CHAPITRE CLIII
Comment messires Gautiers de Mauni livra assaut à la Roce-Périot, et comment Renier de Malain enleva messire Jehan le Boutellier et messire Hubert de Frenai.
Assés tos apriès avint que messires Gautiers de Mauni et auqun Englois qui désiroient les armes, se départirent de Hainbon et cevauchièrent as aventures viers Roce-Périot. Quant il furent venujusquesà là, messires Gautiers de Mauni dist : « Avant que nous chevauçons plus avant,
1 Redon.
76 ClIRUMni ES
« je voel que nous alons assallir ce chastiel et veoir se « nous i porions riens conquester. » Tout respondirent : « A la bonne heure ! » Il missent tantos piet à terre et aprochièrent le chastiel et commenchièrent à monter la roce et à livrer grant assaut. Pour ces jours i estoit Gérars de Malain, li esquiers de Bourgongne, qui avoit esté pris et rescous à Dignant, et avoit avoecques lui des bons compagnons qui tout se missent à deffense. Li dis Gérars de Malain ne s'espargnoit point, mais se deffendoit de grant volenté et par bonne ordennance. Englois sont chaut et boullant et est vis ' as auquns que tantos il doient avoir conquesté, soit bataille ou assaut, quant il i sont venu, et là otdeslours qui s'avancièrent follement. Auquns furent bléciés,et par espécial deus bons chevaliers, dontli uns fu nommé messires Jehans li Boutelliers et li aultres messires Hubiers de Frenai, et furent tellement tapés sus lors bachines dou jet de deus pierres que il rendoient sanch par la bouce et par les orelles, et les convint porter hors et en sus de l'assaut en une prée et désarmer, et furent si estonnet 2 que on quidoit bien que il deuissent morir. Chils Gérars de Malain avoit un frère, hardit homme et conforté durement, que on nommoit Eenier de Malain, et estoit chapitainne et chastellain de un aultre petit fort séans assés priés delà Roce-Périot, et le fort on claimmeFauet5. Quant cils Reniers entendi que Englois et Breton livroient assaut
1 Vis, avis, opinion.
2 Estonnés, privés de respiration.
s Des géographes modernes placent la Roche-Périot à la Roche- Derien ; mais Froissar,t distingue ces deux endroits. Il est plus vraisemblable que c'est la Roche-Morice, à six lieues de Brest, où l'on voit les ruines d'un vaste château. Quant au Fauet, je ne pense pas que ce soit le Faouet à neuf lieues de Pontivy. J'aime mieux y reconnaître le Faou, à cinq lieues de la Roche-Morice. Là aussi il y avait autrefois un château.
à la Roce-Périot, de laquelle garnison ses frères Gérars estoit chastellains et gardyens, il fist armer de ses compagnons jusques à quarante et issi hors de Fauet et cevauça viers la Roce-Périot en istance de ce que pour conforter son frère, en auqune manière se il pooit, et sourvint à l'aventure sus ces deus chevaliers englois bléciés , liquel estoient en une prée en sus dou hustin (car la noise lor faisoit mal), et ne trouvèrent daléseulsque variés qui les gardoient. Il veirent tantos que il estoient de lors ennemis et que on les avoit là amenés pour euls rafresquir. Il environnèrent ces variés et ces prisonniers et les prissent tous et fissent les chevaliers monter sus lors chevaus et les variés venir et sievir à piet j tant que il furent eslongiet une grosse demi-lieue en sus de la Roce-Périot, et puis lor donnèrent congiet. Chil varlet de piet se tinrent pour tous resjoïs quant il se sentirent délivret, et vinrent à Finant l devant la Roce-Périot et se traïssent deviers messire Gautier de Mauni et les aultres, et lor dissent : « Signeur, rescoués « messire Jehan le Boutellier et messire Hubert de Frenai « que chil de la garnison de Fauet emmainnent. » Sus ces paroles, tout laissièrent l'assaut et montèrent as cevaus et férirent à l'esperon, casquns que mieuls mieuls, pour raconsievir ceuls de la garnison de Fauet, mais il estoient jà entré dedens, et tout mis à sauveté, prisonniers et euls, et relevet le pont et trait les barrières avant, et a voient encores eu loisir de boire un cop et de euls rafresquir. Evous venu messire Gautier de Mauni et les Englois et les Bretons à l'esperon et missent tantos piet à terre et approchièrent le chastiel et commencièrent assallir, com lassé que il fuissent, et continuèrent l'assaut jusques à la
1 Fenant ou Finant. L'indication exacte de la situation de ce lieu ferait connaître celle de la Roche-Périot.
nuit ; car tantos fu tart. Il regardèrent quel cose il feraient ; car il n'avoient tentes , ne trefs , ne nulles pourvéances, fors bien petit. Messires Gautiers de Mauni dist : « Nennil ; il nous fault ravoir nos compagnons : aultre- « ment nous receverions trop grant blâme, et ce sera tantos « jours. Une nuit est tantos passée; il fait biel et chaut. « Nostres chevaus se passeront bien meshui l de ce que « nostres variés trouveront. » Chils consauls fu creus, et se logièrent ces Englois et ces Bretons à l'environ de Fauet, et lor varlet alèrent fouragier, et se passèrent la nuit de ce que il trouvèrent.
