CHAPITRE CXXXII
Comment li contes de Montfort conquit le chastiel de Brest, et comment plusseurs aultres villes et chastiaus se rendirent à luy.
Li contes de Montfort prist en grant desplaisance ce que messires Garniers de Cliçon. li avoit dit et respondu, et dist que jamès il n'entenderoit à aultre cose, si aueroit pris le chastiel de Brest. Le second jour apriès, il fu consilliés de faire ce que je vous dirai, de mettre une enbusque sus au plus priés dou chastiel comme il poroit par raison et puis deslogier de là mal ordonnéement ensi que gens font qui ne sèvent que c'est de guerre, pour traire hors dou chastiel messire Garnier et les siens, et quant il seroient hors, li enbusque saudroit avant et les encloroit entre le chastiel et l'oost. Aultrement ne les pooit-on avoir. Ensi comme il fu consilliet, il fu fait et li enbusque asisse et mise couvertement desus le chastiel. Quant ce vint au matin, chil de l'oost se commencièrent à deslogier, et à euls départir par fouquiaus ' et à trouser tentes et trefs et à mettre sus chars et à voiture. Messires Garniers
1 Fouquiaus, troupeaux.
de Cliçon et li compagnon qui ens ou chastiel de Brest estoient, perchurent ce convenant ; si dissent : « Salions « hors et nous f râpons en la queue de ces alans. Nous « lor porterons damage et ramenrons des prisonniers. » Il le fissent, et issirent hors et n'eslongièrent point de trop lonch le castiel, caries gens de Montfort estoient logiet moult priés ens es courtils devant les fossés. Quant il furent issu les lances ens es poins et tous apparilliés pour faire armes et férir en la queue des Montfortois et jà il escarmuçoient, evous l'enbusque venant tout le pas autour dou chastiel et trouvèrent ceuls qui gardoient la porte. Quant il perchurent lors ennemis, il furent tout esbahi et toutes fois il se missent à la deffense moult vaillamment. Messires Garniers etli sien oïrentle hustin. Si laissièrent lor emprise et retournèrent viers le chastiel et envaïrent moult vaillamment lors ennemis. A grant mescief porent-il rompre la presse des assalans, car li pons estoit avalés et la porte ouverte ; si Jse esforçoient de entrer dedens. Là ot fort hustin et dur, et moult d'armes et d'apertisses i fissent chil dou chastiel et par espécial messires Garniers de Cliçon, car il se tenoit darrière tous les siens et les remetoit par apertisses d'armes dedens la porte. Chil qui estoient à mont traioient et jettoient as assallans et les faisoient requler, et toutes fois li pons et la porte euissent esté efforchié, com grande vaillance que il i euist ou chevalier et en ses gens, se chil qui estoient à mont ne se fuissent délivré de lever le pont et d'abatre la porte couleice '.
Quant il orent ce fait, il laissièrent une petite plance aler, sus laquelle lors gens montoient un à un et rentroient
1 Porte couleice, pont-levis.
ens ou chastiel. Là estoit messire Garniers de Cliçon tout devant et faisoit voie à ses gens et les remetoit dedens à son pooir etfistce jour d'armes ce que uns vaillans hommes doit faire, mais il fu navrés moult durement et à grant painne fu-il remis dedens la garnison , et là ot ce jour à celle escarmuce grant fuisson de bléciés des uns et des aultres. Li contes de Montfort et ses gens se retournèrent tous en lors logeis comme en devant , et quant chil dou chastiel de Brest veirent ceste ordenance, il perchurent bien que il estoient décheu et encores furent-ils plus courouchié, car messires Garniers de Cliçon ne pot avoir dedens la forterèce ce que il li besongnoit pour entendre as plaies que il avoit ou chief et ou corps, et morut dedens trois jours, dont furent tout li compagnon desbareté et esbahi, quant il veirent mort lor chapitainne. De la mort messire Garnier fu enfourmés li contes de Montfort. Si en fu tous resjoïs, car bien veoit que point n'aueroit la forterèce, tant que messires Garniers fust en vie. Il fist trettier par messire Hervi de Lion as compagnons de Brest et leur fist dire que il lor pardonroit tous mautalens, se il li voloient rendre la forterèce. Ghil qui dedens estoient, qui veoient mort lor chapitainne et ne lorapparoit sequoursde nul costé, se doubtèrent de lors corps et de lors biens à perdre. Si rendirent Brest au conte de Montfort, salve lors corps et lors biens. Ensi eut li contes de Montfort le chastiel de Brest et le rafresci de nouvelles gens et de pourvéances et le bailla en garde et sus son honnour à un gentilhomme des siens, auquel il avoit bonne fiance, et puis se deslogea de là et s'en ala devant Aurai, lequel chastiel Julles Césars fist fonder. Li contes esploita si bien que li chastiaus li fu rendus, car c'est dou demainne des dus de Bretagne, et puis cemina oultre et vint devant Goy-le-
Forest, il i fu requelliet et puis au Suseniot ! à trois lieues de Vennes, qui est un biaus chastiaus et cambre des dus de Bretagne. On le rechut dedens tout débonnairement et fu là, ne scai quans jours, et puis ala à Vennes et là se tint, et tous jours messire Hervi de Lion dalés lui et grant fuisson d'aultres chevaliers et esquiers de Bretagne, et les tenoit, par les dons que il lor donnoit, en amour, et les bonnes villes aussi, et tenoit grant estât et estofet, et faisoit partout payer bien et largement sans riens acroire, tant que toutes gens se contentoient de li et des siens et dissoient : « Nous avons bon signeur à ce que il monstre : « il ne voelt que tout bien, mais que Dieus consente que « il nous demeure pasieuv élément. »
