CHAPITRE CLIV

Comment messires Gautier de Mauni se départi dou siège de Fauet , et comment , avant de rentrer à Hainbon , il prist le chastiel de Goyla-Forest.

Gérars de Malain, qui se tenoit en Roce-Périot, entendi que li Englois et li Breton estoient devant Fauet. Si s'apensa que il conforteroit son frère et li rémunerroit le service que fait li avoit. Si se départi de Roce-Périot et vint à Dignant. D'aventure estoient là venu li sires de Chastillon, li viscontes de Rohan, li sires d'Amboise et aultres chevaliers de France , lesquels messires Caries de Blois i avoit envoyés pour conforter la ville pour tant que il avoit entendu que li Englois cevauçoient ; et estoient bien trois cens lances et deus cens Genevois. Li esquiers bourguignons lor recorda le fait pour quoi il e-^toit là venus, et de son frère qui estoit asségiet ou chastiel de Fauet, et conve-

1 Meshui, aujourdhui.

noitque il fust secourus, ou il seroit pris, et li doi chevalier que il tenoit prisonniers, rescous. Ces gens d'armes ne furent oncques si resjoï, à ce que il monstrèrent , qu'il furent, et s'ordonnèrent toute la nuit au partir au point dou jour et s'armèrent et fissent armer tous les hommes aidables de Dignant, et furent ou gouvernement de messire Pierre Portebuef, et puis, à l'aube dou jour, il se départirent de Dignant et ne pooient tos aler pour la cause de ceuls de piet qui les sievoient. Messires Gautiers de Mauni et chil qui estoient devant Fauet, furent segnefyet que François venaient efforciement. Si n'orent pas consel de l'atendre, et s'en départirent et retournèrent viers Hainbon,siques quant li François furent jusques à là venu, il ne trouvèrent à qui parler. Ensi demora pour ces jours Fauet en paix, et confortèrent li doi frère l'un l'aultre et li doi chevalier prisonnier, dont moult en anoia à messire Gautier de Mauni , mais amender ne le pot pour l'eure. Quant messires Gautiers de Mauni et sa route se furent départi de Fauet, ensi que vous avés oï , il n'alèrent pas le droit cemin pour retourner à Hainbon, mais s'adrechièrent viers Goï-le-Forest, un chastiel assés fort qui se tenoit à messire Carie de Blois. Messires Gautiers de Mauni, qui estoit encores tous mérancolieus des deus chevaliers, messire Hubert de Frenai et messire Jehan le Boutillier , qui estoient demoret derrière et prisonnier ou chastiel de Fauet, quant il fu venus devant le chastiel de Goy-la-Forest, il dist à ses compagnons : « Il « nous fault asayer à ce chastiel, se jamais nous le porions « prendre. » Tout furent de son acord et missent tantos piet à terre , et alèrent assallir de si grant volenté , que li chastiaus fu pris, et tout chil mort, qui dedens estoient, et puis passèrent oultre , et vinrent ce jour à Hainbon où la contesse estoit, qui lor fist bonne chière,mais messires Gau-

tiers ne pooit oublyer la prise des deus chevaliers et doutoit messire Lois d'Espagne que il ne les fesist morir, encontrevengeant la mort de son neveu, messire Aufons d'Espagne, liquels avoit esté ocis en l'ille de Camperlé.