CHAPITRE CL VIII
Comment messires Caries de Blois eut la ville de Jugon.
Ensi se deffit li sièges de Hainbon en celle saison environ le Saint-Luch, l'an degrasce mille CCC XLII ' que li iviers et les longues nuis aproçoient, et pourvei et rafresqui messires Caries de Blois toutes les chités, les villes et les chastiaus que il tenoit en Bretagne de nouvelles gens d'armes et de pourvéances , et remercia les signeurs qui l'estoient venu servir et lour sambla que moult bien il avoient esploitiet pour une saison, et se départirent de Bretagne et retournèrent en lors contrées. Et messires Caries s'en vint à Nantes dalés sa femme et là se tint. En cel ivier se tourna la ville de Craais à la contesse de Montfort, je ne
1 La fête de la Saint-Luc se célèbre le 18 octobre.
sçai par quel trettiet. Quant les nouvelles en furent venues à messire Carie de Blois qui se tenoit à Nantes, il en fu durement courouchiés et dist et jura que jamais n'entenderoit à aultre cose si aueroit esté devant Craais et l'aségieroit et point n'en partiroit, se trop grant puissance contre li ne l'en levoit. Ce fu entre le Noël et la Candelor, et manda tous ceuls qui de li tenoient en Bretagne et vint asseoir Craais par bastides, car il faisoit trop froit et trop lait pour tendre tentes, trefs et pavillons, et voloit ceuls de Craais constraindre à tollir lors pourvéances et puis tantos le printemps venu, aprochier dou plus priés comme on poroit. En ce termine avint que uns bourgeois et rices marceans de la ville de Jugon ', qui se tenoit pour la contesse de Montfort et faisoit en partie toutes ses pourvéances, fu encontrés et trouvés sus les camps de messire Robert de Biaumanoir, marescal de l'oost messire Carie. Si fu pris et amenés devant Craais ou logeis dou dit messire Carie. Chils bourgeois estoit moult amés et creus en la ville de Jugon qui est moult fourtement fermée et sciet très-noblement. Aussi fait li chastiaus qui est biaus et fors, et se tenoit de la partie la contesse desus ditte et en estoit chastellains de par la contesse uns chevaliers qui se nommoit messires Gérars de Rocefort. Chils bourgeois de Jugon qui ensi fu pris et amenés à messire Carie de Blois, eut grant paour de morir, et pour tant que il estoit si proçains de la contesse de Montfort, fu examinés et enquis des uns et des aultres si avant que il
1 Jugon, petite ville à six lieues de Dinan, fort bien fortifiée autrefois. De là le proverbe :
Qui a la Bretagne sans Jugon.
A cbape sans chaperon.
s'acorda à ce et se fist fors de livrer et rendre la ville de Jugon à messire Carie de Blois ou à ses commis dedens un jour qui ne fu pas trop lontains apriès sa délivrance, et pour acomplir celle convenance il en bailla un sien fil en piège, et sus cel estât on le laissa aler et retourner à Jugon, et donnoit à entendre que il estoit rançonnés h cinq cens florins et bien en estoit creus. On n'avoit nulle soupeçon de lui, et gardoit les clefs de l'une des portes de Jugon. Au jour qui mis et ordonnés i estoit, messires Caries de Blois en propre personne i vint à tout cinq cens lances et laissa messire Lois d'Espagne devant Craais à tout le demorant de son hoost. Ensi que li bourgeois de Jugon avoit en convenant, ilfist, et defferma1 la porte de laquelle il gardoit les clefs. Sus un ajournement, messires Caries et ses gens entrèrent à puissance dedens la ville. La gette dou chastiel se perchut que gens d'armes entroient en la ville. Si s'esforça de corner : « Trahi! trahi! » dont se resvillièrent li chevaliers et li saudoyer qui dedens le chastiel estoient, et coururent as armes et as garites d'autour dou chastiel et requellièrent les bonnes gens qui fuioient dedens le chastiel. Li bourgeois meismes, qui la trahison avoit faite, fui dedens avoecques euls par couverture. Messires Caries et ses gens se saisirent de la ville et trouvèrent les maisons drues et raemplies, car chil dou plat païs s'i estoient retrait sus la fiance dou fort lieu et i avoient amené lors biens. Messires Caries et ses gens laissièrent toutes gens aler viers le chastiel et raemplir, car bien savoient, plus en aueroit, plus se tenroient chil dou chastiel à cargiet, et plus tos se renderoient. Messires Gérars de Rocefort, qui chastellains en estoit, fist enqueste comment
1 Defferma, ouvrit.
la ville estoit prise. On li dist par la porte dont tels homs gardoit les clefs. Li uns fu pris tantos, car il s'estoit là dedens enclos avoecques euls. Il fu questionnés et si bien examinés que il congneut toute la trahison. Adonc li compagnon de là dedens le prisent par le commandement dou chastellain et le pendirent as crestiaus ' dou chastiel , veant tous ceuls qui veoir le pooient. Ce fu le paiement que il en ot.
