CHAPITRE CLV
Comment messires Caries de Blois, après avoir conquis Aurai, Vennes et Craais, mist son siège devant Hainbon ; et comment messire Loïs d'Espagne le requist de lui donner les deus chevaliers prisonniers pour en faire sa volenté.
Tant tint son siège messires Caries de Blois devant le chastiel d' Aurai, que cliil qui dedens estoient, furent si constraint de famine que il se rendirent , et demora li chastiaus et toute la signoiïe à messire Carie et en prist la posession , et puis passa oultre et vint devant Vennes et i mist son siège. De la chité de Vennes estoit cliapitainne messires Joffrois de Malatroit.
Quant les bourgeois de Vennes veirent que il avoient le siège, et que tous li païs se rendoit à messire Carie de Blois et ne lor apparoit sequours de nul costé, et que li François tenoient les camps, vosissent ou non lo/ cliapitainne, il se rendirent à messire Carie et devinrent si homme et li fissent féaulté et hommage ; mais messires Joffrois de Malatroit eut grâce et conduit d'aler deviers la contesse, et i ala et s'encloï dedens Hainbon avoecques les aultres. Si ordonna li dis messires Caries, cliapitainne à Vennes et bonnes gens d'armes pour le garder, et puis se traïssent devant la ville de Craais ', qui aussi sus quatre jours entra
1 Carhais.
en trettiet et se rendi, et de là il vinrent devant Hainbon et se requellièrent toutes les gens d'armes et les capitains françois de tout le païs, qui pour lors se tenoient à messire Carie de Blois, et vinrent tout au siège de Hainbon.
Cbil de la garnison de Hainbon estoient durement fortef}*et, et bien lor besongnoit, car toute la flour de la chevalerie estoit pardevant là venue et arestée de France, ne on ne savoit adonc où querre les armes, fors en Bretagne.
Un jour vint messires Lois d'Espagne en la tente messire Carie de Blois, et li demanda un don, présent fuisson de grans signeur de France qui là estoient, et fu li dons demandés en rémunérant les services que fais li avoit. Messires Caries ne savoit pas quel don il li voloit demander, car se ils le seuist, jamais ne li euist acordé, et li otria sa demande légièrement, car il se sentoit moult tenus à lui.
Quant li dons fu otroyés , messires Lois dist : « Monsi- « gneur , grant merchis ! Je vous demande les deux che- « valiers englois, qui sont prisonnier ens ou chastiel de « Fauet et que Reniers de Malain garde. » — « Volen- « tiers , respondi messire Carie ; je le vous donne. » Et pensoit que il les vosist avoir pour ses prisonniers et pour rançonner à finance pour tant que il avoit moult perdu en l'ille de Camperlé. Il furent envoyet querre, et amené par l'esquier meismes qui pris les avoit. Quant messires Caries les vei,ildist à Eenier de Malain : « Renier, chil doi che- « valier sont vostre. Je les vous demande, et quant il venra « à point, il vous vaudront bien aussi grant don. » — « Monsigneur, dist Reniers, je les vous donne. » — « Grant « mercliis, » dist messires Caries, « et je les vous donne, » dist-il à messire Lois, « qui demandé me les avés. Quel « cose en volés-vous faire? » — « Sire, dist-il, vous les me « avés donnés, et ce sont mien. C'est li intension de moi,
« car je ai par euls pris et recheu si tant grant damage que « mes gens mors et ocis et par espécial Aufons, mon neveu, « que je amoie otant que moi-meismes, que il morront « aussi. » Donc regarda messires Caries sus messire Lois et se repenti trop fort de ce que il li avoit donné et acordé les deus chevaliers, et li dist : « Cousins, se vous faissiés « ce que vous dittes, vous en sériés trop grandement blà- « mes , et si seroit trop grant cruaultés. Se li chevalier « servent le roi d'Engleterre et il soient pris par bataille, « son service faisant, ils n'ont pas pour ce déservi mort, « mais tenés-les et si les rançonnés courtoisement , ensi « que gentilhomme font l'un l'aultre, car sus celle entente « et pour ensi à faire, les vous ai-je donnés. » — « Sire, « respondil i dis messires Lois, li chevalier sont mien ; si « en ferai ma volenté, et se vous les me ostés, jamais jour « ne \tous servirai. » Li dis messires Caries de Blois vei son cousin courouchiet etenflaniet en aïr et ne le voloit pas perdre, car de tous ceuls de l'oost il estoit chils qui plus loiaument se acquitoit en ses armées et cevaucies ; se li dist : « Cousins , nous disnerons et apriès disner vous auerés « avis quel cose vous ferés. » Li intension de messire Carie de Blois estoit telle que il feroit pryer tant de signeurs à messire Lois d'Espagne pour sauver les deus chevaliers que point ne morroient, et fist couvrir les tables en sa tente et manda son frère le conte de Blois et ses cousins de Bourbon, le signeur de Chastillon et aultres, et lor donna ce jour à disner, et retint messire Lois d'Espagne dalés li et les deus chevaliers d'Engleterre qui avoient oï toutes ces paroles et ces manaces. Si n'estoient pas bien aséguré , mais grandement il se contentoient de monsigneur Carie de Blois, et veoient bien que en li avoient un bon moyen.
