CHAPITRE CLXIII
Comment messires Robers d'Artois et messires Gautiers de Mauni livrèrent un très-grant assaut pendant la nuit et conquirent lachité de Vennes-
Entre les assaus que les Englois et les Bretons fissent à la chité de Vennes, il en i ot un grant et bien continuet, car il dura un jour tout entier, et se ensonnyèrent priés toutes les gens d'armes de l'oost et chil de dedens. Quant ce vint sus le soir, tout se retrayèrent dedens et dehors à lors logeis. Messires Robers d'Artois et les Englois et Bretons d'un lés soupèrent bien briefment, et point ne se désarmèrent et reposèrent un petit, et tantos apriès mie-nuit, il sallirent sus sans faire grant noise et s'ordonnèrent en pluisseurs routes et s'en vinrent pour assallir Vennes et fissent alumer grant fuisson de feus de busce au plus hault de la ville au dehors et au-desus dou vent, et dou plus priés de la ville que il porent.
Chil qui faisoient le gait pour la nuit dedens Vennes,
veirent les feus eslever contre mont à celle heure-là. Si furent tout esmervilliet et quidièrent de premiers que li feus fust en la ville. Si vinrent celle part; si commenchièrent à faire grant noise et à resvillier ceuls qui dormoient. Chevalier et esquier sallirent sus apertement et quidoient que la ville fust prise, et ensi que il issoient hors de lors hostels et il veoient les feus et les fumières au dehors, il quidoient que ce fuissent les maisons de Vennes qui ardissent, et estoient tout esfraé.
A celle heure i avoit très-grant assaut à deus portes de Vennes et pour ce que li hus et li cris estoient là, toutes gens d'armes s'i traioient.
D'aultre part, messires Eohers d'Artois, messires Gautiers de Mauni et une bataille d'Englois et de Bretons estoient aviset de lor fait et pourveu d'escelles de cordes et alèrent tout à l'oposite de l'assaut et dou hustin, là où nuls n'estoit, ne n'entendoit, et jettèrent lors escelles à cros de fier et les atachièrent as murs et puis montèrent à mont sans estre oï, sceu, ne veu, car li aultre menoient si tant grant hustin, qui asalloient et qui se deffendoient, que on n'ooit de nulle part goûte poureuls. Par celle manière entrèrent en la chité de Vennes plus de deus cens hommes d'armes, messires Robers d'Artois et sa banière et li sires Espensiers et sa banière , li sires de Fil-Watier et son pennon, messires Gautiers de Mauni et son pennon, et fu chils qui tous premiers i entra, et quant il furent tout dedens, il se missent en bonne ordenance et arroi, et descendirent tout parmi une rue en escriant lors cris et en abatant tous ceuls que il encontroient. Li François estoient. . . . ' et furent soudainement si effraé et en tel desroi que il commen-
1 Lacune d'un mot.
DE FRUISSART. |«S
cièrent à fuir, li uns chà et li aultres là, sans mettre nulle deffense en euls. Toutes fois, li sires de Cliçon, messires Hervi de Lion , messires Guis de Lohiac et li chevalier qui en garnison là dedens estoient, se sauvèrent et montèrent sus lors clievaus et laissièrent tout lor arroi. Oncques riens n'emportèrent et quidièrent bien estre trahi. Les portes au lés où les Englois et Bretons asalloient, furent ouvertes, et entrèrent dedens tout abandonnéement. Ensi fu Vennes prise de par messire Eobert d'Artois et messire Gautier de Mauni, mais trop furent les Englois courouchié que li quatre baron qui dedens estoient, lor estoient ensi escapet, et li aultre chevalier de Bretagne et de France; car bien i avoit de prisonniers pour cent mille florins.
