CHAPITRE CLII

Comment messires Loïs d'Espagne se mist sus la marine, et comment il fu déconfit par les gens messire Gautier de Mauni.

Quant li viscontes de Rohan et li aultre chevalier de France et de Bretagne furent retourné devant Aurai, il recordèrent à messire Carie de Blois tout le voiage que il avoient fait, la prise de Dignant et de la ville de Garlande où il avoient bien trouvé à pillier, et comment messires Lois d'Espagne en estoit aies sus la marine en la compa-

gnie de Othon Dorie et de Condal ' , grans esqumeurs de mer, et n'emmenoient fors que Genevois et Espagnols. De toutes ces coses se contenta grandement messires Caries de Blois. A l'eure que li viscontes de Bohan fu là venu devant Aurai , vinrent aussi grans gens de France que li rois Phelippes i envoioit, car il estoit enfourmés que grans confors de g-ens d'armes et d'archiers estoit venus à la contesse desus dite et issu hors d'Engleterre. Se ne voloit pas que ses cousins fust si despourveus que il ne peuist tenir les camps à l'encontre de ses ennemis , puisque il li avoit convenance de aidier. Quant messires Lois d'Espagne fu montés en la navie à Garlande, en la compagnie de Condon et de messire Othon Dorie, mestre des Genevois (et pooient estre quatre cens hommes en tout), il sie virent la bende de la mer et prissent terre assés priés de Camperlé. Si fissent par lors sievans ardoir tout le plat pais, et tout ce que il trouvoient de bon, il estoit porté en la navie. Si conquissent moult grant avoir sus ce voiage, voires se il lor fu demoré, mais nennil. Car nouvelles vinrent à messire Gautier de Mauni et as chevaliers qui dedens Hainhon se tenoient, que messire Lois d'Espagne estoit aies en Garlande et l'avoit ars et tout le païs de là environ et avoit renvoyet une partie de ses gens, et ne pooient estre en sa compagnie non plus de quatre cens hommes. Evous ces chevaliers et gens d'armes de Hainhon resvilliés. Si s'armèrent et apparillièrent tantos, et entrèrent dedens nefs et barges et balengiers environ quatre cens hommes d'armes et mille archiers, et se départirent dou havène et singlèrent en mer, costians les terres pour venir à Garlande,

1 Froissart appelle indifféremment cet écumeur de mer, Condal ou Condon. J'ignore quel est le nom exact. On rencontre à Gênes celui de Contardo.

72 CHR0NIQ1 ES

et avoient le vent et la marée pour euls, et vinrent à Garlande ; si trouvèrent encores que les maisons et les églises fumoient dou feu que li François i avoient fait, et les povres gens dou pais qui lor vinrent au-devant en criant et en braiant et en disant : « Ha ! chier signeur, li larron « nous ont ars et pris et desrobé le nostre, et s'en vin- « rent selonch la marine. »

Quant messires Gautiers de Mauni et ses gens entendirent ces nouvelles, sans point issir de lors vassiaus, il se missent au chemin et en la route pour euls trouver, et veoient, de lors nefs et balengiers où il ceminoient sus la marine, les fumières que il faisoient sus le plat païs, et tant alèrent que il arrivèrent assés priés de Camperlé, ou havène meismes où la navie estoit toute cargié de ce que li François avoient trouvé sus le païs, et par espécial en Garlande où il orent trop grant avoir. Sitos que il furent venu ou havène de Camperlé, ces nefs furent conquises, et tout mort ou jette à bort cheuls qui les gardoient, et entendirent parles gens dou païs qui estoient tout effraé, que li François couroient et avoient li pluisseur trouvé des chevaus et roboient le païs.

Adonc messires Gautiers de Mauni et tout chil qui en sa route estoient, gens d'armes et archiers, se missent tout à terre et se ordonnèrent en trois batailles et fissent les deus reponre et muchier en un bosquet qui là estoit, afin que messires Lois d'Espagne et ses gens, à leur retour, ne se tenissent à trop cargiet, car bien savoient que par là il les convenoit retourner. Tout ce fait et ordonné, casquns burent et mengièrent un petit et puis s'asissent sus l'erbe et sus le sabelon, attendans le retour des François qui faisoient bien lor besongnes sus le païs, car nuls ne lor aloit au-devant. Quant les gens à messire Loïs d'Espagne orent

