CHAPITRE CLIX
Comment ceuls dou chastiel de Jugon tretyèrent ensement deviers messire Carie de Blois ; comment unes trieuwes fu conclue à durer jusques à la Saint- Jehan-Baptiste, et comment la contesse de Montfort monta en mer pour remonstrer ses besongnes au roi d'Engleterre.
Pour ce ne se départirent pas messires Caries de Blois et ses gens de la ville, mais si tinrent et environnèrent le chastiel et n'i vodrent oneques livrer assaut ; car bien savoient que longuement il ne se pooit tenir selonch le peuple qui estoit dedens, et furent en cel estât quatre jours.
Li chastellains ot pité des hommes et des femmes et des enfans de la ville qui là dedens s'estoient bouté à nulles pourvéances, et que .ce ne se pooit longuement soustenir, et veoit bien par les apparans des François que point de là ne se départiroient, si aueroient tout, et il en estoient assés au-desus, puisque il avoient la ville, et ne lor apparoit confors de nul costé. Si eurent consel de trettyer deviers messire Carie et tret} èrent par celle manière que la ville
1 Crestiaus, créneaux.
et li chastiaus se renderoient à lui parmi tant que les hostels et maisons qui fustées estoient, seroient restaulies ' au plus priés comme on poroit, et raueroit casquns et casqunes ses coses. A ce trettié entendi messires Caries de Blois volentiers et lor tint si avant comme il pot et fist faire un ban et un commandement, quiconques avoit riens pris , ne levé en la ville de Jugon , tout fust restitué et mis arrière sus une painne que on i asist. Chils bans ne fu pas bien tenus et par espécial de ceuls qui avoient l'argent trouvé et levé : jamais ne l'euissent remis arrière.
Ensi ot en celle saison messires Caries de Blois la ville et le chastiel de Jugon et en fist une bonne garnison et ni mist autre chapitainne que messire Gérart de Rocefort, depuis que il se fu rendus à lui et que il li ot fait féaulté et hommage, et prist aussi la féaulté et hommage des bourgeois et puis s'en parti et retourna devant Craais.
De l'avenue de Jugon furent la contesse de Montfort et tout chil de sa partie courouchié, mais souffrir lor convint tant que pour celle fois, car amender ne le porent. Assés tos apriès se ensonnj-èrent bonnes gens entre messire Carie de Blois et la contesse de Montfort pour donner unes trieuves en Bretagne tant seullement. Si furent données et jurées entre toutes parties à durer jusques à la Saint- Jehan-Baptiste prochain venant, et tenoit casquns et casqune ce que il devoit tenir sans malenghien. Ensi se defiist li sièges de Craais et retourna messires Caries de Blois à Nantes, et se départirent toutes gens d'armes et se retraist casquns en sa garnison.
En ce terme que les trieuves durèrent, fu la contesse de
1 Restaulies, remises en état.
Montfort consillié de par les Bretons et les Englois, que elle se presist priés d'aler en Engleterre veoir le roi et les barons et euls remonstrer ses nécessités : elle ne pooit faire railleur esploit. Si se acorda à ce et prist son estât au plus courtois que elle pot, et monta en mer en Hainbon meismes et emmena avoecques lui messire Amauri de Cliçon pour tant que jà il avoit esté et congnissoit le roi d'Engleterre et les barons, et aussi il le congnissoient. Encores emmena la contesse de Montfort en Engleterre deus enfans que elle avoit, fil et fille.
Nous laisserons un petit à parler de laditte contesse de Montfort et de son arroi, et parlerons dou roi d'Engleterre et des besongnes qui avinrent en ce termine.
