CHAPITRE CXLIV
Comment li bourgeois de Rennes se rendirent à messire Carie de Blois.
Messires Caries de Blois et li signeur de France desus nommet tinrent le siège assés longuement devant la cliité de Rennes, et i livrèrent pluisseurs assaus, tant que li bourgeois de Rennes se tenoient à moult cargiet dou dommage et euissent volentiers entendu à auquns trettiés deviers messire Carie, se le peuissent oser, mais il doubtoient lor chapitainne et les saudoyers, et disoient entre euls : «Nous « sommes plus que fol, qui nous faisons guerryer et des- « truire pour la contesse de Montfort et tenons sa opinion « à bonne. Si en perdons nos biens as camps et nos hire- « tages et en sommes tous les jours en aventure d'estre « mort par les assaus et escarmuces que chil de l'oost nous « font, et ne nous est apparans nuls conforsde nul costé, « car celle contesse à la longue ne puet durer contre la « puissance de France. » Tant parlèrent et murmurèrent secrètement entre euls chil de Rennes que de un commun acord une nuit il prissent lor chapitainne messire Guillaume de Quadudal et l'emprisonnèrent en une tour et des
1 Brehat, au nord-ouest de Saint-Brieuc .
saudoyers auquns , liquel estoient à lor avis li plus poissant , par quoi il fuissent mieuls au-desus de lor emprise , et puis il tretyèrent deviers messire Carie de Blois et les François et se rendirent par condition telle que ceuls que il avoient pris, il les délivreroient quites et délivres et les lairoient alereuls et le lour deviers la contesse de Montfort, se aler i voloient, et euls aussi et le lour demoroient en ségur estât, et il devenoient bons François et recongnoissoient messire Carie de Blois à lor signeur et à duc de Bretagne. On entendi volentiers à lors trettiés, et lor furent acordé, juré et tenu tout ensi comme il le vodrent avoir ', et se partirent messires Guillaumes de Quadudal et tout li compagnon que la contesse i avoit envoyet (car jamais ne se fuissent tourné François), de la chité de Rennes, et cargièrent toutes lors coses,sans riens laissier derrière, et s'en alèrent à Hainbon deviers la contesse, qui moult fu courouchié de ces nouvelles et ot pluisseurs imaginations pour tant que elle n'ooit nulles nouvelles de messire Amauri de Cliçon , et faisoit doubte que il ne pooit esploitier pour tant que son mari estoit tenus des François et ne savoit se il estoit mors ou vifs.