DE FR01SSART. 75

cargiet chars et charètes de tous meubles et pourfis que il ramenoient à lor navie (et teuoient à avoir fait loi* voiage) pour euls mettre au retour viers lor navie, ensi que il venoient et aproçoient la mer, il voient une bataille d'archiers sus une esle et un petit en sus gens d'armes et les pennonchiaus ventiler. Donc s'arestèrent li François tout quoi et s'esmervillièrent quels gens ce pooient estre, qui là se tenoient, et quidièrent de commencement que ce fuissent chil de Camperlé qui les venissent combatre et qui se fuissent là requelliet. Si fissent monter deus hommes d'armes, tout doi de Piquardie. Li uns avoit nom Tassart de Ghines et li aultres Hues de Villers et tout doi estoient esquier d'onnour à messire Carie de Blois ; mais pour lor avancement il estoient accompagniet avoecques messire Lois d'Espagne, et chil doi esquier avoient tant fait que il estoient assés bien monté. Si lor dist : « Messires « Lois Tassart et vous, Hues, chevauchiés avant et apro- « chiés ces gens de plus priés, par quoi nous aions lacon- « nissance , assavoir quels gens ce sont. » Il resjiondirent : « Volentiers. » Il cevauchièrent devant , car il àvoient deus bons ronchins, et vinrent si priés des Engiois et des Bretons que li archier euissent bien tret jusques à euls, se il vosissent. Chil doi esquier desus nommé congneurent plainnement que c'estoient lor ennemi. Si retournèrent et dissent : « Sire, ce sont Englois et Breton, « car nous avons veu et congneu le pennon à messire Gau- « tier de Mauni : il est de geulles à trois noirs quievirons,. « et ce sont archier d'Engleterre que vous veés là. Regar- « dés que vous volés dire et faire. » Eespondi messires Lois : « Il nous fault combatre. Nous ne poons fuir : il « sont signeur de nostre navie. Nous avons trop demoré « sus terre. Alons avant ou nom de Dieu et de saint

« George : il nous fault prendre l'aventure. » Adonc fît-il sa banière passer avant, et le portoit uns esquiers qui se nommoit Robers de Santi. Là fist li dis messire Lois un sien neveu chevalier, qui .se nommoit Aufons d'Espagne. Il ordonnèrent les Genevois et les Espagnols et les missent tout devant, et commenchièrent la bataille dou tret, et puis aprochièrent les gens d'armes et se boutèrent l'un dedens l'aultre, et se portèrent li François à ce commencement si bien que se il n'euissent eu aultre faix, il se fuissent bien délivré de ces premiers et les requièrent sus la marine.

Adonc vinrent les aultres deus batailles qui estoient en enbusque et encloirent les François. Là ot dur hustin, et vaillamment s'i portèrent les gens à messire Lois, mais les Englois et les Bretons estoient trop grant fuisson , et fu abatue la banière à messire Lois, et chils mors, qui le portoit et messire Aufons d'Espagne, mort. A grant painne, se sauvèrent messire Lois d'Espagne et Condon et messire Othon Dorie; mais quant il veirentqueli faix estoit trop pesans pour euls, il entendirent à recouvrer lors cevaus que lors variés tenoient sus les èles de la bataille, car se ils n'euissent eu lors cevaus tout près, jamès ne s'en fuissent parti, sans estre mort ou pris. Il prissent, sus la desconfiture, le cemin de la mer, etpooient estre environ soissante. Nuls ne les poursievi, car Englois et Breton n'avoient nuls cevaus et aussi il entendirent au garder ce que il avoient conquis. Messires Lois d'Espagne et chil qui escapèrent de la bataille trouvèrent en un regot ' de mer une grosse barge de Camperlé, que li maronnier avoient là bouté et repus, etn'estoientosé aler avant pour la doubtance des François. Quant il le veirent là arester à l'ancre, il se traïssent de

1 Regot, regort., anse, petit golfe.

celle part et trouvèrent trois Bretons qui le gardoient. Il furent mestre de euls et de la barge et entrèrent dedens non tous, car il ne peuissent pour tant que il emmenoient en la barge lors cevaus avoecques euls. Tassars de Ghines et Hues de Villers et auquns Bretons qui connissoient le païs, cevauchièrent tant de jour et de nuit que il vinrent à Rennes, et là s'arestèrent pour oïr nouvelles de messire Lois d'Espagne et de lors compagnons qui nagièrent toute la nuit et vinrent à rimes à Grède \ au plus proçain port de Vennes et de Rennes. Et li Englois et li Breton cargièrent lors vassiaus des meubles et pourfis que li François amenoient et puis rentrèrent en lor navie à tout ce conquest et retournèrent àHainbon et recordèrent à la contesse et à lors compagnons comment il avoient esploitié. Si en furent tout resjoï, ce fu raison, car il en estoient départi à lor honnour et pourfit. Ensi vont les aventures d'armes et les fortunes : à le fois on quide avoir tout gaegné , et on a tout perdu.