CHAPITRE CLVI
Comment messires Gautiers de Mauni délivra les deus chevaliers.
Toutes ces paroles furent sceues en la garnison de Hainbon et dittes et comptées à messire Gautier de Mauni qui tantos sus heure fu consilliés et dist à ses compagnons : « Biau signeur, il nous fault rescourre les deus cheva- « liers. » — « Et comment ferons ce?» respondirent li aultre. « Je le vous dirai, dist messires Gautiers, nous ferons « armer tous ceuls de ceste garnison et une partie demo- « rer pour garder la porte et le pont, et vous, messire Ive « de Tigri, messire Guillaume de Quadudal, li sires de « Landerniaus,lichastellains de Ghinghant,li doi frère de « Pennefort, prenderés deus cens compagnons et cinq « cens archiers et saudrés hors sus le point dou disner, et « irés escarmuchier et estourmir l'oost, et je et mes com- « pagnons, lesquels je ai mis hors d'Engleterre, à cinq cens « archiers, saudrons hors par la posterne et cevaucerons « tout droit là où li doi chevalier prisonnier sont, et fe- « rons nostre pooir dou conquerre et dou ramener. Li « coers me dist que nous les rauerons, et ce seroit grant « défaute pour nous, quant nous les savons en tel parti, [si] « nous ne faisions nostre diligense de euls délivrer. » Tout furent de son acord et s'armèrent et apparillièrent, et montèrent as cevaus ceuls qui monter i dévoient, et fu ouverte la porte et li pons avalés, et sallirent hors les deus cens armeures défier, tous Bretons, et les cinq cens archiers, et sen vinrent escarmuchier et estourmir l'oost , et fu sus le point dou disner, dont oissiés trompètes et claronchiaus re-
tentir et bondir et cryer alarme, et toutes gens sallir sus et euls armer. Meismement messires Caries de Blois et tout li signeur qui en sa tente estoient, sallirent sus et boutèrent les tables jus et s'armèrent et ordonnèrent et ne vodrent pas estre souspris à leur disner, et se départirent et se traïssent casquns viers l'escarmuce, et messires Lois d'Espagne meismement, et ot si grant quoite ' de li armer et d'aler à l'escarmuce, que il ne li souvint de ses deus chevaliers englois prisonniers, et les laissa en la tente à messire Carie de Blois en la garde des variés d'offisce qui là estoient.
Quant la cose fu bien estourmie, evous messire Gautier de Mauni venu et issu hors de Hainbon par une posterne qui regardoit sus la mer, férant à l'esperon tout autour des log'eis et ses compagnons , et estoient bien deus cens armeures de fier et cinq cens archiers, et bien avoient qui les menoit et s'adrecièrent droit au logeis à messire Carie de Blois et n'entendirent à aultre cose faire que de venir en la tente dou dit messire Carie, et ne trouvèrent que variés qui là estoient, qui tantos s'enfuirent, li uns chà, et li aultres là, et laissièrent les deus chevaliers qui furent moult resjoï quant il veirent messire Gautier et lor route. Tantos il furent monté sus deux chevaus, et se missent au retour messire Gautier et ses gens par le cemin meismes où il estoient venu, et n'eurent encontre, ne destourbier nul, et rentrèrent en Hainbon. Encores se combatoient et escarmuçoient les François et les Englois et les Bretons sus les fossés et lançoient et traioient li un à l'aultre et faisoient des grandes escarmuces d'armes, et pluisseurs belles apertisses i ot là faites. Nouvelles vinrent as signeurs de France
1 Quoite, hâte,
qui là estoient à l'escarmuce, que les Englois en remenoient les deus chevaliers prisonniers. Evous sonnent trompètes et claronchiaus de retrète pour retourner en l'oost; car quant ils oïrent dire : « Les Englois sont venus et entré « ens es tentes, » il quidièrent rechevoir plus grant damage que il n'eurent et que les Englois deuissent bouter le feu ens es logeis et ardoir, ensi que il avoient fait aultre fois, mais non fissent : il n'entendirent à aultre cose que de ravoir lors prisonniers et de euls mettre à sauveté.
Ensi se cessa li escarmuce, car chil qui estoient sus les fossés, ne sievirent point, mais se retraïssenttout bellement en la forterèce, et ot en Hainbon grant joie quant il sentirent les deus chevaliers rescous et délivré de dangiers. Messires Lois d'Espagne fu trop durement courouchiés de ce que tantos que li chevalier li furent donné et délivré, que il ne les avoit fait décoler, et moult de aultres sigmeurs de l'oost tout resjoïs de ce que on les avoit rescous, et en disoient li un à l'aultre : « Il est bien employet, car messi- « res Lo'ïs d'Espagne estoit très-mal avisés et consilliés de « euls faire voloir morir. » Et furent moult loées et recommendées dedens et dehors les apertisses et vaillances à messire Gautier de Mauni, car par li et par ses emprises avoit esté tout fait.
