CHAPITRE CLVII
Comment messires Caries de Blois se départi dou siège de la ville de
Hainbon.
Trois jours apriès ceste avenue, tout chil signeur de France se traïssent en la tente de messire Carie de Blois, et quant il furent tout assamblé, il parlementèrent en-
sanible pour sçavoir comment il s'ordonneroient, car il veoient et sentoient que li iviers aproçoit , et que dedens Hainhon il estoient pourveu et rafresqui de bonnes gens d'armes et d'archiers, et es toit la ville et li chastiaus trèsfort, et lor pooient venir tous les jours pourvéances par mer, lequel pas on ne lor pooit clore, se force de navie ne le faisoit sus la mer. Avoecques tout ce, li fourageus françois ne savoient où fouragier , car li plas pais estoit tous gastés, et n'avoient vivres fors à grant dangier. Si fu dit et consilliet à messire Carie de Blois que il départesist ses g'ens et pourveist forterèces et garnisons de gens d'armes et mesist et establesist partout bons capitainnes, vaillans hommes ségurs et sages, et les laiast convenir cel ivier et guerryer par garnisons, se guerryer voloient, ou se bonnes g'ens moienant ceste guerre se voloient ensonnyer de tretier unes trieuves jusques à la Saint- Jehan-Baptiste que li pais se peuist un petit renassier ' et repourveir, on consilloit à messire Carie de Blois que ils s'i acordast légièrement, par quoi à l'esté qui retournoit, li cheval trouvaissent à fouragier sus les camps. Chils consauls fu tenus : on se deslogea. Au deslogement que li signeur de France fissent, il missent une grose enbusque sus, par quoi chil dou chastiel et de la ville de Hainbon ne lor peuissent porter damage. Et avint que quant les Englois et les Bretons qui en Hainbon se tenoient, veirent li deslogement, li auqun, par convoitise degaegnier, sallirent hors et se boutèrent enmi les deslogeans, mais il alèrent trop avant, car li enbusque laquelle messire Lois d'Espagne gouvernoit, salli avant, et là furent rebouté chil de Hainbon moult durement. A grant meschief peurent-il rentrer en la ville et
1 Renassier (pour renaissier, renaître?) se refaire-
demorèrent dehors deus chevaliers par lor vaillance, qui deffendoient les rentrans. Ce furent li sires de Landerniaus et li chastellains de Ghinghant et furent pris et environ dix hommes d'armes et menet en voies. Ensi ala de celle escarmuce. Trois jours apriès ceste avenue, vinrent nouvelles ens ou chastiel de Hainbon à la contesse de Montfort, et as chevaliers d'Engleterre et de Bretagne, que li doi chevalier desus nommet, messire Carie de Blois et les signeurs séjournans à Vernies, estoient tournet François et devenu homme à messire Carie de Blois et fait féaulté et hommage, dont on fu moult esmervilliet, car la contesse lor avoitfait moult de bieus, et lor convint passer, ne avoir n'en porent aultre cose.
