CHAPITRE CLXIL

Comment la contesse de Montfort mist le siège devant la clnté de

Yennes.

En celle propre sepmainne que li armée d'Engleterre aiïva en Bretagne , fallirent les trieuwes entre messire Carie de Blois et la contesse de Montfort.

1 Froissart supprime ici la relation d'un combat qui remplit le chapitre CXCV du premier livre dans l'édition de M. Buclion. Il se rapproche ainsi du récit de la Chronique anonyme de Flandre.

Quant li dis messires Caries , qui se tenoit en Nantes , sceut la vérité de la venue des Englois que ils estoient arivet en Bretagne, il pensa bien que il aueroit la guerre. Si envoia tantos à tous lés sus la mer pour oïr nouvelles de son cousin messire Lois d'Espagne et fu trouvés à le Bai en Bretagne, et jà sa voit-il que la contesse estoit passée et retournée en Bretagne. Si fist tant li dis messires Lois que il vint à Eennes et trouva là messire Carie de Blois , qui i estoit venus à grant gent d'armes. Si ordonna tantos et pourvei li dis messires Caries gens d'armes par toutes ses forterèces, et senti bien que pour celle saison les Englois tenroient les camps , se poissance de France ne li venoit trop grande, et pour ce que la besongne se tailloit que tout premièrement li sièges se meteroit devant Vennes, messires Caries de Blois i envoia en garnison deus cens lances et en fist cbapitainne messire Olivier de Cliçon et messire Hervi de Lion, et ensi de garnison en garnison il envoia ses chevaliers et puis s'en retourna à Nantes , et manda et escripsi tout Testât de Bretagne à son oncle le roi Phelippe et à son cousin le duch de Normendie, et à son frère le conte de Blois et à ses cousins , ceuls de Chastillon.

Droit as octaves de la Saint-Jehan-Baptiste ' s'en vinrent la contesse de Montfort, messires Robers d'Artois, messires Gautiers de Mauni et li chevalier de Bretagne et d'Engleterre mettre le siège devant la chité de Vennes, et l'environnèrent si avant que asségier le porent, car bien estoient gens pour ce faire. Chil de la chité se confioient grandement en la bonne chevalerie qui dedens estoient et à bonne cause; car c'estoient tous vaillans hommes et de grant prudense. Euls venu devant Vennes, il i fissent

1 C'est-à-dire dans les premiers jours de juillet 1342.

pluisseurs assaus as portes et as barrières, et moult vaillamment asalloient li Englois, et aussi li chevalier et li esquier qui dedens estoient, par grande apertise d'armes se deffendoient.

Messires Caries de Blois mettoit grande entente à ce comment il peuist avoir tant de gens d'armes et de Genevois que il peuist lever le siège et résister contre la puissance de la contesse, et avoit ses messages alans et cevauçans en France nuit et jour deviers le roi Phelippe et les signeurs ; mais pour lors la cours dou roi de France estoit si raemplie d'uiseuses ' et si lontaine en esplois, que à painnes pooit-on avoir nulle délivrance, ne on ne pooit avenir jusques au roi, car tousjours estoit-il en ses déduis, et jà se tenoient li trésorier de France tout hodé 2 et moult acargiet dou fait de la guerre de Bretagne, car trop d'or et d'argent, à ce que il faisoient entendre au roi et à son consel, reversoient là.

Dou commencement de ces guerres de Bretagne, li rois Phelippes de grant volonté aida son cousin à continuer la guerre et à lui envoyer gens d'armes et saudoyers, et puis que les guerres furent escaufées et que les Englois s'en ensonnyèrent, il s'en refroida à ce que on vei les apparans, dont les besongnes en furent plus laides pour messire Carie de Blois.

Or retournons au siège de Vennes. Messires Robers d'Artois et messires Gautiers de Mauni rendoient grant painne à ce que il peuissent conquérir la chité de Vennes pour faire garnison et frontière contre le demorant dou pais. Bien savoient que par trettié jamès ne le raueroient,

1 Uiseuse, oisiveté.

' Hodé, lassé, rebuté.

car elle estoit garnie et pourveue de vaillaus hommes et grans signeurs de Bretagne et bien amis à messire Carie de Blois, qui jamais n'entenderoient à nul trettiet et lor estoit avis que, se il pooient avoir Vennes et conquérir, il seroient grant signeur sus la frontière, car il aueroient Vennes, Hainbon et Brest et tout séant sus la mer, et poroient ces trois garnisons sans dangier conforter l'un l'aultre et retraire au besoing, se puissance de gens d'armes lor croissoit dou roïaume de France. Pour ce soutilloient-il nuit et jour comment il le poroient avoir, et tant i visèrent et soutillièrent que il vinrent à lor entente.