CHAPITRE CXXXIII
Comment messires Caries de Blois se souffri longuement, et comment li signeurs de France promirent de le aidier.
On se puet esmervillier, selonch le intitulure et le introduction de ceste matère qui représente les fais de Bretagne, à quoi messires Caries de Blois pensoit, qui tenoit à avoir à femme et à espouse la droite hiretière de Bretagne et qui estoit si grans de linage en France que neveus au roi Phelippe et au conte d'Alençon et frères au conte de Blois, que il ne se traioit avant, mais laissoit convenir le conte de Montfort et prendre les chités et bonnes villes et les chastiaus de Bretagne et point ils n'aloit au devant, ne ni envoioit, et [li contes de Montfort] prendoit partout la sasine et posession et i ordonnoit et establissoit
1 Sucinio, château dépendant de la commune de Saint-Gildas, dans la presqu'île de Rhuys (Morbihan).
hommes favourables et agréables à lui et acqueroit l'amour des cevaliers et esquiers de Bretagne, car bien avoit de quoi faire grans largèces, car il avoit saisi deviers li le grant trésor qui avoit esté à son frère et lequel il avoit trouvé en la chité de Limoges, ensi que chi desus est dit. Aussi s'en esmervilloient moult pluisseurs chevaliers et esquiers de Bretagne qui savoient bien que c'estoit son droit à estre dus de Bretagne en l'oquison de sa femme ; mais puisque il le souffroit et voloit, ensi que il disoient l'un à l'aultre quant il s'en devisoient,il ne pooient pas, de lor puissance singulère, faire fait, ne partie pour lui, et tant demora à venir en Bretagne et à demander son droit que trop; car li contes de Montfort se fortefia tant en toutes manières et acquist tant d'amis que trop forte cose euist esté à bouter hors de sa posession, car trop vault la condition dou premier posessant. Il ne puet estre que messires Caries de Blois qui se tenoit à Paris, ne fust enfourmés de toutes ces accedenses et que ils n'en parlast à ses oncles le roi de France et le conte d'Alençon et à son cousin germain le duch de Normendie qui moult l'amoit; mais il estoit servis et respondus de douces paroles et de belles, en disant : « Biaus cousins, ne vous sousyés de « riens : laissiés ce conte de Montfort aler et venir et « espardre cel argent que il a trouvé dou duch son frère. « Il convient, quoi qu'il face, ne ait fait jusques à chi, que « il viengne deviers nous pour relever la ducée de Bre- « tagne, et les barons et chevaliers et fievés de Bretagne « ne sont pas si fol ne si ignorant que il le doient recevoir « à signeur, sans nostre sceu. Il seroient mal consilliet et « le compareroient chièrement, pour quoi, biaus cousins, « ne vous sousyés de riens. Il fault que tout retourne par « deviers nous. Vous estes dus de Bretagne, et jà l'avés-
« vous relevé de nous, et vous en tenons à duch et à hi- « restier, et qui vodra dire dou contraire, nous le verons, « et le vous aiderons à deffendre et à garder contre tout « homme ; car nous i sommes tenu et le monstrerons de « fait. » Ensi estoit messires Caries de Blois rapaisiés de paroles et se confioit sur ce que on li disoit et proumetoit, et entendoit à augmenter son estât et avoit mis jus l'armoierie de Chastillon et pris et encargié celle de Bretagne, et estoient ouvrier trop grandement ensonnyet parmi Paris de faire banières, pennons, cambres, courdines et toutes coses qui apertiennent d'armoierie en l'ordenance d'un signeur et de une dame, et jà se escripsoit : « Caries de « Chastillon, dus de Bretagne et sires de Guise; » et li contes de Montfort entendoit d'aultre part à acquerre amis de toutes pars, tant que en Bretagne et eus es marces voisines, dont il pensoit le mieus à valoir, et avoit encargiet plainnement le nom et les armes de Bretagne et s'escripsoit : « Jehans, dus de Bretagne, contes de Mont- « fort et de Limoges. » Ensi et par tele incidense se commencièrent à entouellier li différent en Bretagne, qui i furent si grant et si orible que les guerres et les malefisces qui s'en eslevèrent et engendrèrent, i furent si grant qu'à painnes i peut-on onques trouver moyen, ne conclusion pour les apaisier.
.--^r5fc-^
