CHAPITRE CLXI
Comment uns grans tourmens espardi sus mer les vassiaus à messire Lois d'Espagne , et comment l'armée d'Engleterre ariva en Bretagne.
Messires Caries de Blois fu enfourmés de vérité que son adversaire, la contesse de Montfort, estoit alée en Engleterre au sequours et i avoit mené ses enfans pour là demorer dalés le roi. Si pensa sus li dis messires Caries moult longuement, et puis apella son cousin messire Lois d'Espagne, auquel il avoit moult grant fiance, et li dist : « Biaus cousins, ce seroit bon, se vous l'acordiés, que une « armée de gens d'armes de Genevois et d'Espagnols fust « mise sus en la mer, et là waucrast, en attendant le retour « et la revenue de celle contesse de Montfort qui est alée
« en Engleterre. Se nous la poions atraper, nostre guerre « en seroit plus belle. » A ce pourpos respondi li dis messires Lois et dist : « Vous dites vérité, et il en sera ce que « vous vodrés, car je sui tous près à faire vostre plaisir. » — « Grant merchis, » respondi messires Caries. Depuis ne demora gaires de temps que. messires Lois d'Espagne, qui bien savoit les usages et coustumes de la mer, se pourvei de barges et de balengiers, et mist sus la mer son armée, où bien avoit deus mille hommes parmi les Genevois et les Espagnols, et disoit que ceuls de sa partie n'avoient donné nulles trieuves sus mer, fors que sus terre. Quant la contesse de Montfort ot ordonné toutes ses besongnes en Engleterre et elle sceut quel gens elle aueroit, cinq cens hommes d'armes et cinq cens archiers , et les dévoient conduire messire Robers d'Artois et li contes de Pennebruq , en lor compagnie dévoient estre li jones sires Espensiers , messires Édouwars, messires Guis de Briane, messires Thomas de Walquefaire, li sires de Tallebot, li sires de Boursier, messires Robers de Noefville, messires Jehans Paule, messires Lois Clifort , messires Guillaume Chifeton , messire Richart de Pont-Cardon et pluisseur aultre, et se ordonnèrent et atendirent tout l'un l'aultre à Pleumude ' .
Quant tout furent venu , gens d'armes et archiers , qui
1 Le 10 mars 13 12, Edouard III autorisa Gauthier de Mauny à prendre possession des villes de Bretagne, qui devaient lui être remises selon l'accord conclu avec Amauri de Clisson, tuteur du jeune duc de Bretagne. Il reconnut le même jour qu'il avait reçu en prêt mille livres sterling de la duchesse de Bretagne et d'Amauri de Clisson. L'expédition des chevaliers qu'Edouard III envoyait en Bretagne ne se fit qu'au mois de juillet. Les actes de Rymer mentionnent, outre Robert d'Artois, Renaud de Cobham, les comtes de Warwick, d'Oxford, de Devonshire, de Pembrocke et de Glocester. Ils étaient payés en sacs de laines. — Le 20 juillet, le comte de Northampton fut déclaré lieutenant du roi en France et en Bretagne.
acompagnier dévoient messire Robert d'Artois et lacontesse de Montfort, il entrèrent en lors vassiaus et puis se désancrèrent et se missent en mer , et orent si bonne aventure que oncques ne veirent, ne trouvèrent, ne encontrèrent la navie des Genevois et des Espagnols , desquels messires Lois d'Espagne estoit chiefs et conduisières, dont depuis il furent moult esmervilliet, et la cause pourquoi ce fu, je le vous dirai. Un petit avant ce que messires Robers d'Artois et la contesse de Montfort se départesissent dou havène de Pleumude , uns grans tourmens se mist sus mer , qui espardi tous ou en partie les vassiaus à messire Lois d'Espagne et à Othon Dorie et à Condon, et furent plus de quinse jours waucrant sus la mer et prendans terre de isle en isle, avant que il se peuissent tous remetre ensambie , et en celle espasce la contesse de Montfort et messire Robers d'Artois entrèrent en Bretagne ', et prissent terre ou havène de Brest et de Hainbon pour estre mieuls logiet à lor aise, dont messires Gautiers de Mauni et tout li compagnon orent grant joie de lor revenue.
