CHAPITRE CXLV
Comment messires Caries de Blois aségia Hainbon, là où la contesse de Montfort estoit, et comment elle bouta le feu au logeis des François et puis se bouta au chastiel de Brest.
Ensi eurent messires Caries de Blois et li François la chité de Rennes et entrèrent dedens à grant joie, et rechu-
1 Ceci se passait au mois de mars 1342.
rent li bourgeois ledit messire Carie à duch et à signeur et le menèrent à leglise, et là jura solempnelment sus Saintes Évangilles que il les tenroit as us et as coustumes brettes ', et tout devinrent si homme. Si se rafresquirent quatre jours en la chité des biens qui lor vinrent de sus le païs et que il i trouvèrent, et orent là li signeur consel ensamble où il se trairoient ou devant Vennes ou devant Hainbon là où la contesse de Montfort estoit. Consilliet fu que il iroient devant Hainbon et encloroient la contesse là dedens, et, se il le pooient conquérir, lor guerre seroit finée.
Si se départirent un jour de Rennes en grant conroi, et s'en vinrent à Hainbon et l'aségièrent par terre et environnèrent si avant que il porent, car au lés deviers la mer il ne pooient bastir nul siège.
La contesse estoit bien pourveue de ses amis, de chevaliers et d'esquiers et de bonnes gens d'armes, lesquels elle tenoit à ses gages à Hainbon à ville et chastiel. La contesse se tenoit ou chastiel, et ses gens en la ville. Avoecques la contesse de Montfort, quant li François vinrent là, estoient messires Ives de Tigeri 2, li sires de Landerniaus, li chastellains de Ghingant, li doi frère de Quirich 3, messire Hervis de Pennefort et messires Oliviers , son frère , et li évesques de Lion en Bretagne, dou quel messires Hervis de Lion, qui se tenoit avoecques messire Carie de Blois, estoit oncles. Entrues que li François se logeoient, li Genevois et li Espagnols, desquels messires Lois d'Espagne, marescal de l'oost messire Carie, estoit chapitainne, voires avoecques lui messires Othes Dorie, alèrent escarmuchier asbar-
1 Brettes, bretonnes.
* Tigeri [Tigri, dans les éditions de Froissart), Tresegnidi.
• Quirich, Kerriec.
rières , et là vinrent chil de la garnison, qui vaillamment s'i portèrent, et dura li escarmuce jusques au soir que tout se retraïssent as lors logeis.
A l'endemain, de rechief on vint as bailles lancier et escarmuchier, et en i ot biaucop de bléciés de une part et d'aultre, et entrues que li escarmuce estoit, on assalloit as murs priesque de toutes pars, et chil de la ville se deffendoient vaillamment.
La contesse de Montfort , qui avoit coer d'omme et de lion, estoit armée et montée sus un coursier et amonestoit ses hommes de bien faire , et cevauçoit de rue en rue et faisoit par les femmes et les enfans deffaire les cauchies et porter la pierre et les callious sus les murs et servir ceuls qui se deffendoient. Encores s'avisa celle contesse de une très-grande emprise que on li doit bien tourner à vaillance, car elle fist environ de cens hommes des siens monter as cevaus et puis fist ouvrir une porte où nuls n'asall oit, et se partirent, elle et ses gens, et s'en vinrent par derrière bouter et fraper ens es logeis des François qui n'estoient pour l'eure gardé que de variés et garçons, car tout homme d'armes entendoient à l'assaut, ou ils le regardoient.
Quant la contesse fu là venue, elle fist bouter le feu en plus de trente lieus. Li feus et la fumière s'eslevèrent là voire et li cris commenchièrent à lever. Chil qui assalloient, laissièrent tout quoi ester les assaus et s'esmervilloient que ce pooit estre, et perdirent li signeur par celle emprise et ce feu grant fuisson de lors chevaus et de lors pourvéances.
Messires Lo'ïs d'Espagne, marescaus de l'oost, fu onques li uns des premiers qui retournèrent sus les logeis, et entendi que la contesse de Montfort avoit fait celle emprise. Il ne fu pas si courouciés dou damage que il fu resjoïs de
ce que la contesse estoit hors de la garnison et cria en hault : « Or tos as chevaus ! Celle femme et sa route soient « poursievis ! Jamais ne rentreront en Hainbon, ne en « forterèce qui soit en Bretagne : il sont nostre. Aultre- « ment ne poons-nous avoir fin de guerre. » Lors veissiés toutes gens haster et monter sus chevaus et euls asambler dalés le marescal qui faisoit sonner ses trompètes à grant effort pour requillier ses gens , et prendoient le pas de la ville pour enclore la contesse au dehors, ensi que il fissent. La contesse perchut bien que point ne poroient rentrer en Hainbon. Si prist les camps et dist à ses gens : « Chevau- « çons viers Brest. La garnison est pour nous. Là serons- « nous receu. » Il fissent ensi que elle ordonna et prisent le cemin de Brest, et estoient jà moult eslongiet avant que on s'en percevist en l'oost ; car messire Lois d'Espagne et li François avoient clos les pas et les rentrées en Hainbon à la fin que il fuissent au-desus de la contesse et de ses gens. On vint dire et nonchier à messire Lois : « Sire, « vous arestés ichi pour noient; la contesse et ses gens « s'en vont viers Brest. » Quant messires Lois d'Espagne oï ces nouvelles, si dist : «Apriès! apriès! » Lors veissiés toutes gens desrouter et férir à l'esperon apriès la contesse. Ce jour furent li François bien ensonnyet , car li auqun entendoient au cachier, et li aultre à estaindre le feu qui se mouteplioit eus es logeis, qui lor fist grant damage de lors chevaus, de lors harnas et de lors pourvéances. Meismement li auqun François disoient l'un à l'autre : « Veés la « vaillant contesse et qui bien scet guerryer et a fait à « jourd'ui une grande emprise, issu de la ville de Hain- « bon, ars nostres logeis, fait cesser l'assaut de devant « Hainbon , et encores s'en va-elle à Brest, et tout acom- « plira ces emprises sans son damage. » Il disoient vérité,
car onques messires Lois d'Espagne , ne sa route , ne la peurent rataindre , mais s'en vint "bouter ou chastiel de Brest. Il i eut bien auquns de ses hommes mal montés qui furent raconsievi sus le cemin, et chil-là demorèrent prisonnier et en la volenté de lors ennemis.
