qui si belle estoit que à mervelles, et dist en li levant : « Marguerite, je croi bien « que nostre compagnie se desfera, car je n'ai pas chastiel « pour moi tenir tant que je fuisse confortés. » La damoiselle à ces mos commença moult tendrement à plorer ; li chevaliers se leva et vesti et arma et fist armer ses variés et tout compté iln'estoient que euls douse. Lor deffense ne dura point longuement, car il i avoit bien là cent arbalestriers et cinq cens hommes. Tantos li maison de Fretun fu prise , et messires Aimmeris de Pavie dedens, et la damoiselle aussi, et tout amenèrent à Saint-Omer, et là fu décolés li dis Lombars et mis en quatre quartiers as portes, et les auquns des variés audit Aimmeri furent pendut, etli aultre non. La damoiselle n'ot garde : li signeur en orent pité ; aussi elle n'estoit en riens coupable de ce fait et la rouva1 uns esquiers de là environ, lequel on nommoit Eobert de Frelant : on li donna, et demora depuis avoecquesli, tant que elle vesqui.
1 Rouva, demanda.
